#яхши_шеърлар.
Ортимда қолганлар, сизни кечириб,
Хотира аталмуш жарга ташладим,
Мен бугун туғилдим қайтадан яна,
Мен бугун яшашни бошладим!
Аслида бардошим пўлатдек метин,
Ишқсизлар юртида бир оз олдим тин,
Энди яна ёниб севмоқлик учун,
Мен бугун яшашни бошладим!
Қадр билмаслардан қадримни топдим,
Худо демаслардан сабримни топдим,
Минг шукр, минг шукр,
У уйнинг эшигин ёпдим,
Мен бугун яшашни бошладим!
Доғ тушган кўзларим бирдан чароғон,
Ўзимни кўзгуда кўриб кўп ҳайрон,
Қаерларда эдинг эй, азиз, инсон,
Мен бугун яшашни бошладим!
Сароблар кўзимга сувдек кўринди,
Биттагина жоним минга бўлинди,
Менга олий жазо хукм қилинди,
Мен бугун яшашни бошладим!
Аммо билар эдим, қайдадир борсан,
Азалий орзуим, вафодор ёрсан,
Сен ҳам яшамоққа менингдек зорсан,
Мен бугун яшашни бошладим!
Энди қўлларимни қўйма қўлингдан,
Бир қадам силжимай юрай ёнингдан,
Жонингдан ўргилиб кетай, жонингдан!
Мен бугун яшашни бошладим!
МЕН БУГУН ЯШАШНИ БОШЛАДИМ...
©️Малика Салимова.
https://t.me/shirinimarmonimПоказати повністю ...