«ҲАЁТ»
Осмонларда бўлсин қўлларинг,
Лекин ердан узмагин оёқ.
Ҳаволаниб кетсанг ўзингдан,
Ҳаёт ўзи беради сабоқ.
Гоҳи ташвиш, гоҳида шодлик,
Кимдур ночор кимдадир бойлик.
Беш қўл бирдек бўлмаганидек,
Ҳаёт доим бўлмас чиройлик.
Ҳаёт дўстим ҳаёт бу ҳаёт,
Минг синовда синаркан сабот.
Кимдир ғолиб, кимдир ютқазиб
Пешона деб яшар одамзод.
Баҳорда ҳам ёғар гоҳо қор,
Баъзан қишда келади баҳор.
Ҳаёт ҳам бир шундай фаслда,
Сен кутмаган холатлари бор.
Кимдур яшар қилиб яхшилик,
Ким кун кўрар қилиб ўғирлик.
Кимлар яшар ҳаётдан нолиб,
Ким борига қилар шукурлик.
Умр ўтар сувдек тинимсиз,
Ким қадрлар кимга қадрсиз.
Вақтимизни бекор ўтказиб,
Ёш ўтганда демайлик эссиз!
Ҳаёт сенга кулиб боқмаса,
Сен ҳаётга кулиб боқ дўстим.
Дунё гўзал кулган юзларда,
Бахт қувончни кўрасан дўстим!
Бизнинг фикрларимиз — ҳақиқатимиз.
👉
https://t.me/farosatliklarПоказать полностью ...