Менга кераксиз...
«Кераксизман» дея асло ўйламанг,
Жимитдек жонингиз бунча қийнаманг,
Мени узоқ тутманг, сабрим синаманг,
Қадрдоним менга жуда кераксиз.
Дардингиз олайин еткунча кучим,
Шудир олий мақсад, шу аҳир бурчим,
Борлигингиз муҳим яшашим учун,
Меҳрибоним менга жуда кераксиз.
Йиғламанг, йиғламанг ўзни қийнаманг,
Мен яхшиман дея ёлғон сўйламанг,
Армондан, ҳижрондан қўшиқ куйламанг,
Қадрдоним менга жуда кераксиз.
Сўзингиз дардимга бўлади даво,
Сиз-ла ҳаётимда бор олам маъно,
Ҳеч кимим йўқ дея ўйламанг ҳато!
Меҳрибоним менга жуда кераксиз!
Борингизча сизни қиламан ҳурмат,
Сиздан бир илтимос: «ўзгарманг фақат»,
Кетманг ҳаётимдан қилолмам тоқат,
Қадрдоним менга жуда кераксиз.
Дардингиз айтсангиз даво бўламан,
Айтмай яширсангиз адо бўламан,
Сизни Аллоҳ учун яхши кўраман,
Эй азиз инсоним менга кераксиз!
🚀Керакли инсонларимизга жўнатиб қўямиз
✍ Мумтозбегим
👩⚕️ @Ginekologiya 👩⚕️
➕ @Soglom_Oilabot ➕
👨⚕️ @Urologiya_uz 👨⚕️
👩🏻⚕ @Ginekologiya_Ayollar_salomatli 👩🏻⚕
Show more ...