ОНАМНИНГ ЙЎҚЛИГИ БИЛИНДИ
Бугунги тўй жуда, бошқача тўйдир,
Куйлари ҳам ҳатто оғриқли куйдир,
Менинг кўксим гўё ҳижронга уйдир,
Онамнинг йўқлиги билинди росса.
Бошимнинг устида гўё тош турар,
Ёлғизлик жонимга тинмай ниш урар,
Меҳмонлар ичида ўрни бўш турар,
Онамнинг йўқлиги билинди росса.
Томоғимда қолди чайнаган ноним,
Талпиниб тўрт томон оғриди жоним,
Давранинг тўрига қараган оним,
Онамнинг йўқлиги билинди росса.
Фироқ шамолида қотдим, музладим
Йиртилган ярамни такрор тузладим ,
Кўзимга ишонмай,тинмай изладим,
Онамнинг йўқлиги билинди росса.
Билмам кўнглим нега бузилиб кетди,
Кўксимдан нимадир узилиб кетди,
Ҳаммадан ҳам бугун сезилиб кетди,
Онамнинг йўқлиги билинди росса.
Мактуба ШАЙДО
ЯҚИНЛАРИНГИЗГА УЛАШИНГ
Ота онасини эзозлаганлар❤️
https://t.me/+yY2I22CIaJhkZmIy
Аёллар Бекати 💖💖
https://t.me/+P-G8C7PhOHBlMDFi
Показать полностью ...