audience statistics YAXSHILAR.UZ

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

https://t.me/yaxshiilar/46

Сизларга бир ёмон ва бир яхши хабаримиз бор.))) Ёмонидан бошлайман. Кичик бир техник хато сабаб бу канални бошқарувини қўлдан чиқариб қўйилди. Бу канал фаолияти тўхтатилди. Бошқа пост чиқмайди. ☹️ Энди яхши хабарга келсак канални қайта очилди))) фаолият давом этади. https://t.me/yaxshiilar

Охири зўр чиқибди 😅: "Авиценна эмас, Ибн Сино. Авероус эмас, Ибн Рушд. Жебер эмас, Жобир Ибн Ҳайён. Мусулмон эканликларини яшириш учун мусулмон олимларнинг исмларини лотинчалаштиришни бас қилинг. Ахир биз Шекспирни "Шейх Зубайр" демаймиз-ку."

Сергелида 9-қаватдан ўзи ва 3 нафар боласини ташлаб юбориб ҳалок бўлган аёл воқеаси. Болаларнинг отаси, аёлнинг турмуш ўртоғи билан суҳбат уюштирдик. Бутун оиласини 1 кунда йўқотган отага осон эмас ҳозир. Лекин ҳар хил гап сўзлар, туҳматлар кўпаётган вақтда бу суҳбат зарур деб ўйладик. Суҳбат давомида эркакнинг бошқа аёли борми, Умрага кимлар билан кетган, фожиадан аввал нималар бўлган, аёли ва болалари қайнонасининг уйига нега кетгани, уларнинг холидан хабар олган олмаганлиги ҳақидаги саволларга жавоб олиш мумкин. Пс. Рафқат ака аёлининг руҳий ҳолати, аввал суисид қилган қилмагани ҳақидаги саволларимизга жавобни жамоатчиликка эълон қилмасликни, аёлини яхши кўрганини, зарурат бўлса ҳуқуқ-тартибот органларига билдиришини айтиб ўтди. Батафсил видео 👉 https://youtu.be/2rcsTOA8C8Q

#долзарб Бугун саҳарданоқ нохуш хабарга кўзим тушди: Сергели туманида аёл ўзи ва уч фарзандини тўққизинчи қаватдан ташлаб жойида вафот этибди. Вазият қанчалик оғир бўлмасин, бу ҳолатда аёлнинг ишини кескин қоралайман. Оилавий низолар тўйдириб юбориб жонига қасд қилгани маълум, лекин болаларда нима гуноҳ? Кошки, ўзини ўлдириш билан муаммо битган бўлса?! Йўқ, аксинчаку, ҳамма даҳшат, ҳамма азоб энди бошланади? Ўз жонига қасд қилиш гуноҳи кабира, яъни энг катта гуноҳларнинг бири, бунинг каффоратини топиш амримаҳол иш. Наҳотки, одамлар ўзларини шунчалик абгор ҳолатга олиб боришлари шарт бўлса?! Аллоҳ никоҳни неъмат қилиб яратди, бу ришта ортида қалблар, тақдирлар боғланади. Никоҳда қанча хайрлар бор. Аммо ўхшамаган турмушнинг якуни шунақа фожеали тугагандан кўра, ўша риштани узиш маъқул эмасмиди? Никоҳ каби ўз навбатида ажрим ҳам неъмат—ку! Болаларни, ўз жонини оловга отишдан кўра, уларни етаклаб чиқиб кетиш ҳозирги фожеадан кўра енгилроқ фожеа эмасмиди?! Ажралиш ҳаётнинг тугаши эмас. Шунчаки мос тушмаган қарашларнинг бадалини уч боланинг хуни билан тўлаш шартмиди?! Бизда бир—бирига чидаб яшаш, деган тушунча бор. Қанча хорлик кўрсаям, ҳолат ислоҳ бўлмаслигига кўзлари етишсаям, чидаб яшашаверади. Оила бир—бирига азият етказиб ўшанга чидаш эмас, келган синовларга бирга чидаш аслида. Оқибати бу каби аянчли бўладиган турмушлардан Аллоҳ ҳаммамизни сақласин. Болалар учун ҳаммасига чидаб, қачондир болаларни ҳалок қиладиган бўлсаларингиз, илтимос, аёллар, у оилани тарк қилинг. Бунчалик тубанлашманг. Чорани ўлимдан қидирманг. Болаларни ўлдиргандан кўра никоҳ риштасини узинг, бу гуноҳнинг бадали енгилроқ бўлар... #Ummu Amina

Бу фожеа 😞

Эшик қоқиб келаётган совчилар орасида муносиби бўлса ҳам, фақатгина сеп етарли бўлмагани учун, тўйга маблағ йиға олмагани учун қизини узата олмаётган отани кўрганингда; Қиз томон айнан мана шу сабаб туфайли сўровингга салбий жавоб бераётганини билиб туриб, булар муҳим эмас, мол-дунё, латта-путта топилади, келинг, ихчамроқ бўлса-да, тўйни ўтказиб олаверайлик дейишга матонати етмаётган совчи-оилани кўрганингда; Кексайиб, ёши бир жойга бориб қолганида, ибодатлари, сўроқ-саволи ҳақида эмас, маракасига қанча одам келишию, дастурхонга нималар тортилиши ҳақида қайғураётган қарияни кўрганингда; Қайсидир идора ходими кимдир устидан ёзиб бергани туфайли бўшатилганини эшитганида: эҳ, аҳмоқми булар, нима қипти 50 доллар-100 доллар олиб турса, зато осонгина ишимиз битаётганди, энди палон пул сарфлаб, ҳужжат қилишга тўғри келади, деб ёзғираётган эркакни кўрганингда; Бу одамга тегиб нима кўрдим ўзи, ишдан келиб китоб ўқишдан бошқасига ярамайдиган, интернет титиб, янгиликлар билан танишиб ўтирадиган бу каби эрдан тўйдим. Ҳа мундоқ чиқиб ҳаракат қилмайдими, маниям орзу-ҳавасим бор, қўша-қўша тилла таққим келади, машина минсам дейман. Биримизнинг пулимиз кредит тўлашдан ортмайди, биримизники тирикчиликка, кийим-кечакка кетади. Бу аҳволда қачон тонг отади. Юринг Россияга десам, пенсия ёшига етиб қолдик, дейди-я. Тўйдим, тўйиб кетдим, деб ҳасратидан олов чиқаётган аёлни кўрганингда; Дадам бир ғалати-да, четга ишлашга бораман десам, нуқул қора ишга бориб нима қиласан, она тилингдан ташқари иккита тилни билсанг, шу ердаям иш топилади санга. Аввал ўқишингни тугат, бир мутахассисликни яхши ўрганиб ол деб қаршилик қилганлари-қилган. Ҳа битта борига қаноат қилиб яшаган ўзларими? Нима кўрдик биз?! Ҳозиргача машинамизни яхшироғига алиштиролмаймиз. Энди мени йўлимни тўсяптилар. Қаноат-қаноат... Жонга тегди ҳаммаси, деб қўл силтаётган йигитни кўрганингда; Тинимсиз ҳасрат қилавериб, ахийри эрини четга кетишга кўндирган, эртаю-кеч бўйга етган боласига сеп йиғиб, ясан-тусанни жойига қўйиб, ҳали у гапдан, ҳали бу гапдан бери келмайдиган, эри узоқдан қўнғироқ қилганида, ҳаммасини есть қиляпмиз, адажониси деб туриб, ёши бир жойга борган қайнона-қайнотасига, мани вазифаммас сизга қараш, ўзингизни эплаволинг керак бўлса, деб дўқ урадиган аёлни кўрганингда; Мана бу кўйлагимни кўринг, кеча бутикдан 500 долларга олдим, билагузугимни кўряпсизми, деб буюмларини мақтаниб бўлгач, дугоналаридан бирига юзланиб, шу десангиз, ҳеч шу қизимни уйи тиниб кетмаяпти. "Бахтиёр оила" деган китоб бормуш. Сиз китобхонсиз-ку, бериб туринг, бииир куёвтўрамизга вазифаларини уқтириб қўяйлик, кейин қайтариб берамиз. Кеча сотиб олай деб суриштирсам, қиммат экан. Ҳа сиздай ботанлар турган-да, биз сотволиб юриб нима қилдик дедим, ха-ха-ха-ха, деб ноўхшов кулаётган аёлни кўрганингда; Тўйга чақирилган меҳмонларнинг ҳадясию тўянасини ҳисоблатиб, дафтар тутган, ҳар бир тўйга берган ўзининг тўяналари рўйхатини юритаётган эр-хотинни кўрганингда; Пора олган амалдорга қойил қолиб, эплаптими, қандини урсин, сен ҳам лаллайма ўғлим, шунақа ёғли жойларни эгаллаш учун ҳам, ўқишга астойдил бўлгин, ҳа ота-ўғил, ота-ўғил дея ўғлининг елкасига қоқаётган отани кўрганингда; Ҳай, бу сепни турқини қара, уйи бир аҳволлигигаям чидагандим... Ўғлимнинг кўнглига қараб хато қилдим-хато қилдим, на бир сепи тузукмас, на бир ота-онаси қуллуқ қип турмайди, фақат китоб титгани-титган. Келиндан умидларим шумиди-я, шумиди?! Пешонам қурсин, пешонам қурсин деб, пешонасига шаппатилаётган аёлни кўрганингда — Қалбингни бир ғалати ҳис чулғаб олади. Жуда ҳам ғалати ҳис. Шунча йиллар диндан узоқ тутилганимиздан ўкинишми? Сувдек оқиб кетаётган умримизга ачинишми? Ё илмга, билишга қизиқмаётганимиздан афсусланишми? Ҳаётимизни ўткинчи мол-дунёга сарфлаб юбораётганимизнинг қўрқувими? Балки сиз биларсиз бу ҳиснинг номини? ✍️ Gavhar Nasrulloh

⚡️YANGILIK 📖"Arab tili gramatikasi" kursi (boshlang'ich) Bu yo'nalishda kurs ochishimizni ko'plab azizlar iltimos qilishar edi. Kuchli ustoza topishni niyat qilgan edik. Alhamdulillah MISR uslubida o'qita oladigan ustozani topdik. 🎯1-Guruh: Dars kunlari: Dushanba - Juma Dars vaqti: 21:00 O'qitiladigan kitob: "Al Arabiyatu Bayna Yadayk" kitobi asosida 🎯2-Guruh: Dars kunlari: Seshanba - Shanba Dars vaqti: 06:30 O'qitiladigan kitob: "Al Arabiyatu Bayna Yadayk" kitobi asosida Ustoza: QOMAR Guruhlarga 10 tadan talaba qabul qilinadi. Narxi oyiga 250 ming so'm (10 dars uchun) MUROJAAT QILISH UCHUN: 👉@markaz_administrator 📍Talabaga shartlar: 1. Eng kamida arab tili harflarini taniy olishi, Muallim soniy tugatgan bo'lishi kerak. 2. Darslarga o'z vaqita kirish, Uyga vazifalarni o'z vaqtida bajarish. Lug'atlarni pishiq qilib yodlash. 🔖Ustozani ilmiy darajasi haiqda qisqacha: Misrdagi "Al Azhar universiteti"da edodiy va sanaviy bosqichini tugatib diplomini olgan va hozirda kulliyada bakalavr darajasida o'qiydi. Tajviddan "Tuhfatul atfal" va "Jazariy"dan ijozasi bor. Qur'oni karimdan ijozasi bor. Arab tili gramatikasidan 2 hil ijozasi bor. Sal kam 2 yillik o'qitish tajribasi bor. https://t.me/annisa_markaz

#Афсуски, чақалоғимизни асраб қололмадик. Илк кунларда аёлим уни тинчлантириш учун тез-тез эмизишига тўғри келди. Кейин сути буткул кесилди. Шундан сўнг тупугимиз билан оғзини ҳўллаб турдик. Тупугимиз ҳам қуриди. Аёлим қўлини кесиб, қонини оғзига томчилатиб турди.. Бешинчи кун... тонгда ортиқ унинг жажжи вужуди дош бера олмади. Қучоғимизда ётганча қайтиб уйғонмади. Қалби уришдан тўхтаганди.... Бизни тўққиз кундан сўнг топиб, олиб чиқишди. Қутқарувчилар бор бўлсин. Аслида бизни бу зулматдан фақат дуоларимиз қутқарди... Шифохонадан чиққач, аёлим билан бирга фақат Аллоҳ йўлидаги даргоҳларда хизмат қилишга аҳд қилдик. Мол-дунёдан кўнглимизни уздик. Пул топиш учун умримизни сарфламаймиз.

Туркиядаги зилзилада 6 ёшли ўғлидан айрилган отанинг сўзлари: — «Ўғлимиз Аҳмадни Аллоҳ яратди, уни бизга сотгани ҳам, ҳадя ҳам қилгани йўқ. Уни маълум муддатга омонат қилиб берди. Биз у муддатни билмаганимиз сабабли доим биз билан қолади деб ўйлаган эканмиз. Аммо вақт соати шу кунгача экан. Менга тегишли мулкни бирорта бегона олишга ҳаракат қилса қаршилик кўрсатардим. Лекин мулкни ўз эгаси сўраса қўлимиздан нима ҳам келарди. Роббим бизга бир гулни омонат қилиб, 6 йил ифоридан ҳидлашимизни насиб қилди. Бу 6 йилни ҳар бир они учун Роббимга ҳамд айтишга қарздорман. Энди давоми иншааллоҳ жаннатда...».

Фарзанд тарбияси дегани улар билан ўзингизни ҳам тарбия қилиш деганидир: ✔️ Хоҳлаб турган нарсаларингиздан воз кечасиз; ✔️ Фарзандларга юқмасин деб, ёмон одатларингизни тарк этасиз; ✔️ Ўрнак бўлай деб яхши хулқлар билан сифатланасиз; ✔️ Ўзингизни босиб, болани қаноатлантириб, диалог услубида гаплашишни ўрганасиз; ✔️ Овқатланиш, кийиниш тарзингизни яхшилайсиз; ✔️ Ҳар бир саволга жавобингиз бўлиши керак; Фарзандларингизга тарбия бериш сизни ўзгартирмаса, демак уларни тарбия қила олмаяпсиз! Устоз Obidxon Sobitxon ҳафизҳуллоҳ.

Aziz muslimalar, Qur'oni Karimni tilovat qilishni puxta o'rganishni xohlaysizmi? 👀 Unda ushbu "FONETIKA" kursimizga marhamat!😊 Ushbu kursda ustozalarni oʻzini oson oʻrgatish metodikasi asosida "Arab tili harflarini xususiyatlari va maxrajlari oʻrgatiladi" va "Muallim soniy" kitobini va "Tajvid" qoidalarini hammasini puxta toʻliq oʻrgatiladi. Qoʻshimcha "IQRA" kitobi ham oʻqib tugatiladi. Keyin IMTIHON asosida "Qurʼon muxtasar hifz" guruhiga oʻtkazilasiz. Bu guruhda "Fotiha-Shams-Naas" surasigacha tarkib qilib yod olasiz. BATAFSIL: https://t.me/annisaa_markaz/203

Менимча мактабда, лицейда, олий таълимда тарбия бериш тизимини бекор қилишса ҳам бўлади. Ишонинг шундай. Дадам ва онам ҳозир бизникидалар. Укам зерикиб қолишади-да опа онамлар деб, телевизор олиб келиб қўйиб берди. Кечки таомда бирга ўтирсак мажбур у бу нарса кўряпман. Кўрмайгина мен ўлмай). Номма ном эмаску, қаранг; Тақдирлар Қодиржон Хиёнаткор аёл Қариб қуйилмаган эркак Номуссиз ..Хуллас исми жисмига монанд, фахшларни проста чиройли номлаб қўйган ўзбек сериаллари! Эр хиёнат қиляпти, хотин хиёнат қиляпти, қайнота ўйнаш ўйнаяпти, қайнона фолбинга боряпти. Қўйингки тайёр сенарий. Шунақа сенарий ёзиб, кино олиб пул топаётганлар. Илоҳим ёзган тўқма, аммо аксарият ўзбек оилаларини бузаётган воқеаларингиз тўловини аҳлингиз тўласин! Катта -катта эркак актёрлар.. холингизга вой бўлсин, ж.. башара ёш “актирисалар” билан ўйнашиб ўйнаган киноларингиз учун , ҳали охиратда қаттиқ жавоб берасиз. Йўқ.. буёғига бунақа бузуқликлар ҳечам ачинарли бўлмайди. Энди ор номус ҳақида ваъзлар шарт эмас.. Ҳалиги китобий фалсафа гапларни энди чўнтакка солиб қўйинг. Шунчаки қизингизга сал хушёрроқ бўлмасангиз.. энди бўлмайди. Эркакларми? .. Росулуллоҳ Биз Сизни кўп - кўп соғиндик.. (с) Мадина Мўминова

😭😭😭 https://youtu.be/D3TfzSYJ-TU

Suyukli Amma ... Safargul juda yaxshi kelin bo'ldi, qaynanasiga, qaynatasiga suyukli kelin bo'ldi, erining ko'zlarini quvnatadigan kelin bo'ldi. Dunyo unga ham hamma qatori bir kam bo'ldi. U farzand ko'rmadi. Uzoq kutdi, uzoq kutdilar, bo'lmadi. 16 yil o'tib, ota uyiga qaytib keldi. O'zini ildizidan ajralib qolganday his qildi. Yemadi, ichmadi, gapirmadi, kulmadi, og'ir dardga chalindi. Alloh taolo shifo ato etdi, oyoqqa turdi. Uning suluvligi, aqlliligi, mehnatkashligi tillarda doston edi. Sovchilar kela boshladi. Uning beradigan savoli bitta edi: - Nechta bolasi bor? U kutgan bir sovchi keldi. Bu sovchining holi xarob edi. Ayoli dardga chalinib vafot etgandi. 4 ta go'dak bilan yolg'iz edi. Kichigi ikkiga ham kirmagan edi. - Shu insonga tegaman, - dedi u. - Bu odam xunuk, qop-qora ekan, - dedilar. - Bolalari bor ekan, - dedi u - Kambag'al ekan, nochor ekan, - dedilar. - Bolalari bor ekan, - dedi u. Dadasi rozilik berdi. Turmush qurdi. 4 ta bolaning tarbiyasi bilan birgalikda eriga tinmay ko'maklashdi. Eri tandir yasardi, loy ichida edi. U ham loydan chiqmadi. Eri bilan birga bolalarini o'qitdi, bolalariga imoratlar qurdi, lekin doim eriga mingashib velosipedda yurdi. Qish qilich yalang'ochlab turganda tandir mavsumi tugardi, ammo u tinchimasdi, bozorda semochka sotardi. Bir burchakda titrab-qaqshab semochka sotardi, ro'zg'orining kamiga yordam bo'lsin derdi. Jiyanlari borsa, tanishlari o'tib qolsa, semochkasini tekinga berardi. Bolalarini o'qitib, uylab-joylab, ketma-ket nevaralar ko'ra boshladi. Katta nevaralari oldidan jilmadi. U o'zini doim baxtiyor his qildi. Doim ko'zi quvnab kulib yurdi. Bir kam dunyo yana yuzini ko'rsatdi. Azon aytish uchun masjidga chiqqan eri masjid ostonasida jon berdi.( Alloh rahmat qilsin). Nevaralari bilan ovunib yashay boshladi. Ajabo, bir kuni to'shalib turgan gilami yo'q, yana bir kun idish-tovoqlar, xullas, uyi ship-shiydam bo'ldi. Kim qilayotganini bilsa ham indamadi. Ko'rdi, ko'rmaslikka oldi, bildi, o'zini bilmaganga soldi. O'yga cho'mdi. Bolalarini chaqirdi va eridan qolgan uyni hatlab berdi. Jiyanlari onasiz qiynalayotganini bahona qildi-da, tugunini ko'tarib, ota uyiga qaytib keldi. Keyinroq bolalari olib ketish uchun ko'p-ko'p bosh egib keldilar, lekin qaytmadi. Ammo bordi-keldi qilib turdilar. Ayniqsa, katta nevarasi tinmay xabar oldi. Jiyanlari uni qattiq yaxshi ko'rdilar, u ham jiyanlarini jonidan ortiq ko'rdi. Uning ham, jiyanlarining ham ko'ngli to'ldi, bir-birlarining yarasiga malham bo'ldilar. Bugun Safargul omonatini topshirdi, suyganlarini yig'latib ketdi. U mening ammam edi. Men uning jiyanlaridan biriman. - Jamila, seni bir bag'rimga bossam armonim yo'q edi. Yomon sog'indim, qachon kelasan? - derdilar doim. 19 yil o'tib bordim, diydorlashdik, yayradik, Alhamdulillah. 3-4 kun oldin tez-tez telefon qildirtirdilar: - O'zimning chiroyli qizim, aqlli qizim, olisdaman, deb kuyunma. Sen hammadan baxtlisan. Ering, bolalaring Allohning senga bergan katta ne'mati. Ular seni, sen ularni yaxshi ko'rasan. Hammalaringizning boshingiz sajdada, Alhamdulillah. Ammo meni unutma, bolalaringga ham ayt, meni duo qilinglar, duo qilinglar, bolam, - deya qayta-qayta tayinladilar. Opam (mening onamni kelinoyi emas, opam, derdilar) sizlarni men uchun tug'ib ketgan ekan. Alloh qabrini nurga to'ldirsin, - deb duo qildilar. O'lim dardini ham sokingina o'tkazdilar, boshlarini sarak-sarak qilib, jilmayishga tirishdilar. Allohim, yetimlarga rahm qilishga buyurgan Zotsan! Ammajonim yetimlarga mehribon edilar, saxiy edilar, pokiza edilar. Ularni yaxshi kutib ol! O'zing rahmatingga burka, gunohlarini mag'firat qil, savol-javoblarini yengillashtir! Jannatlaringdan joy ber! 😢😢😢 Siz azizlardan duo umidida yozdim. 2023-02-09 (c) Jamila Mahmud

😅😅

Фарғона Давлат Универститетининг қотағонлар даври музейидаги бу архив фотосуратларда 1933-38йи қотағон қилинган аёллар акс этган. Муаззам Иброҳимова. "Отангни ўлдирганга онангни бергин" деган мақолни бизга ўрис ўргатган бўлса керак, акс ҳолда ўрисни ва уни тузумини бунча яхши кўрмас эдик.

Менимча мен энергетикадаги муаммолардан бирини топдим))) Энергетика вазирини манавий марифий ишлари... 🤔

Ҳал қилувчи палла: қайси йўлни танлаймиз? Куни кеча Газета.уз бир нечта манбаларга таяниб, Россия ўз газини Ўзбекистонга Қозоғистон орқали, “Марказий Осиё – Марказ” қувурлар тармоғида етказиб беришни таклиф қилганлигини ёзди. Бунинг учун Россия Ўзбекистоннинг газ-транспорт тизимини бозор нархида “Газпром” эгалигига ўтказишни талаб қилмоқда. Худди шундай талаб “Қозоқгаз” компаниясига нисбатан ҳам қўйилган, лекин компания буни рад этган. Шунингдек, Россиянинг яна бир шарти Хитойга газ экспорти ҳуқуқини топшириш бўлган. Яъни “Газпром” келишувда Ўзбекистоннинг “УзГасТраде” компанияси ўрнини эгаллашни таклиф қилмоқда. ☝️Агар бу талабларга рози бўлинса том маънода Ўзбекистон энергия соҳасида Россияга қарам бўлади, дейиш мумкин. Бу асло йўқ қўйиб бўлмайдиган ҳолат! Камига Туркманистондан газ олиш бўйича келишувлар ҳам босим остида қолиб кетмоқда. Катта эҳтимол билан бунга ҳам Россия аралашган. Афсуски бугунги совуқ кунлардаги энергия таъминотидаги муаммолар сабаб одамларда бўлаётган норозилик кайфияти Россия фойдасига ўйнамоқда. Бу кетишда Ўзбекистон раҳбарияти одамлардаги эътирозлар сабаб Россиянинг шартларни қабул қилиш эвазига тезкор газ олишни ягона йўл сифатида кўраётган бўлиши мумкин. Совуқдан қийналаётган одамларимиздаги кайфият айни ўринда Россиянинг ўз талабларини Ўзбекистонга ўтказиш учун қўл келади. Бу вазиятда олдимизда иккита йўл қолмоқда: ё Россиянинг барча шартларига кўниб, энергия қарамлигига тушамиз ёки сабр матонат билан совуқни енгиб ўтиб, энергия мустақиллигига эришамиз. Танловнинг қандай бўлиши одамларимизнинг вазият бўйича позицияларига боғлиқ бўлади. Лекин шахсан мен бу масалада Россияга қарам бўлмаслик тарафдориман ва келажагимиз учун қанча синов, қийинчилик бўлса чидашга тайёрман. ©️ Расул Кушербаев @facebookdagi_gaplar

#Қайнонам кўп ёмон тасир кўрсатади хотинимга. Қизига ўргатаверади, ўргатаверади. Охири асабларим тамом бўлди, нима қилсам экана? - Манипуляция, инсонни заифлигидан фойдаланиш. Қуён, мушук, маймунларга циркда хар нарса қилдиришади. Хатто китоб ўқишади керак бўлса. Йўлбарсгачи? Сиз бошидан қайнонезни бошизга чиқариб юборгансиз. Хаётда хамма ишниям юмшоқлик ва тартиб билан қилиб бўлмайди. Вақти келса қилич билан хал қилишган сахобалар. Айтмоқчиманки, сиз ултиматум қўйинг ва шартларингизни айтинг. Бу хаёт сизга хотиржамлик бўлмаётганини айтинг. Шартлар бажарилса, хаёт давом этади. Шартлар бажарилмаса, ундан зиёда ва сакийнатли оила қурасиз. Кескин жавоб қилолмаганизни билгани учун хам сизни бошқаришади. Хаётда ширин сўз билан тарбия қилинади. Базида шапалоқ билан. Касални таблетка дори билан даволашади. Базида жаррохлик билан. Умуман хаётда эркак қаттиққул хам бўлиши керак. Миразиз Ахмедов

Шантаж! Хотиним билан мошинада кетаётган эдик. Светофорда 1 та қизил Спарк орқадан тез келиб қарсиллатиб урдию. Кобалтни орқа бампери дабдала бўлди. Қарасам аёл киши. Мошинадан тушиб ҳеч нарса бўмагандай аёлимга бир кўз югуртириб ноз карашма қилиб; "Фарход ака шунча маргат қисамам тўхтамисиз? Сизи соғиниб кеттиму!" деса бўладими. -Ўўў, барака топгур 1- дан мани отим Фарходмас, Ахмад, 2-дан дейишимни биламан. "-Ман аҳмоқ бўмасам сизи ёлғонларизга лаққа тушармидим? Энди ўзизи танимаганга оляпсизми? Э ҳаа- мошинада хотинчайиз борда а? Жиннини ёқволиб а? Сизи марҳаматизга ўлиб турганим йўқ. Мошинами ўзим қиволаман. Башарайизиям кўрмай бошқа! деб кетиб қомоқчи." Оғзим очилганича хотинимни саволомуз нигоҳларидан канализация қопқоғини очиб ичига тушволай дедиму, қопқоқ ўлгурни очилмай турганимда, отасига раҳмат, барака топгур хотиним шартта Спаркни олдини тўсиб; "-Ҳой мегажин; шантаж қилишга бошқа тема тополмий қолдингми? Акам 25 йил деганда кеча турмадан чиқдила тушундингми? Сан кимни шантаж қивоссан. Давай документларингни чўз баққа, туш олдимга сервисга бориб от и до қиберасан ёки янги Кобальт оберибам қутулолмидиган қип қўяман. Ҳидлачи қўйни ҳиди келяпти бизадан!?... " деб мени бир катта харатдан асраб қолди. Жувон эса номери ўтмаганидан лом-мим демай хужжатларини хўтинимга тутқазиб сервисга ортимга судралиб келмоқда. -Онаниб кетай, асалим, шакарим, севгилим, олтиним! десам хотин менга -Ким бу мегажин?!.. деса бўладими? Хотин дегани отдан тушсаям эгардан тушмас экан. ©️

Баъзи дардларнинг давоси дорихоналарда топилмайди.

#niyat - Siylai rahm qilaman deb, Falonchi qarindoshnikiga muncha mablagʻga sovgʻa-salom qilib koʻrgani borsang-u, oldingga tuzukroq narsa qoʻyib mehmon qilmasa, odamga alam qilarkan! - Sen siylai rahmni oldingga qoʻyiladigan narsa uchun qilganmiding yoki Alloh uchun?!

Агар ўтинни ўзингиз ёрсангиз, унинг ёрдамида икки марта исинасиз. Таржима Агар қазноққа ҳам ўзингиз ташиб, жойласангиз, уч марта исинасиз. Аномал совуқ олдидан...)) #Gavhar Nasrulloh

​​“ДАДА ДЕГАН НАРСА МЕНГА НОТАНИШ…” Қуйидаги сатрларни ўқиб юрагим зирқиради… Ҳали 18 баҳорини қаршиламаган, жуда кичик ёшидан отасиз катта бўлган, қалбидаги отага бўлган ҳислар ғунча очгандаёқ музлаб қолган қизнинг отасига ёзган жавоб мактубини сизлар ҳам ўқиб кўринг: “Assalomu alaykum. Dada manga bunaqa qilib har juma ovozli habar junatishingizni hohlamayman. Manga bu holat yoqmayapti, har yozganingizda manga yomon tasir qilyapti. Endi dada va qiz munosabati qurush uchun juda kech. Man kotta buldim yaqinda 18 yoshga kiraman, hamma narsani tushuna olishga aqlim yetadi. Sizni bunaqa gaplaringizga mano bera olmayapman, chunki endi uzimni eplab oladigan yoshga yettim. Sizni bu gaplaringizni eshitganimda manga begona inson gapirayotgandek tuyulyapti, chunki sizga qarshi hech nima his qilmayman, na nafrat na sevgi, hech nima! Bularni his qilishim uchun sizni tanigan bulishim kerak, lekin man sizni tanimayman, siz bilan aloqali hech nimaga ega emasman. Balki bu gaplarni kichkinaligimda gapirib hech bulmasa dada degan bir zotni borligini bildirib quyganingizda boshqacha bulardi, lekin man onaning ham ona, ham ota bulib mehir va tarbiya berib boqib kotta qilganini kurdim, dada degan narsa manga notanish. Endi bu narsalarni qilish uchun kech, mani qiynab, manga yomon tasir qilishni hohlamasangiz yozmang. Bundan keyin oğillaringizga mehir bering, manga sizdan hech nima kerak emas.” Қизча чақалоқ пайтида ота-онаси ажрашиб кетишган. Болалик чоғида деярли хабар олмаган ота яқиндан бери қизнинг телефон номерини топиб, ҳар Жума ҳол-аҳвол сўрайдиган бўлиб қолган. Онаси ҳам қаршилик қилмаган, “нима бўлса ҳам отаси” деб…Ўзи у киши доим ота ва қиз орасини ислоҳ қилишга ҳаракат қилар экан... Лекин қизга бу ҳолат ёқмасдан юқоридаги жавобни ёзган. Ота мактубни қизнинг онасига юбориб, надомат билан, “қизим мандан қанча ўпкаласа ҳақли, меҳр бериш учун кеч қолдим…Лекин сизга раҳмат, мен беролмаган меҳрни бериб, ҳеч кимдан кам қилмай катта қилдингиз Аллоҳ рози бўлсин. Ёшликдаги қилган хатомни тузатмоқчи эдим…Эплолмадим” деб ёзиб, қизининг мактубини юборган. Онаси эса менга юбориб, “қизимнинг иши тўғрими? Отасига шунақа муомала қилгани учун гуноҳкор бўлиб қолмайдими?” деб сўраганларида очиғи нима жавоб беришни билмай қолдим… Ҳатто қизнинг “Дада деган нарса менга нотаниш” деган гапидан ларзага келдим… Хотини билан ажрашгач, кичик ёшидаги болаларини ташлаб кетаётган ва хабар олмаётган оталарни хушёр торттирадиган мактуб… Эҳҳ оталар…Бир кун келиб, чақалоқлигида ташлаб кетганингиз фарзандларингиз бўйи етканидан кейин оталик меҳрингиз жўшиб кетганда қилган эътиборингизга мана шундай жавоб олишни истамасангиз, уларга керак пайтида меҳр беринг, бу дунёда борлигингизни эслатиб туринг, моддий, маънавий, руҳий томондан қўлланг уларни… Айниқса қиз боланинг кўнгли нозик бўларкан. Бир кўнгли музласа қайтиб исиши қийин экан… Ота меҳрини кўрмай ўсган қизлар ҳақида ўйласам кўз олдимга аёзларда қолиб музлаб қолган ғунчалар келаверади… Мен бу қизнинг отасига ёзган сўзларига нима деб изоҳ беришни билмадим…Унинг ўрнига ўзимни қўйиб кўролмадим…Чунки менда бундай ҳолат бўлмаган…Лекин ичим оғриб йиғладим…Отаси тирик бўлсаю худди бегона одамдек кўриш жуда аянчли бўлса керак… Сизлар нима дейсизлар азизлар? #Малоҳат Анвар. 👉@facebookdagi_gaplar

2023 - йилга режалар. 😅

#Диққат ❗️Юртимизга Туркиядан мана шундай нотабиий 4000 бош қўйлар (катта эҳтимол билан Чўчқа+Қўй чатишмасидан олинган) кириб келгани ҳақида хабар тарқалмоқда. Аслида Белтекс ва Дорпер каби қўй турига тегишли бўлган бу жонзотларнинг чўчқага ҳеч қандай алоқаси йўқ. Бу каби қўйларнинг гўшти ҳалол ҳисобланади. Бу ҳақда батафсил жавобни ушбу линк орқали ўқишингиз мумкин: https://t.me/diniysavollar/5365 Ўзбекистон мусулмонлари идораси Фатво маркази. @facebookdagi_gaplar

Компания хизмат кўрсатиш марказига қўнғироқ қилдим. Мулоқот учун ўзбек тилини танладим. Оператор билан боғланиш учун 23 чи навбатда эканман, тахминий кутиш вақти 47 дақиқа эмиш. Гўшакни қўйиб бошқаттан сим қоқдим ва оператор билан мулоқот учун инглиз тилини танладим. Навбат рақамим 1 ва кутиш вақтим бир неча сония бўлди. Оператор билан мулоқотни эса ўзбек тилида қилдик.😉😀 #лайфхак Хожиахмад Умрзаков

Бунинг "гаштини" #бўйдоқвойлар қаёқдан ҳам билсин. 😁