all posts XORAZM YOSHLARI

“Talaba fest -2024” taqdirlash marosimi va galakonsert dasturi 👨‍🎓 13-17 may kunlari viloyatimizda ilk bor “Talaba fest-2024” festivali o‘tkazildi. Oliy ta’lim, fan va innovatsiyalar vazirligining viloyat boshqarmasi, Yoshlar ishlari agentligining viloyat boshqarmasi va boshqa bir qator tashkilotlar hamkorligida tashkil qilingan ushbu festival doirasidagi tadbirlarda viloyatimiz oliy ta’lim muassasalarida tahsil olayotgan 40 ming nafardan ziyod talaba yoshlar ishtirok etdi. Haftalik doirasida o‘tkazilgan kitobxonlik, she’riyat kechalari, turli intellektual bellashuvlar, ko‘rik tanlovlar, sport musobaqalari yuzlab yangi iqtidor egalarini kashf qildi. Festivalning yakuniy tadbirida viloyat hokimi Jo‘rabek Raximov ishtirok etib, ko‘rik tanlovlar va sport musobaqalarida g‘olib bo‘lgan talaba yoshlarni munosib taqdirladi. @TimurJumaniyazov

👨‍🎓 “Talaba fest-2024” final bosqichi Erta saharlab, viloyatimizdagi barcha oliy ta’lim muassasalari talabalari o‘rtasida o‘tkazilayotgan “Talabalar festivali-2024” final bosqichi “Jaloladdin Manguberdi” memorial bog‘ida start oldi. Bugun mazkur festivalning yakuniy qismida milliy taomlar festivali, milliy liboslar ko‘rgazmasi, quvnoqlar va zukkolar ko‘rik tanlovi, bo‘sh ish o‘rinlar yarmarkasi, harbiy-vatanparvarlik festivallari yuqori kayfiyatda o‘tkazildi hamda viloyatimizdagi barcha oliy ta’lim muassasalarining o‘qituvchi, tyutor va talaba yoshlari o‘z ko‘rgazmalari bilan faol ishtirok etishdi. @TimurJumaniyazov

“Xotira bor ekan – millat barhayot” Bugun 9 may – Xotira va qadrlash kuni munosabati bilan Urganch shahridagi Xotira maydoniga erta tongdan Yoshlar tashkiloti jamoalari, mehnat faxriylari, davlat va jamoat tashkilotlari, huquqni muhofaza qiluvchi organlar vakillari, harbiylar, deputatlar tashrif buyurdi. Xorazm viloyati hokimi Jo‘rabek Raximov hamda davlat va jamoat tashkilotlari vakillari harbiy orkestr sadolari ostida Motamsaro ona haykali poyiga gulchambarlar qo‘ydilar. #9may #Xotira_va_qadrlash_kuni @TimurJumaniyazov

Davlatimiz rahbarining “Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi qarorida belgilangan vazifalarga asosan davlat va jamoat tashkilotlari tomonidan Ikkinchi jahon urushi qatnashchilari, yolg‘iz qariyalar va ehtiyojmand oila vakillariga xayriya yordamlari ko‘rsatilmoqda. Bugun Xorazm viloyati Yoshlar ishlari agentligi jamoasi tomonidan tashkil etilgan ana shunday tadbir davomida viloyatimiz bo‘ylab istiqomat qiluvchi urush faxriylari holidan xabar olindi. Faxriylarimiz qo‘lini duoga ochib, avvalo yurtimiz tinchligi bardavom bo‘lib, farovonlik, go‘zal hayotga, mehr-oqibatli, saxovatli xalqimizga ko‘z tegmasligini tiladilar. @TimurJumaniyazov

📚“Zukko kitobxon” tanlovining navbatdagi hududiy bosqich g‘oliblari aniqlandi ✅Bugun Urganch shahridagi "Yoshlar Markazi" binosida har oyda bir marotaba o‘tkazilib kelinayotgan “Zukko kitobxon” tanlovining 2024-yil aprel oyi hududiy bosqichi yakunlandi. 📝Tanlov natijalariga ko'ra: 🥇Shovot tuman jamoasi 6 600 000 so'm; 🥈Tuproqqal’a tuman jamoasi 4 800 000 so'm; 🥉Qo‘shko‘pir tuman jamoasi 3 600 000 so'm pul mukofotlari bilan taqdirlandilar. Tanlovda ishtirok etish uchun @kitobxontestbot telegram bot orqali saralash bosqichlarida qatnashish kerak bo‘ladi. Saralash bosqichlarida yuqori natijalarni qayd etgan ishtirokchilar tuman va shaharlar miqiyosida 1 tadan jamoa bo‘lgan tarzida (jami 13 ta jamoa) ishtirok etishadi. #zukkokitobxon #aprel 🇺🇿Yoshlar ishlari agentligi Xorazm viloyati boshqarmasi Axborot xizmati

Respublika «Yosh kitobxon» tanlovining rasmiy sahifalari: 🔸Facebook.com/Yoshkitobxon.uz 🔸Instagram.com/yoshkitobxonuz 🔸YouTube.com/channel/UCn6yaYA6UNKrL6AnJhRXdQA 📩Murojaat uchun: @Kitobxonmurojaatbot

🏆DXX kubogi musobaqalari davom etmoqda ♟Ayni damda viloyat “Yoshlar markazi”da “Besh tashabbus olimpiadasi” doirasida sportning shaxmat turi bo‘yicha DXX kubogi musobaqalari davom etmoqda. ✅Mazkur musobaqada 100 nafarga yaqin ishtirokchilar o‘zaro bellashmoqdalar. Sanoqli daqiqalardan so‘ng final bosqichi g‘oliblari aniqlanib taqdirlash marosimi bo‘lib o‘tadi. @TimurJumaniyazov

💪“Yosh gvardiyachilar” harbiy-vatanparvarlik musobaqasining Xorazm viloyat bosqichi oʻtkazildi. ✅Oʻzbekiston Respublikasi Prezidenti, Qurolli Kuchlar Oliy bosh qoʻmondoni Sh.Mirziyoev raisligida 2024-yil 12-yanvar kuni oʻtkazilgan Xavfsizlik kengashining kengaytirilgan yigʻilishida belgilab berilgan topshiriqlaridan kelib chiqib, “Yoshlarni vatanparvarlik ruhida tarbiyalash” ishlarini samarali tashkil etish maqsadida Xorazm viloyatidagi Umumta’lim maktablarining yuqori sinf oʻquvchilari oʻrtasida “Yosh gvardiyachilar” harbiy-vatanparvarlik musobaqasining viloyat bosqichi oʻtkazildi. Musobaqada Xorazm viloyatining barcha tamun-shaharlaridan tashrif buyurgan jamoalar oʻn shart boʻyicha bellashishdi. 📝 Natijalar boʻyicha: 3-oʻrinni Yangiariq tumani 37-son umumta'lim maktabining “Yosh gvardiyachilar” jamoasi, 2-oʻrinni Urganch tumani 15-son umumta’lim maktabning “Kelajak yoshlari” jamoasi va faxrli 1-oʻrinni Gurlan tumanidagi 42-son umumta’lim maktabining “Lion” jamoasi qoʻlga kiritdi. 🛡 Gʻolib va sovrindorlar tashkilotchilar tomonidan diplom va esdalik sovgʻalari bilan taqdirlandi. @TimurJumaniyazov

🇺🇿O‘zbekiston Respublikasi Yoshlar ishlari agentligi Xorazm viloyati boshqarmasining rasmiy Telegram sahifasi Ochiq muloqot va murojaatlar uchun; @yoshlarmurojaati @yoshlarmurojaati_bot

Xonqa tumanidagi Ilg‘or mahallasida viloyat hokimi Jo‘rabek Raximov ishtirokida “Hokim va yoshlar” uchrashuvi o‘tkazildi. Ochiq muloqot tarzida o‘tgan uchrashuvda yoshlar ta’lim olish, kasb-hunar o‘rganish, tadbirkorlik faoliyatini yo‘lga qo‘yish bo‘yicha o‘zlarining taklif va tashabbuslarini bildirdilar. Jumladan, yoshlarning bandligini ta’minlash maqsadida muayyan faoliyat turi bilan shug‘ullanishlari uchun subsidiya ajratish, ijtimoiy himoyaga muhtoj talabalarga oliy o‘quv yurtlarida tahsil olish uchun kontrakt to‘lovlariga ko‘maklashish, salomatligida muammosi bo‘lgan yigit-qizlarni davolanishlari uchun moddiy yordam berish yuzasidan qilingan murojaatlar o‘rganilib, ijobiy hal etildi. @TimurJumaniyazov

Matonatli yoshlar mahorati “Besh tashabbus paralimpiadasi”da o‘z aksini topdi Yangibozor tumanidagi "Yoshlar markazi"da «Besh tashabbus paralimpiadasi»ning para sport musobaqalari doirasida Para-yengil atletika, Para-stol tennisi, Para-shaxmat va shashka aravachada stol tennis sport turlari bo‘yicha tuman bosqichi musobaqalari o‘tkazildi. Mazkur musobaqada 65 nafar imkoniyati cheklangan yoshlar ishtirok etishdi. Gʻolib va sovrindorlar qimmatbaho sovg'alar hamda diplom bilan taqdirlandi. @TimurJumaniyazov

🏆 ”Yoshlar ovozi” – Bo‘zatov Fest tanlovining viloyat bosqichi g‘oliblari aniqlandi! 🎶 Yoshlarni madaniyat va san‘at yo‘nalishida iqtidorlarini nomoyon etish uchun o‘tkazilib kelinayotgan respublika “Yoshlar ovozi” – Bo‘zatov Fest tanlovining Xorazm viloyat bosqichi yakunlandi. 🏆 G‘oliblar bilan tanishing! 🪕Baxshichilik yo‘nalishida: 🔸10-15 yosh: Sanjar Avazov 🔸23-30 yosh: Bobur Yusupov 🪕 An’anaviy ijro yo‘nalishida: 🔸10-15 yosh: Alxofiz Berdiyev 🔸16-22 yosh: Mahliyo Norboyeva 🔸23-30 yosh: Gulasal Xojixonova 🎤 Estrada yo‘nalishida: 🔸10-15 yosh: Bexruz Quranboyev 🔸16-22 yosh: Qodirbergan Aminboyev 🔸23-30 yosh: Shaxzoda Do‘smetova 🎼 Opera yo‘nalishida: 🔸10-15 yosh: Amirbek Shoxnazarov 🔸16-22 yosh: Mirjalol Baxtiyorov 🔸23-30 yosh: Otabek Nazirov 🤝 Barcha g‘oliblarni respublika bosqichiga yo‘llanmani qo‘lga kiritganligi bilan tabriklaymiz. Respublika bosqichida faxrli o‘rinlarni qo‘lga kiritishlarida omad yor bo‘lsin! #yoshlar_ovozi #viloyat_bosqichi @TimurJumaniyazov