АЙТ, НЕ ҚИЛАЙ...
Очилмаган ғунчамиди, лабларинг?
Инжумиди, ё дурмиди, тишларинг?
Лоламиди ё тошмиди қалбларинг?
Менинг билан бўлмай қопти, ишларинг...
Бормадими, саболарда хатларим?
Айтмадими, қушлар сайраб дардларим?
Қайга учди, тунда ёзган байтларим?
Кетармикин, ёмғирларда гардларим...
Айтмоқ бўлдим, сенга дилдан сўзларим,
Термулди, воҳ, йўлларингга кўзларим,
Сарғайтирма, сенга бурган юзларим,
Эрит ўзинг энди дилда музларим...
Гар йўқ десанг, энди нома ёзмайман,
Дил торимни ишқ куйимга созлайман.
Ишқсиз асло ақлдан ҳам озмайман,
Ўз~ўзимга, севгимга чоҳ қазмайман,
Айт, не қилай..?
✍️ МУРОДУЛЛА
عرض المزيد ...