#Аёлларга_50_насиҳат
🧕🏻 ИЙМОН ВА СОЛИҲ АМАЛ
Расулуллоҳ (с.а.в.)нинг аёлларини гуноҳлардан эҳтиёт қилганлари ва жаҳаннамнинг аксарияти аёллардан иборат эканини айтганлари
Усома (р.а.)дан ривоят қилинган ҳадисда шундай дейилади:
Расулуллоҳ (с.а.в.) айтдиларки: "Жаннат эшигида тўхтаб қарадим. Кўрдимки, ичкаридагиларнинг аксарияти камбағал ва бева-бечоралар экан. Бойлар ҳисоб-китоб қилиниш учун эшик олдида ушлаб турилган экан. Жаҳаннамга ҳукм қилинганлар оловга судраб кетилаётган эди. Кейин Жаҳаннам эшиги ёнига бордим. Кўрдимки, у ерда аксарият аёллар эди" (Бухорий. Риқоқ).
Ибн Аббос (р.а.) ва Имрон Ибн Ҳусайн (р.а.)дан ривоят қилинган ҳадисга кўра, Пайғамбаримиз (с.а.в.) марҳамат қилдиларки:
"Жаннатга яқиндан қарадим: у ердагиларнинг кўпчилиги фақирлар эди. Жаҳаннамга ҳам яқиндан қарадим: у ердагиларнинг кўпчилиги аёллар эди" (Бухорий. Риқоқ).
Ибн Аббос (р.а.) Расули Акрам (с.а.в.)дан ривоят қилади:
"Менга Жаҳаннам кўрсатилди. Кўрдимки, у ернинг аҳолиси асосан, аёллар эди. Улар куфр қилган эдилар". Шунда сўрашдики: "Улар Аллоҳга куфр қилганмидилар?" Пайғамбаримиз Муҳаммад (с.а.в.) жавоб бердилар: "Йўқ, улар эрларига ва ундан кўрган яхшиликларга нонкўрлик қилганлардир. Бир аёл эридан бир умр мурувват ва эҳсон кўради-да, бир марта хуш кўрмаган нарсаси бўлса, "Сенга тегиб нима кўрдим" деб юборади" (Бухорий. Имрон).
Ибн Умар (р.а.) келтирган бир ҳадисда Пайғамбаримиз Муҳаммад (с.а.в.) марҳамат қилдиларки:
"Эй аёллар! Кўпроқ садақа беринг ва истиғфорни кучайтиринг. Чунки мен Жаҳаннамни аёллар билан тўла эканини кўрдим. Шунда аёллар сўрадиларки:
"Нега Жаҳаннам бизлар билан тўлдирилади" Расули Акрам (с.а.в.) жавоб бердиларки:
"Чунки сизлар қарғайсизлар, эрингизнинг қилган яхшиликларини тезда унутасиз. Ақлингиз ва динингиз кам бўла туриб, ақли бошида бўлган эрингизни йўлдан чалғитасиз". "Ақлимиз ва динимизнинг камлиги қаердан билинади" – деб сўради бояги аёл. Расули Акрам (с.а.в.) жавоб бердиларки:
"Икки аёлнинг гувоҳлиги бир эркакнинг гувоҳлигига тенглаштирилди. Аёлларнинг бир неча кун намоз ўқиб, рўза тута олмасликлари диндаги нуқсонларидир" (Бухорий. Ҳайз).
ШАРҲ
Расулуллоҳ (с.а.в.) аввал эркакларга садақа (закот) беришни буюрдилар, кейин аёлларга садақа беришни ва кўп-кўп истиғфор айтишни амр қилдилар. Меърож кечаси ва кусуф намози ўқиётганларида" кўрсатилган манзарани тасвирлаб, Жаҳаннам аҳлининг кўпчилиги аёллар эканини таъкидладилар. Уларга Жаҳаннам азобидан омон қолиш учун тавба қилишни ва кўп эҳсон қилишни тавсия қилдилар.
Пайғамбаримиз Муҳаммад (с.а.в.) инсонлардаги камчиликларни тўғрилаш учун диққатни тортувчи жиҳатларга кўп эътибор берар эдилар. Ўша куни ҳам бунга амал қилган эдилар. Эркакларга қараганда аёлларда кўпроқ учрайдиган икки камчилик ҳақида сўз юритган эдилар. Уларни қарғаш ва эрларига шукр қилмаслик одатларидан қутқармоқчи бўлган эдилар.
Кундалик ҳаётда тез-тез қулоққа чалинадиган, аёлларнинг тили одатланиб қолган "Қирилиб кетгур", "Ҳароми", "Ер ютгур" каби жирканчли лаънатларни ишлатишдан Расули Акрам (с.а.в.) қайтардилар. Қарғиш инсонни ўзига қайтишини шундай тушунтирдилар: "Ўзингизни қарғаманг, болаларингизни, молларингизни қарғаманг. Агар улар дуолар қабул қилинадиган маҳалга тўғри келиб қолса, қарғишларингиз ҳам ўтиб кетади, сўнг ўзингизга уради." Лаънат сўзи Аллоҳдан узоқлаштирувчи, Унинг ғазабига учратувчи оғир сўздир. Бу муслима аёлларга ярашмайди.
давоми бор...
@mehrob_uzMostrar más ...