❓
Maktab formasini sotib olishda nimalarga eʼtibor berish kerak?
Maktab formasi qanday boʻlishi kerakligi haqida
5 ta muhim savolga javoblar:
Yangi oʻquv yilidan yagona maktab formasi majburiymi?
👉 Yoʻq, oʻquvchilar uchun yagona maktab formasi majburiy emas;
👉 Hukumat qarori bilan yagona maktab formasi shakllari tasdiqlangan. Mazkur forma amaliyotga bosqichma-bosqich joriy etilishi belgilangan, biroq hali aniq muddat koʻrsatilmagan.
Maktab formasini sotib olishda nimalarga eʼtibor berish kerak?
👉 Oʻquvchilar uchun yagona maktab formasi majburiy boʻlmasada, maktabda kiyiladigan kiyimlar uchun umumiy talablar barcha uchun majburiy;
👉 Oʻquvchilar maktab formasini kiyishda quyidagi talablarga rioya etilishi lozim;
👉 kiyimlar oʻta tor yoki oʻta keng bichimda boʻlmasligi;
👉 qizlar uchun yubkaning uzunligi tizzadan kamida
5 – 15 sm pastda boʻlishi;
👉 oʻgʻil bolalar
uchun shimning uzunligi oyoq toʻpigʻidan pastda boʻlishi;
👉 oyoq kiyimlar poshnasining
3 santimetrdan baland boʻlmasligi;
👉 koʻylakning eng yuqoridagi faqat bitta tugmasidan tashqari boshqa tugmalarning qadalgan boʻlishi;
👉 kiyimlarning toza va dazmollangan boʻlishi.
Qizlar shim kiyishi mumkinmi?
Maktablarda quyidagilar taqiqlanadi:
👉 oʻgʻil bolalar maktabga tanasining ochiq qismiga tatuyirovka tushirgan yoki pirsing qilgan, soqol qoʻygan, sochi 2-3 santimetrdan uzun boʻlgan va yorqin ranglarga boʻyagan holda kelishlari;
👉 qiz bola oʻquvchilar maktabga tanasining ochiq qismiga tatuyirovka tushirgan yoki pirsing qilgan, sochini yorqin ranglarga boʻyagan, yuzini koʻzga tashlanadigan darajada makiyaj qilgan, qulogʻiga bittadan ortiq sirgʻa taqqan, barmoqlariga uzuk taqqan, qoʻl tirnoqlarini boʻyagan va uzun qilib oʻstirgan holda kelishlari;
👉 Ob-havodan kelib chiqib, oʻquvchilar maktab formasining nimchasini yoki kostyumini, koʻylakning yengi uzun yoki kalta shaklini ixtiyoriy ravishda kiyishlari mumkin.
👉 Qishda qizlarga shim kiyishga ruxsat beriladi.
Maktab formasi talablariga rioya etmaslik uchun qanday choralar qoʻllaniladi?
Oʻquvchilarning maktab formasi talablarini buzganligi uchun quyidagi choralar qoʻllanishi mumkin:
👉 ogohlantirish;
👉 kundalik daftariga qayd etish;
👉 tushuntirish olib borish uchun ota-onasini xabardor qilish;
👉 mahalla va maktab yigʻilishlarda ota-onalar ishtirokida muhokama qilish.
Maktab formasi sotib olishda kimlarga yordam koʻrsatiladi?
👉 “Temir daftar”, “Ayollar daftari” va “Yoshlar daftari”ga kiritilgan oilalarning oʻquvchi farzandlariga maktab formasi hamda oʻquv qurollari sotib olish uchun yiliga bir marta subsidiya beriladi;
👉 Mazkur subsidiyani olish uchun Yoshlar ishlari agentligining tuman (shahar) boʻlimlariga murojaat qilish lozim;
👉 Ijtimoiy ehtiyojmand oilalarning iqtidorli farzandlariga har yili yoshlar masalalari boʻyicha hududiy idoralararo kengashlar tomonidan maktab formasi sotib olishda yordam koʻrsatiladi. Bu yordamni olish uchun hokimiyatga murojaat qilish kerak.
Pedagoglar kanaliga obuna boʻling👇
https://t.me/+SEjhuG-0kd7dL2wlShow more ...