Омадинг келса чопиб, ризқинг чала термагин,
Беш олти сўм пул топиб, отанга дарс бермагин.
Сен сурган шу даврни у бир пайтларда сурган,
Сен кўрган шу хўрозни жўжалигида кўрган,
Бешигингни тебратиб, онанг ёнида турган,
Беш олти сўм пул топиб, отанга дарс бермагин.
Сендек ақли расони келтирди у дунёга,
Улғайтирди-ку чидаб, қанча жабру жафога,
Сенга ўхшаш донолар ёқмас, ҳатто, Худога,
Беш олти сўм пул топиб, отанга дарс бермагин.
Фарзандларинг олдида сен отанга қилма дўқ,
Дуо берса бахра ол ундан бўлсин кўнглинг тўқ,
Баъзи милионерларда хар нарса бор Ота йўқ,
Беш олти сўм пул топиб, отанга дарс бермагин.
⛑@APTEKA_TV - Соғлиғингиз учун хизмат қилувчи канал!Show more ...