audience statistics Hudud Inform

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

“Тошкент — Қарши — Тошкент” йўналишида қўшимча йўловчи поездлар ҳаракати йўлга қўйилди Йўловчиларга қулайлик яратиш мақсадида 2023 йилнинг 1 июнь ҳафтанинг ҳар пайшанба кунидан бошлаб, 16/15-сонли “Тошкент — Қарши — Тошкент” йўналишида қўшимча йўловчи поездлар ҳаракати йўлга қўйилди. Поезд қуйидаги жадвал асосида ҳаракатланади: 16-сонли “Тошкент — Қарши” йўналиши Тошкент 09:03 — Қарши 14:24 15-сонли “Қарши — Тошкент” йўналиши Қарши 16:10 — Тошкент 22:25 Эслатиб ўтамиз, чипталарни нафақат темир йўл чиптахоналаридан, балки электрон тарзда ушбу ҳавола орқали харид қилишингиз мумкин: chipta.railway.uz https://t.me/hudud_inform

ОКМК: Мегалойиҳа амалда Маълумки, Олмалиқ кон-металлургия комбинати томонидан Ўзбекистон тараққиёти учун муҳим бўлган “Ёшлик 1 конини ўзлаштириш” йирик инвестиция лойиҳаси амалга оширилмоқда https://t.me/hudud_inform

Юртимизнинг энг гўзал манзилларидан бири Наманган вилояти, Поп туманидаги Арашон кўлидир. Шаҳар шовқинидан зерикканларни ушбу эртакнамо масканга саёҳатга таклиф қиламиз. 👉Локация https://t.me/hudud_inform

⚡️“Эл-юрт умиди” жамғармаси стипендиати, 🇺🇸АҚШнинг University of Washington талабаси Севара Шарифова Жиззах вилояти мактаб ўқувчилари учун семинар ташкил этди. 🔰Учрашувда Севара Шарифова томонидан Жамғарма танловларида иштирок этиш, нуфузли хорижий олий таълим муассасаларининг қабул жараёнлари ва ўқиш имкониятлари ҳақида маълумотлар берилди. 🔰Тадбир қизғин руҳда ўтказилиб, ўқувчилар ўзларини қизиқтирган саволларга малакали жавоб олдилар. https://t.me/hudud_inform

#velomarafon 🚲Хива шаҳрида 6 ёшли болалар ўртасида ИИИ веломарафон бўлиб ўтди. ✅Мазкур веломарафон учинчиси бўлиб, унгача Тошкент ҳамда Самарқанд шаҳарларида 1- ва 2-лойиҳалари бўлиб ўтган эди. https://t.me/hudud_inform

🔝 Бойсуннинг мафтункор тоғ манзаралари Сурхондарё вилоятидаги Бойсун тумани йилнинг тўрт фаслида ҳам ўзига хос табиат манзаралари билан ҳар қандай кишини мафтун этиб, ўзгача завқ улашади. Айниқса, баҳор ва ёз фаслида яшилликка бурканган тоғлар қўйни турфа гуллари, дов-дарахтлари, шифобахш гиёҳлари билан инсонни ўз бағрига чорлайверади. Салқин ифорли ҳавода солланаётган яшил бойликлар димоққа хуш ёқиб, қалбларга ҳузур бағишлайди. https://t.me/hudud_inform

RASMIY MUNOSABAT Ижтимоий тармоқларда Андижон вилояти Хўжаобод туманида жойлашган кўп қаватли уйлардан бирида электр таъминотидаги узилиш сабаб лифт ичида фуқаро қолиб кетгани тасвирланган видео хабарлар тарқалди. Ушбу ҳолат юзасидан “Ҳудудий электр тармоқлари” АЖ Андижон ҳудудий филиали қуйидагиларни маълум қилади: Хабарларда тасвирланган кўп қаватли бино Хўжаобод тумани “Мустақиллик 30 йиллиги” МФЙ ҳудудидаги 31-сонли кўп қаватли уйнинг лифтида содир бўлган бўлиб, ушбу ҳудудни электр энергияси билан таъминловчи П/С Завроқ 110/35/10 кВ дан чиқувчи ф.Гулчи 10 кВ ҳаво тармоғида жорий йилнинг 30-май куни соат 18:30 да авария ҳолатда ўчган шундан сўнг тезкор ишчи бригада томонидан Гулчи 10 кВ электр узатиш ҳаво тармоғида авария ҳолати бартараф этилиб соат 18:45 да кучланиш берилган. Ҳолат юзасидан жабрланганлар йўқ. Ҳозирда ушбу ҳудуд узлуксиз электр энергияси билан таъминланмоқда.

Учтепа туман "Зарафшон" МФЙ ҳудудида адлия вазири ўринбосари А. Мухаммадиев томонидан сайёр қабул ўтказилиб, 200 дан ортиқ фуқаролар қабул қилинди. Сайёр қабул жараёнида тикув машинаси олиш, коммунал соҳада, моддий ёрдам, хотин-қизларга уй-жой ажратиш ва бошқа турдаги масалалар юзасидан мурожаатлар иш юритувига қабул қилинди. Шунингдек, фуқароларга қулайлик яратиш мақсадида сайёр давлат хизматлари, жумладан, субсидия олиш ва санаторияга йўлланма бериш кўринишидаги давлат хизматлари кўрсатилди. https://t.me/hudud_inform

#Муносабат Бугун, 31 май куни соат 05:11 да Сурхондарё вилояти Шўрчи тумани “Боботоғ” МФЙ, Мустақиллик кўчасида жойлашган 2 қаватли аралаш моллар савдо дўкони 2-қаватининг 85 кв.м майдонида шифт қисми ёниб зарарланган. Ёнғинга 4 та ёнғин-қутқарув экипажи 05:14 да етиб бориб, соат 05:19 да ўраб олинган ва 06:40 да ўчирилган. Ёнғиндан савдо дўконининг 1-қавати ҳамда 200 кв.м майдони сақлаб қолинган. Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда. https://t.me/hudud_inform

#Муносабат Ижтимоий тармоқларда Чилонзор туманининг 3-мавзесида пиёдалар йўлаклари, йўл четидаги майдонлар таъмирталаблиги танқид қилинган. Айни пайтда туманнинг кўплаб маҳаллаларида босқичма-босқич кенг қамровли таъмирлаш ва ободонлаштириш ишлари олиб борилмоқда. Жумладан, “3-Катта Чилонзор” маҳалласида ҳам биринчи босқичда канал бўйи ҳудудлари сайилгоҳ шаклида таъмирланиб, ўриндиқлар, ёритиш чироқлари ўрнатилди. Дарахтларга шакл берилиб, турли гуллар экилди. Таъмирлаш ишларининг иккинчи босқичида эса маҳалладаги мавжуд 57 та кўпқаватли уйларнинг атрофини ободонлаштириш, пиёдалар йўлаклари қуриш, суғориш тизимлари ўрнатиш, 32- ва 39-сонли кўпқаватли уйлар орасидаги болалар ўйингоҳларини таъмирлаш каби қатор ишлар амалга оширилмоқда. Маҳаллаларда қурилаётган пиёдалар йўлаклари техник назорат олиб борувчи ташкилот ҳамда буюртмачи ташкилот ва бевосита туман ҳокимлиги томонидан назорат қилинади ва таъмирлаш ишларининг сифати талабга жавоб бермаган тақдирда қабул қилинмайди. Шунингдек, пудратчи ташкилот томонидан маҳалладаги 35- ва 36- кўпқаватли уйлар ўртасидаги пиёдалар йўлаги сифатсиз таъмирланганлиги боис, техник назорат жараёнида камчиликлар аниқланди ва қайтадан таъмирлаш ишлари олиб борилиши тўғрисида қурувчи ташкилотга кўрсатмалар берилди. Ҳозирда қурувчи ташкилот томонидан айни манзилдаги тротуарда қайта таъмирлаш ишлари олиб борилмоқда. Айни пайтда маҳаллада таъмирлаш ва ободонлаштириш ишлари давом этмоқда. https://t.me/hudud_inform

2-3-июн кунлари Грузиянинг Тбилиси шаҳрида қиличбозликнинг рапира йўналиши бўйича аёллар ўртасида навбатдаги Жаҳон кубоги босқичи бўлиб ўтади. 38 давлатдан 200 нафарга яқин спортчи баҳс олиб борадиган ушбу турнирда Ўзбекистон терма жамоаси ҳам қатнашади. Маълумки, қиличбозлик спортида Париж-2024 Олимпиадаси учун рейтинг очколарини жамғариш даври бошланди. Тбилисидаги баҳсларда қиличбозларимиздан Умида Илясова ҳамда Комила Мирзаева юртимиз шарафини ҳимоя қилишади. Мураббий Дониёр Нугуманов бошчилигидаги спортчиларимиз бугун Грузияга йўл олишди. https://t.me/hudud_inform

📣 АОКА барча болажонларни кўнгилочар маданий дастурларга бой "Болалар китоб фестивали" байрам тадбирларига таклиф қилади! 📔 Жорий йил 1-3 июнь кунлари Ғафур Ғулом номидаги маданият ва истироҳат боғида 1 июнь – Халқаро болаларни ҳимоя қилиш куни муносабати билан "Китобсевар миллат" шиори остида "Болалар китоб фестивали" бўлиб ўтади. ✔️ Ундан ўзбек ва хориж адабиётлари кўргазма-ярмаркалари, концерт дастурлари, кутубхоналарга экскурсиялар, турли танловлар ва акциялар, китоб тарғиботи ва мутолаага оид саҳна кўринишлари ҳамда бошқа қатор тадбирлар ўрин олган. 🗣Тадбир ташкилотчилари: ⏺Ахборот ва оммавий коммуникациялар агентлиги; ⏺Мактаб ва мактабгача таълим вазирлиги; ⏺Ўзбекистон ноширлари ва китоб савдоси ташкилотлари миллий ассоциацияси ☎️ Фестивал ҳақида батафсил маълумот учун +998 (71) 244 35 35 рақамига боғланишингиз мумкин. ✏️ Тадбир тафсилотлари Агентлик ва ҳамкор ташкилотларнинг расмий саҳифалари орқали ёритилади. https://t.me/hudud_inform

Ажиниёз номидаги Нукус давлат педагогика институтида «Замонавий талаблар шароитида педагогик таълим сифати» мавзусидаги «IFTE-2023: Uzbekistan» халқаро анжумани бўлиб ўтмоқда. Халқаро анжуманга Россия, Германия, Хитой, Словения, Испания, Малайзия, Покистан, Филиппин ҳамда Қозоғистон мамлакатларидан дунёга машҳур педагог олимлар, олий таълим муассасалари ва илмий-тадқиқот марказлари вакиллари иштирок этмоқда. Халқаро анжуман 31 майгача давом этади. https://t.me/hudud_inform

🏆 "Зукко китобхон" танловининг саралаш босқичлари якунланди. ⚡️Эртага, 31-май куни танловнинг ҳудудий босқичларига старт берилади. 📖Мазкур босқичларда @yoshkitobxonuz телеграм ботидан рўйхатдан ўтиб, саралаш тестидан юқори натижа қайд этган ёшлардан шакллантирилган жамоалар иштирок этишади. https://t.me/hudud_inform

ФВВ Тошкент туманида бир-бирига туташ қурилган хонадонларда содир бўлган ёнғин тўғрисида маълумот берди. Бугун, 30-май куни соат 13:59 да Тошкент вилояти Тошкент тумани “Абдурахмонов” МФЙда жойлашган бир-бирига туташ қурилган хонадонларда ёнғин содир бўлганлиги тўғрисида туман ФВБга хабар тушган. Шунга кўра 9 та ёнғин-қутқарув экипажи соат 14:24 да воқеа жойига етиб бориб, ёнғин соат 14:47 да ўраб олинган ва соат 15:15 да ўчирилган. Ёнғин натижасида 3 та хонадоннинг тахминан 450 кв.м майдонда том ва ички жиҳозлари ёниб зарарланган. Ҳодиса оқибатида тан жароҳати олган ва ҳалок бўлганлар йўқ. https://t.me/hudud_inform

Орол денгизи бўйлаб ўтказилган “Rally Muynak” мусобақаси ғолиблари аниқланди Мусобақа автомобиллар, багги ва мотопойга бўйича профессионал спортчилар ўртасида ташкил этилиб, унда жами 8 мамлакатдан 150 дан ортиқ иштирокчи қатнашди. https://t.me/hudud_inform

Уйчи тумани ҳокимига биринчи ўринбосар тайинланди Фарҳод Аҳмаджонович Мамадалиев Уйчи тумани  ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди. У тайинловга қадар Наманган вилояти ҳокимининг матбуот котиби — ахборот сиёсати масалалари бўйича маслаҳатчиси лавозимида ишлаб келган. https://t.me/hudud_inform

“Norway Chess 2023” турнирининг блиц йўналишида гроссмейстер Нодирбек Абдусатторов 9 имкониятдан 6 очко жамғариб, ғалабага эришди. Бугун классик йўналишда дунёнинг энг кучлилари ўртасида турнирга старт берилади. https://t.me/hudud_inform