Маст ҳолатда МИБ ходимига қаршилик кўрсатиб, машинасига зарар етказган фуқаро қамалди
Жорий йилнинг 30-январь куни МИБнинг Касби туман бўлими ходимлари Ж.Маматқулов, И.Жовлиев ва Ф.Йўлдашевлар томонидан ижро ҳужжатига асосан фуқаро Д.Пнинг 41 млн. 660 минг солиқ, давлат божи ва маъмурий жарималарини ундириш юзасидан ижро ҳаракатлари олиб борилган.
Ижро ҳаракатлари давомида фуқарога қарздорликни тўлаши лозимлиги, акс ҳолда, қарздорлик эвазига мулки хатланиши тушунтирилганда, Д.П спиртли ичимлик ичган ҳолатда, ижро ҳаракатларига тўсқинлик қилиб, хонадонида бўлган хўжалик пичоғини олиб чиқиб, уларни ўлдириш билан таҳдид қилиб, давлат ижрочиларига енгил тан жароҳати етказган.
Шунингдек, ижрочига тегишли “Матиз” русумли автотранспорт воситасини дастлаб пичоқ билан, пичоқ сингач, темир болта билан барча ойналарини синдириб, кузов детал қисмларини уриб, жиддий шикаст етказган.
Муқаддам Жиноят кодексининг 109-моддаси (Қасддан баданга енгил шикаст етказиш) 2-қисми билан айбланган Д.П бу сафар ушбу кодекснинг 219-моддаси 2-қисми билан айбдор деб топилиб, унга 3 йил 1 ой муддатга озодликдан маҳрум қилиш жазоси тайинланди.
Nasafnews расмий саҳифаси
Show more ...