Кечиринг Она...
Онажон қўлингиз нега титрайди,
Нега юзларингиз маҳзунлик олган...
Дейсиз: -Бироз тобим йўққа ўхшайди,
Шу сабаб юзимда рангим йўқолган...
Йиллар аламини олдими сиздан,
Тим қора сочингиз пахтадек оппоқ...
Бу ҳаёт қонуни дедингизу лек,
Биз сизни қаритдик йиллардан кўпроқ...
Асло инкор қилманг бари ҳақиқат,
Гоҳо боролмадик ишлар баҳона...
Тинмай соғинтириб йўлга қаратдик,
Сиз эса келар деб кутдингиз Она...
Насиҳатларингиз олмай қулоққа,
Сизга қовоғимиз уйганимиз рост...
Сиз бизни дунёча суйдингиз бизчи,
Дунёни сиздан кўп суйганимиз рост...
Бизга ҳудбин деган сўзнинг ўзи кам,
Қачон бундай тошга айланди юрак...
Ҳаётнинг энг олди ҳудбинлари ҳам,
Бизнинг олдимизда бош эгса керак...
Тўғрида қачон бир ўзимиз билиб,
Илиқ қучоғингиз тафтига шошдик...
Чорласангиз бордик оғриниб секин,
Лек дунё чорласа довонлар ошдик...
Кимларнинг ишқида ёндик беолов,
Бизнинг севгимизга улар зормикан...
Онажон, бу бир кам олами аро,
Оҳ бизни сизчалик суйган бормикан...
Айтсак тугамайди хатоларимиз,
Бош эгиб турибмиз ҳаммамиз мана,
Барини тушундик кечроқ бўлса ҳам,
Биздек нодонларни кечиринг Она...
Биздек нодонларни кечиринг Она...
Зоҳид Зиё...
Chat guruhimizga marhamat👇
@superkelinlar
┄┅┅••═•⊰👩🍳👩🍳👩🍳⊱•═••┅┅┄
@SUPERKELINCHAK
https://telegram.me/joinchat/AAAAAER3A7dY_6JStJ_DLg
┄┅┅••═•⊰👩🍳👩🍳👩🍳⊱•═••┅┅┄
Показать полностью ...