Синглимга
Югуриб баъзан иш, баъзан ташвиш деб,
Юрибман ўзимча дунё ғамин еб.
Баҳонам қўнғироқ қилмайин ҳадеб,
Синглим бир бор ҳолинг сўрай олмадим.
Эртага сўрайман аҳволин, ҳолин,
Мен учун тикади ҳаётин жонин.
Шунчалар бемеҳр, тошманми золим,
Синглим бир бор ҳолинг сўрай олмадим.
Кўз кўзга тушганда қувонган ўзи,
Жонимга жон берар ҳар айтар сўзи.
Эшикка умидвор термулар кўзи,
Синглим бир бор ҳолинг сўрай олмадим.
Ортмайди рўзғори ғор ташвишидан
Баъзан кир қидирар қилган ҳар ишдан.
Ҳеч бошим чиқмайди битмас юмушдан,
Синглим бир бор ҳолинг сўрай олмадим.
Ғам тилса билдирадирмас жилмаяр майин,
Оқибат ўлмоқда нетай кун сайин.
У ҳам бир онадир, унга ҳам қийин,
Синглим бир бор ҳолинг сўрай олмадим.
Соғинчдан кўзлар ҳам намланар яна,
Умр ўтиб бормоқда, кетмоқда мана.
Кутмайин энди бас бирор тантана,
Синглим бир бор ҳолинг сўраб бораман.
© ИРОДАХОН ҚОСИМОВА
Барча, онасини яхши кўрадиганлар учун канал👇
https://t.me/jannatim_onam_onajonim_otamMostrar más ...