Жаранглайди сўнгги қўнғироқ!
Бугун барча умумтаълим мактабларида анъанавий “Сўнгги қўнғироқ” тадбири ўтказилди. Маълумот учун, вилоятимиз бўйича 11 синф битирувчиларининг сони 23 минг 376 нафарни ташкил қилиб, уларнинг 696 нафари мактаб таълимини олтин, 232 нафари кумуш медал билан якунламоқдалар.
Жорий ўқув йили якунланиши муносабати билан Янгиариқ туманидаги 22-сонли умумтаълим мактабида ўтказилган тадбирда вилоят ҳокими Жўрабек Рахимов қатнашиб, мамлакатимиз Президентининг умумтаълим мактаблари битирувчиларига йўллаган табригини ўқиб эшиттирди. Ушбу ўқув йилида вилоятимизда халқ таълими соҳасида эришилган ютуқларга тўхталиб, мустақил ҳаёт остонасига қадам қўяётган йигит-қизларга келгуси ўқиш ва ишларида омад тилади. Тадбир якунида ўқув йилида юқори натижаларга эришган устозлар, ўқувчилар ва фаол ота-оналар вилоят ҳокимининг ташаккурномаси билан тақдирланди. Мактаб узра жаранглаган сўнгги қўнғироқ садолари ўғил-қизларни янги мақсадлар ва юксак орзулар сари дадил қадам ташлашга чорлади!
Хоразм вилояти ҳокимлиги матбуот хизмати
Ko'proq ko'rsatish ...