Бисмиллаҳир Роҳманир Роҳийм
Бугун жаннат ҳақида ёзгим келди. У ҳақида кўпчилик маълумотга эга бўлса-да, яна бир бора жаннат васфи ҳақида ўқилганда унга киришга бўлган иштиёқ ошиб, янада астойдил ҳаракат қилсак, дея ният қилдим.😊
Жаннат: У муқим неъмат учун Аллоҳ яратган боқий қолинадиган жойдир, унда нафслар хоҳлаган, кўзлар роҳатланадиган, инсон ҳаёлига келмаган кўз кўриб, қулоқ эшитмаган лаззат ва неъматлар бор.
Аллоҳ таоло шундай дейди: «Икковларида ҳар мевадан жуфт навлар бор»
(Роҳман сураси, 52- оят).
Аллоҳ таоло Қуръони
Каримда жаннатни тўлиқ васфлаб, унда дарёлар, дарахтлар, алвон мевалар, ҳуру ғилмонлар борлигини айтади, лаззат, муқим неъмат ҳамда доимий роҳат- фароғат истовчиларни унга тарғиб қилиш учун шундай дейди:
«У ерда пардали, баланд сўриларда суянган ҳолдалар. У ерда қуёшни ҳам, совуқни ҳам кўрмаслар. Ва устларига унинг (жаннатнинг) соялари яқиндир ҳамда унинг мевалари жуда ҳам осон қилингандир. Ва уларга кумуш идишлар ва биллурлардан бўлган қадаҳлар айлантириб турилур. Биллурлар кумушдандир, (соқийлар) ўлчовини келтиргандир. Улар у ерда қадаҳдан суғорилурлар: (унинг) аралашмаси занжабийлу ундаги (жаннатдаги) салсабийл номли булоқдан бўлгандир. Атрофларида мангу ёш болалар айланарлар, уларни кўрсанг, сочилган дур деб ўйлайсан. Агар кўрсанг, у ерда неъматни ва улкан мулкни кўрурсан. Эгниларида яшил сундусдан (юпқа ипак) ва истабрақдан (қалин ипакдан) кийимлар бор ва кумуш билакузуклар-ла ясанганлар ва Робблари уларни пок шароб билан суғорур»
(Инсон сураси, 13–21-оятлар).
Жаннатда ибодат, намоз ва рўза йўқ, чунки у мукофот диёри. Дунё эса амал ва синов диёри.
Жаннатлар еттита: Фирдавс, Адн, Хулд, Наъийм, Маъва, Доруссалом, Дорулжалол. Баъзилар уни тўртта дейишган, улар бир- бирига ўзаро боғлиқдир. У ерда набий соллаллоҳу алайҳи васалламни ва у зотнинг саҳобалари ва яхши кўрган инсонларини кўрасиз.
Мўмин эркак ёки аёл жаннатда энг гўзал кўринишида ёшлигининг чўққиси тахминан ўттиз ёшида бўлади, шунинг учун Набий соллаллоҳу алайҳи васаллам қари аёлга ҳазил қилиб шундай деганлар: «Жаннатга қари аёл кирмайди, балки ёш қиз ҳолида киради».
Шайх Муҳаммад Солиҳ Фурфурнинг “Ақида асослари” китобидан.
---------
Аллоҳ таоло сиз-у бизни жаннатига савол-жавобсиз киришга муяссар этсин, жаннатда ва ундаги неъматлари ила ризқлантирсин. Жамолини бепарда кўрадиган бандалари сафидан қилсин, омин
ادامه مطلب ...