audience statistics Belarus history

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

15 траўня 1905 газэта "Сѣверо-Западный Край" друкуе беларускамоўны верш-маніфэст "Мужык". Гэта першы выступ у друку маладога, яшчэ нікому не вядомага Янкі Купалы: Але хоць колькі жыць тут буду, Як будзе век тут мой вялік, Ніколі, браткі, не забуду, Што чалавек я, хоць мужык. Крыніца

Васіль Быкаў, 9 траўня 1994 года.

Святкаванне Пасхі на Палессі, пач. 20 стагоддзя. «У другі дзень Вялікадня распачынаецца адведзіны з хаты да хаты. Моладзь бавіцца яйкамі: адзін трымае у руцэ яйка, а другі па ім б'е; чыё яйка разаб'ецца, той яго страчвае, пры гэтым прамаўляюць "Хрыстос васкрос",» — адзначала Эма Яленская-Дмахоўская - пісьменніца, этнограф, фалькларыст. *Фота з кнігі "Polesie. Fotografie z lat dwudziestych i trzydziestych", 1996 г.

‼️Сябры, матэрыялы нашага каналу прызнаныя экстремістскімі 🤍💔🤍 Што скажам? здрада ці перамога?

2 красавіка 1989 года прайшоў першы суботнік у Курапатах, арганізаваны грамадскім аб’яднаннем “Мартыралёг Беларусі”. *На другім фота Зянон Пазняк, на трэцім — журналіст Алег Груздзіловіч з сынам.

25 сакавіка 1918 году Рада Беларускай Народнай Рэспублікі прыняла Трэцюю Ўстаўную грамату, у якой абвясьціла незалежнасьць БНР і аддзяленьне Беларусі ад Расеі. На фота Алесь Бяляцкі, будучы дырэктарам музэя Максіма Багдановіча, няпярэдадні Дня Волі вывесіў нацыянальны сьцяг на бальконе музэю. 1991 год (тады яшчэ СССР). Віншуем чытачоў каналу (дзе бы вы не былі) з 105-годзьдзем абвяшчэньня незалежнасьці Беларускае Народнае Рэспублікі.

Драўляны мост знаходзіўся ў парку Горкага, на скрыжаванні вуліц Карла Маркса і Янкі Купалы ў 60-я гады.

Няміга на пачатку 1970-х Жыхароў ужо пераважна расьсялілі. Вуліцы часам выкарыстоўвалі як дэкарацыі для фільмаў пра вайну. А маглі б мець старое места, амаль як у Вільні.

Беларускае войска, 1993 год. Крыніца фота Stefan Kulčanka

27 студзеня 1913 г. у Вільні на вечарынцы ў рабочым клюбе “Сокал” Беларускім музычна-драматычным гуртком упершыню была пастаўленая п’еса “Паўлінка”. На прэм’еры п’есы прысутнічаў аўтар п’есы Янка Купала, які адмыслова для гэтага прыехаў з Пецярбургу. Камэдыя адыграла адметную ролю ў станаўленьні і разьвіцьці беларускага прафэсійнага сцэнічнага мастацтва, ўвайшла ў залаты фонд беларускае драматургіі і стала яе клясыкай. Крыніца

Кірмаш у Петрыкаве 1912 год

Касцёл святога Аўгустына ў зруйнаваным Варшаўскім гета. 1945 год

160 гадоў таму назад, 22 студзеня 1863 года, пачалося нацыянальна-вызваленчае паўстанне ў Польшчы, Літве і Беларусі. У польскай гістaрыяграфіі яго называюць Студзеньскім, а ў беларускай – паўстаннем Кастуся Каліноўскага, па імені яго кіраўніка на землях былога Вялікага Княства Літоўскага. Сёння паўстанне Кастуся Каліноўскага мы разглядаем як першы важны крок на шляху да незалежнасці нашай краіны. Паўстанцкі пароль: «Каго любіш? — Люблю Беларусь! — Так узаемна!» – відавочна фіксуе выразнае нацыянальнае самавызначэнне. Чытаць цалкам

Вэтэраны пвўстаньня 1863-1864 гадоў у міжваеннай Польшчы

20 студзеня 1892 году нарадзіўся Браніслаў Тарашкевіч, беларускі грамадзка-палітычны дзяяч, мовазнаўца, перакладчык, публіцыст. Акадэмік АН БССР Браніслаў Тарашкевіч уклаў даведнік Беларускай граматыкі, які стаў грунтам для ўсіх наступных граматык.

Менск, плошча Якуба Коласа з відам развілкі вуліцы Якуба Коласа і праспекта Незалежнасці, часы Другой сусветнай вайны.

17 студзеня 1884 нарадзіўся Антон Луцкевіч, адзін з пачынальнікаў беларускага нацыянальнага руху ў ХХ ст., гісторык, літаратуразнаўца, публіцыст. Адзін з заснавальнікаў першай беларускай партыі, накіраванай на нацыянальнае адраджэнне і палітычную самастойнасць беларусаў, — Беларуская сацыялістычная грамада (БСГ). Ініцыятар абвяшчэння незалежнасці Беларускай Народнай Рэспублікі, таксама займаў розныя пасады ў БНР. Уваходзіў у склад рэдакцый газэтаў «Наша доля» і «Наша ніва». Яго намаганнямі ў 1921 годзе ў Вільні быў створаны Беларускі музей імя ягонага брата Івана Луцкевіча, дзе былі выстаўленыя рэдкія помнікі беларускай даўніны з асабістай калекцыі Івана. Быў арыштаваны НКВД 30 верасня 1939 года ў Вільні і асуджаны на 8 год лагераў. Памер у перасыльным пункце для ссыльных горада Аткарска 23 сакавіка 1942 года.

Менск у 1978. Нямігу ўжо разбурылі й пачалі будаваць жылы дом з вежай

Панарама цэнтру Менску, канец 1950-х

16 студзеня 1826 нарадзіўся Рамуальд Траўгут - генерал, удзельнік паўстання 1863-1864, адзін з яго кіраўнікоў. Пасля пачатку паўстання, у красавіку 1863, сфарміраваў і ўзначаліў Кобрынскі паўстанцкі атрад. Крыніца

Адбудова чыгуначнага мосту праз Шошу на перагоне Падсвілле - Зябкі, 1921 год. Фота зроблена з правага боку чыгункі, калі глядзець ад Падсвілля. Крыніца

У гэты дзень, 13 студзеня 1593 года, памёр Сымон Будны, знакаміты рэлігійны дзеяч, актыўны ўдзельнік рэфармацыйнага руху, прапаведнік. Нават ягонае прозвішча нібы падказвала, што ён будзе будзіцелем царкоўнага жыцця. Ён аўтар знакамітага "Катэхізіса" дзе па-старабеларуску у форме пытанняў і адказаў тлумачылася рэлігійнае вучэнне. Ён жа адзін з заснавальнікаў кальвінісцкай друкарні ў Нясвіжы пры князях Радзівілах. Таму з 1982 года ў горадзе стаіць помнік Сымону Буднаму. Помнік Буднаму стаіць і ва ўнутраным дворыку БДУ, дзе паказаны ягоны дыспут з асветнікам Васілём Цяпінскім. Рэлігійныя погляды Буднага мелі трансфармацыю, а ў самога прапаведніка з'яўлялася нямала прыхільнікаў, але адначасова і шмат лютых ворагаў. Адметна, мы ведаем як выглядаў дзеяч толькі на падставе карыкатуры, як Сымон Будны смажыцца ў пекле за ерась (малюнак з памфлету езуіта Станіслава Рэшкі).