«УКАМ БЎЛАДИ!»
Синовларга бойдир бу дунё,
Бир кун келиб сабрим тўлади.
Кетар бўлсам Раббим қошига,
Эслагувчи укам бўлади!
Дуолар-ла, қўллайман уни,
ИншаАллоҳ, бахти кулади.
Бирдан изсиз ғойиб бўлсам ҳам,
Излагувчим укам бўлади!
Чидай-чидай тўкилиб бўлдим,
Дилда не бор Аллоҳ билади.
Бутун дунё унутар бироқ,
Соғингувчим укам бўлади.
Гоҳо ота, оғамдек бўлиб,
Баъзан койиб, баъзан қўллади.
Фарзандимдек бағрим тўлдирган,
Шу эркатой укам бўлади!
Каналимизга обуна бўлинг ва энг сўнгги янгиликларни кузатиб боринг
👇
https://t.me/+n56mLF294k00MzFi
https://t.me/+n56mLF294k00MzFi
عرض المزيد ...