audience statistics bakiroo

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

Ўзбекистона бўрдоқига боқилаётган монополистлар экспорт бозорларини бой бермоқда Ички бозорда ҳукумат ғамхўрлиги билан очиқ ва эркин рақобатдан асраб-авайланган, юзлаб, минглаб имтиёзлар билан ўз истеъмолчиларини қоқиштириш орқали боқилаётган монополистларни ташқи бозорда худди шундай "теплица" шароитлари кутиб турмайди. Ўз бозорида рақобатда тобланмаган ишлаб чиқарувчини ташқи, ҳатто энг яқин бозорларда ҳам фиаско кутиб турганига яққол мисол бу яна ўша Uzauto Motors. Эътибор қаратган бўлсангиз, пандемиядан кейинги йилларда шонли автомобилсозларимиз Chevrolet бренди остида етакчилик қилаётгани роса пиар қилинди. Тепага кўз-кўз қилинадиган сохта обрў қандай мунофиқлик эвазига амалга оширилганини ҳамма биларди: Ўзбек истеъмолчиси ойлаб, йиллар сарсон бўлиб машинага шартнома кутганида, қўшни Қозоғистонда худди шу автомобиллар кредитга, чегирмалар билан тўлаб ёки бўлиб тўлаб олиб чиқиб кетиш шартларида сотилди. Охирги ойларда мана шу сохта пиарнинг овози ўчиб қолгандек. Нега биласизми? Чунки шонли автомобилсозларимизни Қозоғистонда рақобатчилар роса пўстагини қоқишаяпти. Апрель ойида қўшни қардошларда Chevrolet бренди остида атига 1 477та машина сотилган холос. Бу ўтган йил апрелга нисбатан деярли 3 баробар кам. 2023 йилнинг 4 ойида 14 336 та автомобиль сотилган бўлса, бу йилнинг 4 ойида деярли 10 минг кам, 4 814 автомобиль сотилган. Hyundai ва Kia брендлари бизнинг "Google'ни қувиб ўтган рекордчиларимиз"ни бир тупуриб ортда қолдиришган. Яқин ойларда Chery ва JAC ҳам ўтиб кетишади. Қанчалик ҳайратланарли бўлмасин, Uzauto Motors'нинг ташқарида фиаскога учраётгани бу ўзбек истеъмолчилари учун яхши ва умидли ишора. Ўтган ёмон тарихимизга назар ташласак, 2008 йилда ва 2014 йилдаги кризислардаги оғир вазият ва иккиламчи бозорда автомобиль нархларининг қулаши юз берган шароит иккиламчи бозорни ўзига рақобатчи деб биладиган монополистни ўзбек истеъмолчиларига вақтинча бўлса ҳам юз қаратишга мажбур қилган. Бу сафар ҳам шунинг иси келмоқда. Боқувдаги аждарҳо ҳали-бери ўлмаслиги аниқ, лекин унинг иситмаси ёки ич кетиши халқ учун доим байрам.

Ўзбек амалдори ва олигархи суҳбати — Пулни қаердан оламиз? — Камбағаллар ҳисобидан. — Камбағалларнинг пули кам-ку. — Лекин камбағаллар кўпку... "Лолазор"нинг латифалар мавсуми учун махсус.

​Камбағалларга ўрнатиладиган "текин" қуёш панели қайси ўғри олигархни бойитади? 20 мингга яқин муҳтож оилаларга 1.5-2,0 кВтли қуёш панеллари бепул ўрнатиб берилади, деб айтибди Энергетика вазири Мирзамаҳмудов. Мирзамаҳмудов "бепул" панель бўлмаслигини жуда яхши билади. Ўтган йилги панель кампаниябозлиги эсингиздами? Мажбурлов ва ура-ура ортидан каррасига қимматлаган панеллардан ким триллионлаб фойда кўрди, деб ўйлайсиз? Энергетиками, йўқ. Бизнесми, йўқ, бюджет ташкилотларими, йўқ. Фақат ўртамчи паразитлар. Бу сафар бошқача бўлади, нимадир ўзгаради, деб ўйлайсизми? Ўзи 15 млн. турадиган 1.5-2,0 кВтли қуёш панелларини камида, ундаям инсоф қилишса, 30 млн.дан уришади. Бу 600 млрд.сўм бюджет пули дегани. Сиз нима деб ўйлайсиз, Алабамада ўқиган Мирзамаҳмудов ўша 600 млрд.сўмни муҳтож оилаларга 30 млн.сўмдан тарқатса, шу 30 млн.сўмга муҳтож оилалар, ижтимоий норма эмас, тижорий тарифларда 5 йил свет ёқишини билмайди, деб ўйлайсизми? Жуда яхши билади. Лекин 600 млрд.сўмга қайсидир ўғри олигарх тамшаниб турган бўлса, у нима қила олади?

2024 йил 12-22 май кунлари UDEA ЎзР тижорат банклар раҳбар ходимлари учун АҚШ, Вашингтонда бўлиб ўтувчи “Экспорт назорати ва иқтисодий санкциялар” профессионал курсини ташкил этди. 🇺🇸 Америка Университети билан ҳамкорликда ташкил қилинган ушбу 10 кунлик профессионал курс тижорат банк раҳбар ходимлари малакасини оширишга қаратилган ва ҳозирда АҚШ, Вашингтон шаҳрида бўлиб ўтмоқда. Иштирокчилар қуйидаги модуллар бўйича ўз малакаларини оширишмоқда: — Экспорт назоратининг қоидалари; — Экспорт назорати ва иқтисодий санкциялар; — Хорижий активлар назорати ва иқтисодий санкциялар; — Экспертиза ва хавфларни камайтириш стратегиялари. 🏦 Курсда Халқаро ҳисоб-китоблар банки (BIS), Мудофаа савдосини назорат қилиш бошқармаси (DDTC) ва Хорижий активларни назорат қилиш бошқармаси (OFAC) каби ҳамкор ташкилотлар мутахассислари иштироки ҳам кўзда тутилган. 🇺🇿 Ушбу курсда Республикамиздаги бир қатор етакчи "Агробанк" АТБ, "Алоқабанк" АТБ, "Трастбанк" АТБ, "Туронбанк" АТБ, "Asia Alliance Bank" АТБ ва "Бизнесни ривожлантириш банки" АТБ каби тижорат банк раҳбар ходимлари иштирок этишмоқда. 📌 UDEA’нинг ушбу ташаббуси ЎзР миллий банк тизимини янги босқичга олиб чиқишдаги муҳим қадамдир. Бу каби молия секторини ривожлантиришга қаратилган қисқа муддатли курслар UDEA томонидан доимий тарзда ташкиллаштириб борилади. Сиз ҳам мутахассис сифатида ўз малакангизни оширишни истасангиз, бизнинг курсларимизга ҳужжат топширинг. Батафсил: 🌏 udea.uz | 🚀 Telegram |📷 Instagram | ☎️ 998788880800 реклама

Иссиқ келди — свет ўчди, совуқ бўлди — свет ўчди, ёмғир томчиди — свет ўчди Шонли энергетикларимизнинг шиори айнан шундай бўлиши керак аслида. "Аномал" ёмғир Ўзбекистоннинг ғарбий қисми бўйлаб, халқ тилида "энергодискотека" дейиладиган, ўчди свет-ёнди свет жараёнларини бошлаб юборди. Ҳартугул тан олишаяпти. Кечга томон Тошкент ва шарқий ҳудудлар аҳолиси "ўчди светга" тайёр бўлиб тураверишлари керак.

Олтин ва мис нархлари рекордларни такрорлади Кеча бошқа рангли металларнинг нархи сезиларли қимматлашиши фонида олтин ва мис котировкалари аввалги даврдаги рекордларини яна такрорлади. Олтин нархларни апрелдаги мутлақ максимум 2 430 долларни, мис эса 2022 йил мартдаги рекорд 10 718 долларлик чўққини яна синовдан ўтказди. Ўзбекистоннинг асосий экспорт товарлари нархлари кескин ўсаётгани ва юқори даражада қолаётгани ҳозирча бюджет дефицити ва жорий операциялар дефицитининг барқарорлашини таъминлаётгани йўқ. Хусусан, даромадлардан харажатлар тезроқ ўсаётгани, харажатларни тийиб туришнинг институционал механизмлари йўқлиги туфайли.

Прогрессив шкалага қайтиш режалари йўқ, хоҳишлар-чи? Ўзбекистон амалдаги бир чизиқли шкаладан воз кечиб, даромад солиғи бўйича табақалаштирилган тизимга қайтиш тўғрисида янграган мулоҳазалар Тимур Исмаиловнинг шахсий фикри дейилмоқда. "Прогрессив шкалага ўтиш борасида ҳали Солиқ қўмитасида ҳеч қанақа режа йўқ”, деб изоҳ берган Солиқ қўмитаси ахборот хизмати. Албатта, ҳозирда бундай режаларнинг йўқлиги яхши, бироз тинчлантиради, лекин бу айрим қарор қабул қилувчиларда шундай хоҳишлар йўқ дегани эмас. Эслатиб ўтамиз, қарор қабул қилувчилар халқаро тажриба дея андоза олишни хуш кўрадиган Россияда 2018-19 йилларда бундай режалар мавжуд эмас, дейилганина қарамай, 2021 йилдан кейин прогрессив шкалага қайтилган.

80 бензиндан воз кечиш юқори октанли бензин нархларини ошириб олиш учун баҳонага айланмайдими? Бухоро нефтни қайта ишлаш заводи ноябрь-декабрь ойларида Аи-91 ва ундан юқори турдаги бензинни кўпроқ ишлаб чиқаришни бошлайди, 2025 йил бошидан эса Аи-80 ишлаб чиқаришдан бутунлай воз кечиш режалаштирилган. Давлат раҳбарининг 2025 йилдан бошлаб Аи-80 бензинидан бутунлай воз кечиш топшириғини бажариш бўйича Ўзбекнефтегаз томонидан эълон қилинаётган режалар яна бир завод -- модернизация қилиш шартларида арзонгаров "хусусийлаштирилган" Фарғона нефтни қайта ишлаш заводида ҳам амалга ошириладими, йўқми? Ҳали номаълум. Яна нархлар масаласи ҳам жуда нозик ва шу сабабли, 80 шиптир лақабли бензиндан воз кечиш ҳатто истеъмолчиларда қониқиш ўрнига, эътирозлар туғдириши мумкин. 91 ва ундан юқори маркали бензин ишлаб чиқаришнинг кўпайиши юқори октанли бензин нархини ҳеч қурса қўшни давлатлар даражасига туширадими? Ҳозир фақат Россияга боғлиқ бўлиб қолган импорт диверсификацияси амалга ошадими? Ёки монополист ва афилланган олигархия шимолдаги севимли оғалари билан тил бириктириб, 80 бензиндан воз кечиш баҳонасида яна бензин нархларини ошириб олишга уринадими?

Даромад солиғи бўйича прогрессив шкалага қайтиладими? Давлат солиқ қўмитаси бошқарма бошлиғи Тимур Исмоиловга таяниб, Spot нашрининг ёзишича, Ўзбекистон амалдаги бир чизиқли шкаладан воз кечиб, даромад солиғи бўйича табақалаштирилган тизимга қайтиши мумкин. Тимур Исмаилов кўплаб хорижий мамлакатларда бир чизиқли шкаладан фойдаланилмаслигига эътибор қаратган. Эслатиб ўтамиз, Ўзбекистонда 2019 йилгача жисмоний шахсларнинг даромадларини солиққа тортиш бўйича 7,5%дан 22,5%гача бўлган табақалаштирилган тизим амал қилган.Ўшанда иш ҳақи ва бошқа даромадларни оқартириш мотивлари билан 12%лик бир хил ставкага ўтилганди.

​Дорилар нархи чўнтакларни қақшатмоқда Апрелда нархи юқори даражада ўсган товар ва хизматлар ораисда дориларни кўрсатганлар улуши 12 фоиз бандига ўсиб, жами сўралганларнинг 36%ига етган. ҚҚС бекор қилинганида арзонлашмаган, ҚҚС қўшилгач, кескин қимматлашган дори-дармонлар нархи ўзбекистонликларнинг оғриқларидан бирига айланган (даволамайдиган ўзбек медицинасининг орқа чўнтагига айланган дори бизнеси юқори даражада олигополлашган сегментлардан ҳисобланади). Сезилган инфляция кескин ошган ва 13,7%га етган (+1,0%). Расмий ва сезилган инфляция ўртасидаги фарқ яна янги максимум 5,6%гача кўтарилган. Тошкентда сезилган инфляция 17,4%гача кўтарилган (+0,2%). Бу расмий инфляциядан икки баробардан кўпроқ. Тошкентликларнинг учдан бири 21% ва ундан юқори инфляция билан яшамоқдамиз, деб ҳисоблашмоқда. Паст ва ўрта даромадли қатламнинг сезган инфляцияси кескин кўтарилган. 10 млн.сўмдан кўп даромад олувчиларнинг сезгилари эса бироз ўтмаслашган.

Тўқимачилик, электротехника ва чарм-поябзал соҳаси бўйича экспортёр тадбиркорлардан ташкил топган ишчи гуруҳлар таркиби тасдиқланди Ҳукумат комиссияси йиғилиши баёни билан тўқимачилик, электротехника, чарм-поябзал маҳсулотлари бўйича минимал экспорт нархларини белгилаш бўйича ишчи гуруҳлар таркиби тасдиқланди. Вазирлар Маҳкамасининг «Республикада тўқимачилик, чарм-поябзал ва электротехника маҳсулотлари экспортини тартибга солиш чора-тадбирлари тўғрисида»ги қарорига мувофиқ электротехника маҳсулотларига экспорт нархлари шакллантирилиши устидан назорат ўрнатиш белгиланганди. Ишчи гуруҳ мазкур қарор ижроси асосида тузилди. Тўлиқ таркиб: • электротехника; • чарм-поябзал; • тўқимачилик.

🏦 "Асакабанк" Европа Тикланиш ва Тараққиёт Банки томонидан учинчи бор Ўзбекистондаги энг фаол эмитент банк сифатида тақдирланди! ✅ Жорий йилнинг 14 май куни Арманистон Республикасининг Ереван шаҳрида Европа тикланиш ва тараққиёт банки Бошқарувчилар кенгашининг 33 йиллик йиғилиши ҳамда бизнес-форуми бўлиб ўтди. Ушбу тадбирда Асакабанк ЕТТБ билан ҳамкорликда Ўзбекистонда савдони молиялаштириш бўйича энг фаол эмитент банк сифатида эътироф этилди. 🤗 Шу билан бирга, Асакабанк 2019 йил сентябрь ойида ЕТТБ савдони молиялаштириш дастурига илк бор қўшилганлигига карамасдан, ушбу қисқа муддат ичида бутун мамлакат бўйлаб савдо операцияларини амалга оширишда ўзининг тўлиқ салоҳиятини намойиш этишга муваффақ бўлиб, EТТБ томонидан муносиб баҳоланиб, 2019 ва 2022 йилларда ҳам Ўзбекистондаги энг фаол эмитент банк сифатида тақдирланган. 📊 Таъкидлаш жоизки, бугунги кунда савдони молиялаштириш йуналиши Асакабанкнинг 2024 йил қабул қилинган янги стратегиясида ҳам алоҳида ўрин тутган бўлиб, бу ўз навбатида мамлакатимизда кичик ва ўрта бизнесни қўллаб-қувватлаш йулида олиб борилаётган сай-ҳаракатлар билан ҳамоҳанг. 👉 Маълумот учун, Асакабанк ушбу йўналишда JPMorgan Chase Bank, Citi Bank, Deutsche Bank, SMBC, Commerzbank AG, LBBW, DZ bank, Natixis, Mashreq bank ҳамда Oddo BHF каби етакчи жаҳон молия институтлари ва банклари билан ҳам ҳамкорликда ишлаб келмоқда. Реклама

​Бойлардан бошқа барчанинг инфляцион кутилмалари кескин ёмонлашган Апрель ойи сўровларига кўра, аҳолининг инфляцион кутилмалари 12,8%дан 14,0%гача кўтарилган. Бизнеснинг кутилмалари эса 12,2%дан 13,3%га етган. Аҳолининг инфляция бўйича энг катта қўрқуви коммунал хизматларнинг қимматлашишига боғланган ва бу омил биринчи марта валюта курсининг ўзгариши хавотирларини ортда қолдирган (сўралганларнинг 55%и). Бизнес эса ҳалиям инфляция туғдирадиган асосий хавотир ўлароқ валюта курсининг ўзгариши деб ҳисобламоқда (60%). Лекин коммунал хизматлар қимматлашиши қўрқувини кўрсатганлар улуши 16 фоиз бандига ошиб, 54%га етган. Ҳудудлар ораисда энг ёмон кутилмалар пойтахтда сақланиб қолмоқда. Тошкентда аҳоли 17,2%лик (+0,3%), бизнес эса 14,8%лик (+0,4%)инфляция кутмоқда. Тошкентда ҳар учта сўралганнинг бири 21% ва ундан юқори инфляция бўлади, деб ҳисобламоқда. Даромадлар қирқимидаги хавотирлар ҳам соф ижтимоий табақаланиш чизиғидан ўтган. 10-15 млн.сўм ва 15 млн.сўмдан кўп даромад топувчиларнинг инфляцион кутилмалари яхшиланган бўлса, даромадсизлар, кам даромадлилар ва ўртаҳолларнинг кутилмалари кескин ёмонлашган. Айниқса, 2-3 млн.сўм даромадга яшовчиларнинг кутилмалари жуда ёмонлашган ва 11,7%дан 14,2%гача етган.

🏦 "Асакабанк" Европа Тикланиш ва Тараққиёт Банки томонидан учинчи бор Ўзбекистондаги энг фаол эмитент банк сифатида тақдирланди! ✅ Жорий йилнинг 14 май куни Арманистон Республикасининг Ереван шаҳрида Европа тикланиш ва тараққиёт банки Бошқарувчилар кенгашининг 33 йиллик йиғилиши ҳамда бизнес-форуми бўлиб ўтди. Ушбу тадбирда Асакабанк ЕТТБ билан ҳамкорликда Ўзбекистонда савдони молиялаштириш бўйича энг фаол эмитент банк сифатида эътироф этилди. 🤗 Шу билан бирга, Асакабанк 2019 йил сентябрь ойида ЕТТБ савдони молиялаштириш дастурига илк бор қўшилганлигига карамасдан, ушбу қисқа муддат ичида бутун мамлакат бўйлаб савдо операцияларини амалга оширишда ўзининг тўлиқ салоҳиятини намойиш этишга муваффақ бўлиб, EТТБ томонидан муносиб баҳоланиб, 2019 ва 2022 йилларда ҳам Ўзбекистондаги энг фаол эмитент банк сифатида тақдирланган. 📊 Таъкидлаш жоизки, бугунги кунда савдони молиялаштириш йуналиши Асакабанкнинг 2024 йил қабул қилинган янги стратегиясида ҳам алоҳида ўрин тутган бўлиб, бу ўз навбатида мамлакатимизда кичик ва ўрта бизнесни қўллаб-қувватлаш йулида олиб борилаётган сай-ҳаракатлар билан ҳамоҳанг. 👉 Маълумот учун, Асакабанк ушбу йўналишда JPMorgan Chase Bank, Citi Bank, Deutsche Bank, SMBC, Commerzbank AG, LBBW, DZ bank, Natixis, Mashreq bank ҳамда Oddo BHF каби етакчи жаҳон молия институтлари ва банклари билан ҳам ҳамкорликда ишлаб келмоқда. Реклама

​Автокредитлар ўрнини микроқарзлар эгаллаган Автокредит ажратиш бўйича макропруденциал талабларнинг қаттиқлашиши, айни вақтда микроқарзлар энг кўп миқдорининг 100 млн.сўмгача оширилиши банклар акцентини микроқарзлар томон буриб юборган. Хусусан, 2024 йилнинг ўтган 3 ойида автокредитлар ажратиш деярли 43%га қисқариб кетган ва 4,2 трлн.сўмни ташкил этган. Автокредитлар ажратиш нафақат ўтган йилнинг тегишли даврлари, ойма ой ҳам қисқариб бормоқда. Айни вақтда микрқарзлар ажратиш ўтган йилнинг тегишли даврига нисбатан қарийб 50%га ошган ва 8,2 трлн.сўмга етмоқда. Бошқача айтганда, автокредитлар ўрнини микроқарзлар эгаллаган. Аввалроқ, микроқарзлар лимитларининг кўтарилиши автокредитлар рискини тийиб туриш ҳаракатларини йўққа чиқариши мумкинлиги ҳақида ёзган эдик. Таъкидлаш керакки, микроқарзларнинг риски автокредитларникидан катта бўлса каттаки, асло кичик эмас. Айниқса, риск иштаҳасини тийишни билмайдиган, бугун қовун экишга, эртага буғдой ўришга топшириқ оладиган, амалда ҳеч ким ҳеч нарсага масъул бўлмаган давлат банкларида.

​Имтиёзли кредит ажратиш каррасига қисқарган. Энди ундан воз кечиш керак Давлат ўз ижтимоий сиёсатини имтиёзли кредитлар канали орқали амалга ошириши хато эканлигини ҳаётимизда, тажрибамизда кўрдик, кўраяпмиз. Бу жараёнда маблағларни мақсадсиз сарфлаш ва бюрократик тақсимлаш орқали аслида ижтимоий тенгсизликни яратилиши, ўзи касал банкларни янада касаллантираётгани яшириб бўлмас кўламларга етган. Шу маънода, 2024 йилнинг дастлабки чорагида имтиёзли шартларда молиялаштириладиган Оилавий тадбиркорликка ажратилган кредитлар 2 баробардан кўпга қисқариб, атига 722,7 млрд.сўмни ташкил этгани яхши ишора. Энди навбатдаги қадамда бу кулфатли зараркунанда моделдан бутунлай воз кечиш керак бўлади.

Энергосамарадорликка мисол қилиб Саудияни келтирган вазирга алоҳида илтимос бор! Интервьюда янги гаплар ва оғир саволларга жавоб бўлмагани билан, яхши тажрибалар ҳақида тўхталингани эътиборга молик. Хусусан, Мирзамаҳмудов энерготежамкор технологиялар ва ускуналарни ишлатиш, энергосамарадорликка эришиш йўлида Саудия Арабистонида қилинган ишлар ҳақида гапириб берган. Афсуски, Саудияда қилинган ишларни Ўзбекистонда ҳозирча амалга ошириб бўлмайди. Чунки, буни вазир биладими ё йўқми, Ўзбекистонда энергосамарадорликка бўлган ҳар қандай интилиш ҳаракатлар аждарҳо божлар билан жазоланади. Ҳурматли вазир, фикрларингиз самимий бўлса, унда собит ва узвий бўлиб, энергия самарадорлиги “А” ва ундан юқори тоифадаги маиший ва электр техникалари учун барча бож ва нотариф чекловлар олиб ташланишини ҳукуматга олиб чиқинг. Халқ учун ҳеч бўлмаса шу фойдали ишни талаб қилинг!

Энергетика вазири ниҳоят интервью берди Вазир Мирзамаҳмудовнинг тарифлар оширилиши эълон қилинганидан кейин роса бир ой ўтиб, халққа кўриниш бергани олқишли, албатта. Лекин ҳурматли вазир бутун интервью давомида бирон янги гап айтмаган, журналистнинг ишораларига қарамай, каррасига қимматлаштирилган зараркунанда лойиҳалар ва олигархларнинг пудратлари ҳисобига шиширилган таннархдан тортиб, онгли равишда шимолга энергетик қарамлик яратилаётганига оид масалаларгача бўлган оғриқли саволларга жавоб бермаган. Самарасиз энергетика бюджет субсидиясидан қачон чиқишидан, (Uzgastrade ва Ўзбекистон Миллий электр тармоқлари) харид битимларнинг шаффофлигигача бўлган илмоқли саволлардан ҳам жавобсиз чиқиб кетилган. Бурғулашга сарфланаётган триллионларга қарамасдан газ қазиб олишнинг пасайишда давом этаётгани, ёпиқ қарорлар билан олигархларга совға қилинган конлар ва ишончли бошқарувга берилаётган активлар, турли схемалар билан Ўзбекнефтегаз бўйнига илинаётган қарзлар, Ўзбекнефтегаздан тортиб олинган Шўртан 2 лойиҳаси тақдири, ўзи йўқ газга Хоразм вилоятида қиймати 10 млрд.долларлик навбатдаги газ-кимё лойиҳаси қурилиши, Ўзтрансгазнинг келажаги, ёпиқ хусусийлаштириш, автомат бўлмаган счетчиклар, тендерсиз қурилаётган қуёш станциялари, мустақил бўлмаган ва ваколатсиз энергорегулятор, прокладка фирмаларгача бўлган масалалар кўтарилмаган. Лекин нима гапирилган, нима гапирилмаганини билиш учун ҳам интервьюни кўриш керак.

​ХВЖ ҳалиям активларни декларациялаш ва манфаатлар тўқнашуви тўғрисидаги қонунлар қабул қилинишига ишонмоқда ХВЖ миссияси баёнотида мени энг ҳайрон қолдирган тезис, айтайлик, банкларга қовун экиш топшириғи берилаётган шу кунларда "давлатга тегишли банклар тижорат асосида ишлайдиган самарали тизимларга ва бошқарув тузилмаларига эга бўлиши керак" деган тавсиялар эмас. Кўраётганимиз, ўқиётганимиз ва эшитаётганимиз бутунлай фарқланишига аллақачон кўникиб бўлганмиз. Мени ажаблантирган тезис бошқа. Миссия активларни декларациялаш ва манфаатлар тўқнашуви тўғрисидаги қонунлар (бу қонун йўқолиб қолган, Танзила опаям қаердалиги билмайди, изоҳ бизники) қабул қилинишини ҳамда даромадларни декларациялашнинг самарали тизимини жорий қилишни тезлаштиришни тавсия қилмоқда. Ҳамма гап шундаки, ХВЖ миссиясига 2 йил аввал ҳам активларни декларациялаш тўғрисидаги қонун қабул қилиниши ва юқори мансабдор шахслар даромад ва мулк декларациясига ўтилишини ваъда этишган. Ё бу ваъдалар ХВЖ миссияси ёдидан кўтарилган ёки миссия бошқа Ўзбекистонликлар каби фақат умид қилишда давом этмоқда. Шу умидсизлик ошаётган кунларда менда яна бир янги умид туғилди. Келаси йилги ХВЖ миссиясига уйғонган банкирлар етиштирган қовундан бериш керак. Ҳеч бўлмаганда қовун ейишгани қолади.

«Ўзсаноатқурилишбанк» 28 дона олтин қуймаси совға қилади «Ўзсаноатқурилишбанк»да «Олтин ҳосил» акциясига старт берилди. Сиз 30 июнга қадар миллий валютадаги «Фойда», «Даромадли» ёки хорижий валютадаги «Сармоя» ва «Капитал» номли омонатлардан бирига ҳисобварақ очиб 30 млн сўм эквивалентидан кам бўлмаган миқдорда маблағ жойлаштириб, бош соврин 5, 10 ва 20 грамм бўлган соф олтин қуймалар совриндори бўлиш имкониятига эга бўлишингиз мумкин. Батафсил маълумотни қуйидаги ҳавола орқали олиш мумкин. Реклама

​Санкциялар рўйхатидаги Газпромнефть Ўзбекнефтегаз қудуқларини бошқаришда қатнашади Энергетика вазирлиги тантанали равишда намойиш этаётган Бурғилаш ишларини бошқариш марказининг очилишида Газпромнефть номини яширишга уринишган бўлса ҳам, бу бўйича ўтган йилиёқ келишувга эришиб олишган. Очилиш маросимида тезкор бурғилаш жараёнларида масофавий муҳандислик ёрдамини кўрсатган Россия Федерацияси Муравленко шаҳрида жойлашган Қудуқларни қуришни бошқариш маркази билан телекўприк алоқаси ўрнатилди, дейилади шонли энергетикларнинг рапортида. Лекин Муравленкодаги марказ энергетикларнинг севимли Газпромнефть'га тегишли эканини балки онгли, балки онгсиз равишда тушуриб қолдиришган. Эслатиб ўтамиз, Газпромнефть Россиянинг Украинадаги босқинини фаол молиялаштираётган компания ўлароқ Европа Иттифоқи, Буюк Британия ва АҚШ санкцияларига киритилган.

"Ички ва ташқи хатарлар сақланиб қолмоқда" Халқаро валюта жамғармаси 2024 йилги Маслаҳатлашувлар доирасида Тошкент шаҳрида бўлиб ўтган муҳокамалар якунлари бўйича ХВЖ миссияси расмий баёнот эълон қилди. Муҳим иқтисбослар: "Машина ва ускуналар импортининг тез суръатда ўсиши (уларнинг бир қисми вақтинчалик характерга эга), пул ўтказмалари ҳажмининг 2022 йилга нисбатан қисқариши, ташқи қарзлар бўйича фоиз тўловларининг ошиши ва чет эл улуши бор корхоналар даромадларининг репатриация қилиниши каби омиллар таъсирларининг олтин экспортига нисбатан юқори бўлиши тўлов балансининг жорий операциялар ҳисоби тақчиллигининг ЯИМга нисбатан 2020 йилдаги 3,5 фоиздан 2023 йилда 8,6 фоизгача ошишига сабаб бўлди". "Ташқи шароитлардаги юқори ноаниқликлар хатарларнинг ошишига олиб келади. Ташқи хатарларга Россиянинг Украинада олиб бораётган уруши авж олишининг геоиқтисодий оқибатлари, товарлар нархларининг ўзгарувчанлиги ва жаҳон иқтисодиёти ўсиш суръатларининг кескин пасайиши кабилар киради. Ички хатарларга фискал консолидациянинг режалаштирилганидан кўра секинроқ бўлиши, банклар балансларининг заифлашиши, давлат банклари, давлат корхоналари ва давлат-хусусий шериклик (ДХШ) битимлари бўйича шартли мажбуриятларнинг юзага келиши кабилар киради". "Миссия давлат-хусусий шериклик битимлари билан боғлиқ хатарларнинг олдини олиш мақсадида давом этаётган инвентаризация натижаларини ҳисобга олган ҳолда давлат қарзи тўғрисидаги қонунга мувофиқ ДХШ лойиҳалари бўйича кафолатларнинг юқори чегарасини белгилашни тавсия қилади". "Валюта курсининг мослашувчанлиги янада оширилиши шоклар таъсирини камайтиришга ва захираларни барқарор сақлашга ёрдам беради". "Активлар сифати ва хатарларнинг мустақил равишда баҳоланиши ҳамда активларни таснифлаш стандартлари такомиллаштириши, директив ва имтиёзли кредитлаш ҳажмларининг босқичма-босқич камайтирилиши, шунингдек, валюта тушумига эга бўлмаган корхоналар учун чет эл валютасида молиялаштириш чекланиши керак". "Давлатга тегишли банклар тижорат асосида ишлайдиган самарали тизимларга ва бошқарув тузилмаларига эга бўлиши керак. Барча нотижорат фаолият турларини бюджетга ўтказиш зарур ёки бюджетдан тегишли харажатларни қоплашнинг шаффоф усулини яратиш керак".

Ўзтрансгаз апрелда ТОП солиқ тўловчилар сафидан тушиб қолган Ишончли бошқарувга бериб юборилган бўлиши ммукин бўлган Ўзтрансгазнинг тўлаган солиқлари ростанам кескин камайган. Кечаги маълумотларга нисбатан, Фискал таҳлиллар портали қўшимча аниқлик киритган. Таҳрирланган маълумотларга асосланилса, Ўзтрансгаз март ойида 127,3 млрд.сўм, апрелда эса 19.2 млрд.сўм, яъни 6,6 баробарига кам солиқ тўлаган. Бошқача айтганда, 2016 йилгача энг рентабелли тузилмалардан бўлган ва кейинчалик зарарга ботирилган Ўзтрансгаз апрелда ТОП солиқ тўловчилар қаторидан тушиб қолган. Албатта, бунга қандайдир тушунтириш берилиши керак? Шимолликлар ва уларнинг измидаги олигархия ўз назоратига олишга иштаҳа сақлаётган Ўзтрансгазга имтиёзлар берилганми? Ё ўтган ойдаги схемадан кейин солиқларнинг қайтиши юзага чиққанми? Шонли энергетикларимиз Ўзтрансгазга нисбатан кўзлаган режаларини очиқлашгани йўқ. 10 трлн.лик қарзи Ўзбекнефтегазга ўтказилган Ўзтрансгаз бўйнига балки яна қарз олишар? Ахир мазасини шимолга боғланган пудратчи олигархия кўрадиган 500 млн.долларлик "Шимолдан газ импорти учун модернизация" лойиҳаси учун Ўзтрансгаздан бошқа яна қайси ташкилот қурбонлик қилиниши мумкин?

Тадбиркорлар эзгу ташаббусга таклиф қилиняпти Муҳтож шахсларни протез-ортопедия мосламалари ва реабилитация қилишнинг техник воситалари билан таъминлаш мақсадида янги тизим ишга туширилгани айтилмоқда. Протез-ортопедия мосламалари ва реабилитация қилишнинг техник воситалари каби маҳсулотларни ишлаб чиқарувчи тадбиркорлар ушбу эзгу ташаббусга қўшилишга ва бозорда мавжуд маҳсулотлар турини кенгайтиришда иштирок этишга таклиф қилиняпти. Бу турдаги маҳсулотларни UZUM Market’га жойлаштирмоқчи бўлган тадбиркорларга махсус имтиёзлар берилади. Бунинг учун тадбиркорлар my.ihma.uz сайти орқали рўйхатдан ўтишлари лозим. Бу ўз маҳсулотини сотишда тадбиркорлар учун ҳам манфаатли ҳам инсонларга ёрдам қилиш имконияти.

Экспортчилар учун навбатдаги бюрократик тўқмоқ Ҳукуматнинг тўқимачилик, чарм-пойабзал ва электротехника маҳсулотлари экспортини тартибга солиш тўғрисидаги қарори қабул қилинган. 13 майдан кучга кирган, тўқимачилик, чарм-пойабзал маҳсулотлари ва электр жиҳозлари бўйича минимал экспорт нархларини жорий этиш масаласидаги қарорга нисбатан истеъмолчи сифатида ҳам эътирозлар бўлмаслиги мумкин эмас. Биринчидан, бу бизнес юритишни ёмонлаштирувчи қоидалар ҳисобланади, шунинг учун, янги қоидалар эълон қилинганидан камида 3 ойдан кейин кучга кириши керак. Ёки Ҳукумат қарори Қонундан яна бир марта устун кўриладими? Иккинчидан, тадбиркорлик субъектларига оид ҳар қандай ўзгаришлар Савдо саноат палатаси Жамоатчилик кенгаши муҳокамасидан ўтиши керак. Тадбиркорликни қўллаб-қувватлаш бўйича Жамоатчилик кенгаши бунга розилик берганми? Учинчидан, минимал экспорт нархлари белгиланадиган маҳсулотлар рўйхати очиқланиши ва доим очиқ бўлиши керак. Акс ҳолда, қанақадир тийиқсиз чиновник истаса, рўйхатга маҳсулотни киритиб, истаса чиқариб, истаган нархни қўйишга шароит туғилади. Тўртинчидан, Ўзтўқимачиликсаноат, Ўзчармсаноат, Ўзэлтехсаноат каби псевдовазирликлар бутунлай тугатилмас экан, улар ўзларини заруриятини асослаш учун ўзлари назорат ва тақиқ қоидалари ўйлаб топишаверади. Бу динозавр уюшмаларнинг бизнесга заррача фойдаси йўқ, кимгадир мабодо фойда кўрсатишса ҳам, айтайлик, қанақадир олигархларнинг манфаатларига лоббистлик қилиши, қолганларнинг зиёнига ишлаши мумкин холос. Бешинчидан, оқибатлар билан курашаётган бу қарорлар билан экспорт ошиб қолмайди, лекин тийиқсиз бюрократиянинг ёмон қадамлари фақат қаттиқлашиб боради. Қарор билан май ойи бошидан жорий этилган мева-сабзавот маҳсулотларининг тавсия этиладиган экспорт нархлари минимал мақбул нархларга алмаштирилмоқда. Бундай буёғига яхшироқ ўзгаришларни кутиш керак эмасга ўхшаяпти. Ваколати кенгайишда давом этаётган бюрократиядан янги тўқмоқларни қабул қилаётган экспортчилар бу ўзгаришлар бўйича ўз муносабатини билдириши керак.

"Humo очиқ савдога қўйилади — Давактив". Эслаб қоламиз 5 ой авввал Humo тўлов тизимининг Давлат активларини бошқариш агентлигига ўтказилиши хусусийлаштириш билан боғлиқ эмас, дея баёнот берган Давактив раҳбарининг навбатдаги баёнотига кўра "Humo очиқ савдоларга олиб чиқилади". Бу баёнотни ҳам аввалгилари сингари эслаб қолишга тўғри келади. Балки яна эслатиш учун. Маълумот учун, масалан, «UNG Petro» МЧЖ (78 та АЁҚШ) 100% улуши ҳам оммавий савдолар орқали сотилиши Президент қарорида белгиланганига қарамай, "ёпиқ тарзда" "хусусийлаштирилганди".

​Бизнес валютада кредит олишни афзал кўрмоқда Валюта курсининг ошиши ҳам кредит олувчиларни қўрқитмаётган кўринади. 2024 йилнинг дастлабки чорагида тадбиркорлик субъектлари сўмда кредит олишни қисқартириб, валютада кредит олишни янада оширган. Дастлабки 3 ойда сўмда ажратилган ҳажми 1,2 трлн.сўмдан зиёдга, 15,5 трлн.сўмгача қисқарган. Валютада ажратилган кредитларнинг ҳажми эса қарийб 400 млрд.сўм эквивалентига, 18,1 трлн.сўмгача ошган. Бошқача айтганда, январь-март ойларида молиялаштирилган ҳар 100 сўмлик кредитнинг 54 сўми валютада берилган. Бу импортга бўлган талаб билан боғлиқми ё валютада кредитланиш миллий валютадаги кредитлар қимматлиги ва ресурслар етишмовчилиги шароитида афзалроқ кўринмоқдами, бизнес ўртасида чуқур сўровлар ўтказмасдан бир нарса дейиш қийин.

Тўқимачилик соҳасида 7 та муҳим янгилик эълон қилинди Президентнинг “Тўқимачилик ва тикув-трикотаж саноатини ривожлантиришни янги босқичга олиб чиқиш чора-тадбирлари тўғрисида”ги фармони асосида соҳада бир қатор янгиликлар жорий қилинмоқда. Жумладан, тадбиркорлар учун молиявий механизмлар, кредитлаш, солиқ ва солиқ текширувлари, божхона, халқаро ҳамкорлик ва янги объектлар қурилишида бир қанча енгиллик ва имтиёзлар тақдим этилади. Савдо-саноат палатаси томонидан тайёрланган видеороликда соҳада кутилаётган янгиликлар юзасидан батафсил маълумот берилган.

​Давактив нима қилсаям "шариатга тўғри келаверадими?" Акмалхон Ортиқов ниҳоят тилга кириб, давом этаётган "ёпиқ хусусийлаштириш" ҳақида икки қатор изоҳ берипти. Эмишки, "Масъулияти чекланган жамиятлар тўғрисида”ги қонуннинг 20-моддасига асосан улушни бир қисми савдога чиқаётганида иккинчи улушдорга баҳоланган қийматда сотиб олишга розилиги борми ёки йўқми, деган сўровни амалга оширишга қонун Давактивни мажбурлар экан. Шундай ҳолатларда Давактив уни очиқ савдога чиқаришдан олдин, иккинчи, агар бир нечта бўлса, бир нечта таъсисчиларга таклиф қилишга мажбур бўларкан. Дарё журналисти шу жойда аниқлаштирувчи ёки қарши савол берганми ё йўқ, номаълум. Келинг унинг учун биз шу ишни амалга оширамиз. Биринчидан, Давактив раҳбари эслаган қонун моддаси сотишга мажбурият юкламайди, ҳуқуқ беради. Яъни бу Давактив учун опция, мажбурият эмас. Иккинчидан, шу методичка доирасида юз берган битимларда нега улуш сизлар аллақачон келишиб олган иккинчи таъсисчини қаноатлантирадиган қулай нархларда таклиф этилган, деган саволга жавобингизни эшитишни истардик. Давактив жуда қаттиқ истаган ҳолдагина улушлар иккинчи таъсисчига сотилиши мумкин. Бемалол очиқ савдоларда сотиш мумкин бўлган Uzcard'ни қандай "хусусийлаштирганингиз" эсингиздами? Учинчидан, Давактив шу каби таклифларни оммавий шартларда нега очиқ эълон қилмади? Иш битгач, ундаям, қидириб кўрилгач, ҳамма хабар топмоқда. Нега айтайлик, очиқ ва оммавий савдоларда бозор нархи 100 сўм турадиган улушни, 10 сўмга бошқа "келишилган" таъсисчиларга таклиф этилмоқда? Тўртинчидан, ўзингиз ўзингиз тўқиган баҳонага қарши бораяётганингизга биргина мисол. Нега 3 йил аввал “Coca-Cola Ichimligi Uzbekiston, Ltd” МЧЖ устав капиталидаги 57,118% улушини сотишда шу усулдан фойдаланиб қўя қолмадингиз? Нега уч босқичли, мураккаб ва энг асосийси очиқ жараёнларни ўтказдингиз? Сизнинг сўзларингига ишонилса, у чўнтакдан бу чўнтакка топшириб қўйиш мумкин эдику? Бешинчидан, яна бир савол: ёпиқ хусусийлаштирилган бошқа активлар орасида (Uzpaynet'дан тортиб UNG Petro'гача) 100% улуши "совға" қилинган активлар ҳам бор. Уларда давактив қўллаган методичкани ишлатиш учун иккинчи ёки учинчи таъсисчилар йўқ эдику. Бунга нима деб баҳона топилади энди?

​Валюта биржасида савдолар ҳажми қисқаришда давом этмоқда Марказий банк ўтган йили декабрдан бошлаб, бизнингча, айнан ёмонлашаётган картинани кўрсатмаслик учун тижорат банклари томонидан сотиб олинган ва сотилган валюта ҳажмини очиқлашни тўхтатган эди. 2024 йилнинг дастлабки чорагида ҳам вазият ўзгармаган чоғи, яна Статистик бюллетенда биржадаги савдолар ҳажми бўйича маълумотлар чеканкаланган. Умумийлаштирилган маълумотлар ҳам барибир қанақадир ишоралар беради. Масалан, биржадаги савдолар ҳажми ўтган йилнинг дастлабки чорагига нисбатан 2,6%га қисқарган. Мартдаги қисқариш 6,8%га етган. Яна шунингдек, савдолар ҳажмининг ойма-ой қисқариш тенденцияси яққол кўрина бошлаган. Кўраяпсизки, ҳар бир яшириш саволларни камайтирмайди, қайтанга, янада кўпайтиради. Нима учун савдолар ҳажми қисқармоқда? Бу давлат компанияларида конвертацияга буюртмалар назоратга олингани билан боғлиқми? Ё Импортга қарши бошланган курашнинг натижасими? Балки биржадан ташқари битимлар ошишни бошлагандир?