audience statistics 🙋‍♂️ Мен ҳам гапирай

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

Oliygohga o‘qishga kiritib qo‘yish bilan bog‘liq jinoyatlarda salkam yarim million dollardan ortiq pul ushlab qolindi ▪️Yil boshidan beri OTMga o‘qishga kiritish bilan bog‘liq 127 ta jinoyat fosh etilib, 384 mln so‘m va 457 ming dollar firibgarlik yoki pora sifatida qo‘lga kiritilishining oldi olindi. Bu haqda Iqtisodiy jinoyatlarga qarshi kurashish departamenti ma’lum qildi. ▪️Xorijdan o‘qishni ko‘chirib berishni va’da qilgan shaxslarning 34 ta jinoyati fosh etilgan, natijada ular 81,8 mln so‘m va 168,2 ming dollarni qo‘lga kirita olmagan. ▪️Kollej va texnikumlarga o‘qishga kiritish bilan bog‘liq 37 ta jinoyat ochilgan, ularda 22 mln so‘m va 27,5 ming dollar ashyoviy dalil sifatida olib qo‘yilgan. ➡️ Xpress.uz

Muddatli harbiy xizmatni o‘tayotgan askarlarning taomnomasi ma’lum qilindi ▪️Mudofaa vazirligining ma’lum qilishicha, askarlarga 3 mahal sifatli va kaloriyaga boy, ya’ni palov, manti, chuchvara va qozonkabob kabi milliy va boshqa taomlar berilmoqda. Ovqatlar kaloriyasi 4636,39 kkalni tashkil etadi. Bundan tashqari, ularga 20 gramm tabiiy asal, 25 gramm dudlangan kolbasa, 25 gramm qattiq pishloq, 50 gramm meva-rezavorlar sharbati, 10 gramm sarimsoq piyoz va 40 gramm birinchi navli bug‘doy uni mahsulotlari, 1 dona tovuq tuxumi ham berib borilmoqda. ➡️ Xpress.uz

Samarqandda salonida 19 kishi bo‘lgan Damas to‘xtatildi ▪️Oqdaryo tumanida xizmat olib borayotgan YPX xodimi Damasni to‘xtatganida, uning salonida haydovchidan tashqari 18 nafar yo‘lovchi ham borligi ma’lum bo‘ldi. Haydovchi jarimaga tortildi. ➡️ Xpress.uz

Nikohdan o‘tishdagi 1 oylik muddatni bekor qilish haqidagi qonun Senatda rad etildi ▪️Nikoh FHDYga ariza berib, tibbiy ko‘rikdan o‘tgandan keyin qancha vaqt ichida tuzilishi qonunda noaniq bo‘lib qolgan. Senat shu va boshqa omillar sabab qonunni rad etdi. Senatorlarning fikricha, 1 oylik muddat nikohdan o‘tuvchilarning o‘z qarorlarini puxta o‘ylab ko‘rishlari, shoshma-shosharlik bilan nikohdan o‘tmasliklari uchun ham kerak. ➡️ Xpress.uz

Instagram va Facebook foydalanuvchilarining lentasida begona postlar keskin ko‘payadi ▪️Bu haqda Meta rahbari Mark Sukerberg investorlar bilan muloqotida ma’lum qildi. “Lentani siz obuna bo‘lgan sahifalardagi postlar emas, sun’iy intellekt yordamida tanlanadigan tavsiyaviy kontent asosida shakllantirishga o‘tyapmiz”, dedi u. Sukerbergning aytishicha, hozir Facebook foydalanuvchilari lentasidagi 15 foiz kontent sun’iy intellekt yordamida tanlangan, yil oxirigacha bu raqam kamida 30 foizga yetkaziladi. ➡️ Xpress.uz

O‘zbekistonda davlat xizmatchilarining xizmat safarlari bo‘yicha yangi tartib joriy etildi 🛎 Mehmonxona xarajatlari ➖ 1-toifadagi xizmatchilarning mehmonxonada 1 kecha qolishi xarajati 900 ming so‘mdan; ➖ 2-toifa uchun 600 ming so‘mdan; ➖ 3-toifa uchun 450 ming so‘mdan oshmasligi belgilandi. ✈️🚅 Samolyot va poyezd chiptalari ➖ 1-toifadagi xizmatchilarning barcha tariflar (VIP, biznes, ekonom) bo‘yicha chipta xarajati 100% budjetdan qoplanadi. ➖ Boshqa xodimlar uchun faqat ekonom klass chiptalari to‘liq budjet zimmasida. Agar ular VIP yoki bizness klassda ketsa, 70 foizi budjetdan to‘lanadi, 30 foizini o‘z cho‘ntagidan to‘laydi. ☝🏾Toifalar bo‘yicha ma’lumot – yuqoridagi jadvallarda. ➡️ Xpress.uz

Turkiyada inflatsiya 80 foizga yetdi ▪️Turkiyada inflatsiya su’rati 24 yillik rekordni yangilab, 2022-yil iyulida yillik 79,6 foizga yetdi. Lira qadrsizlanishi bilan birga, oziq-ovqat va energiya (transport) narxlari keskin ko‘tarilmoqda. Mamlakatda giperinflatsiya o‘tgan yilning kuzida, Markaziy bank asosiy stavkani 14 foizga tushirganidan keyin avj olib ketgandi. Prezident Erdo‘g‘an iqtisodiy o‘sishga erishish uchun foiz stavkalarini pasaytirish siyosatini olib bormoqda. Hukumatdan mustaqilligi poymol qilingan Turkiya Markaziy bankida 2018-yildan beri uch marta rahbar almashdi. Muxolifat Erdo‘g‘anni populizmda ayblab, haqiqiy inflatsiya darajasi rasmiy raqamlardan yuqori ekanini aytadi. ➡️ Xpress.uz

Nikohdan o‘tish uchun ariza bergandan keyin 1 oy kutish shart bo‘lmaydi 💍 O‘zbekistonda nikohni qayd etishning bir oylik muddati bekor qilinmoqda. Kelin va kuyov majburiy tibbiy ko‘rikdan o‘tganidan keyin ortiqcha kutmay nikohni rasmiylashtirishi mumkin bo‘ladi. Oila kodeksiga tegishli o‘zgartirish kiritish haqidagi qonun Senatning navbatdagi yalpi majlisida ma’qullanishi kutilmoqda. 👰 Avvalroq notariuslarga ham nikohni qayd etish huquqi berilishi mumkinligi aytilgandi. ➡️ Xpress.uz

14 yoshli qiz bilan jinsiy aloqa qilgani uchun qamalgan uch erkak muddatidan oldin ozodlikka chiqdi ▪️ 2021-yil aprel oyida Toshkentdagi maktablardan birining jismoniy tarbiya o‘qituvchisi o‘z o‘quvchisini avvaldan ijaraga olingan kvartiraga olib kelib, u yerga ikki tanishini ham chaqirgan. Sud qizni jinsiy aloqaga qarshilik qilmagan deb hisoblab, jinoyatni (guruh bo‘lib) zo‘rlash moddasi emas, 16 yoshga to‘lmagan shaxs bilan jinsiy aloqa qilish moddasi bilan malakalagan. Qizning onasi bergan apellyatsiya rad etilgan. Nemolchi.uz loyihasining Bosh prokuraturaga tayanib xabar berishicha, jinoyat tashkilotchisi – 1991 y.t. X.A.X. 4 yilga qamalgan, lekin oradan 1 yil o‘tib, muddatidan oldin shartli ravishda ozod qilingan. Jazoning o‘talmay qolgan salkam 3 yillik qismi shu davr mobaynida maoshining 20 foizini davlatga to‘lash sharti bilan ahloq tuzatish ishlariga almashtirilgan. Uning ikki sherigi esa 2 yilga qamalgan, biroq oradan 6 oy o‘tib, muddatidan oldin shartli ravishda ozodlikka chiqarilgan. Jazoning o‘talmay qolgan 1,5 yillik qismi shu davr mobaynida maoshining 15-20 foiz qismini davlatga to‘lash sharti bilan ahloq tuzatish ishlariga almashtirilgan. ❕Xpress xabar ostidagi izohlarda bolaning o‘zi aybdor deb aytilgan yoki gumon qilingan har qanday izoh o‘chirilishini ma’lum qiladi. ➡️ Xpress.uz

O‘zbekistondagi o‘rtacha oylik ma’lum qilindi ❗️2022-yilning birinchi yarmida O‘zbekistonda o‘rtacha oylik ish haqi 2,8 mln so‘m bo‘lgan. Bu haqda Davlat soliq qo‘mitasi ma’lum qildi. 💵 2 776 400 so‘mdan faqat 12 foizlik daromad solig‘i (333 168 so‘m)ni ayirganda, 2 443 232 so‘m qoladi. Bu – bugungi rasmiy kursda 222 dollarga teng. ☝🏾Bu davrda rasman 5,4 mln xodimga ish haqi hisoblangan. Bu – O‘zbekistondagi iqtisodiy faol aholining bor-yo‘g‘i uchdan bir qismiga teng. ➡️ Xpress.uz

Fuqaroni shaxsini aniqlash uchun ichki ishlar idorasiga olib borish amaliyotidan voz kechiladi ▪️Bugun shu haqda hukumat qarori qabul qilindi. Unga asosan, 2023-yil 1-yanvardan keyin ichki ishlar xodimlari fuqarolarning shaxsini IIBga olib bormasdan, “E-patrul” elektron tizimi orqali joyida aniqlaydi. Bu jarayon PPX xodimining bodikamerasida yozib olinadi. Fuqaroning shaxsini planshet orqali aniqlashning imkoni bo‘lmasa, u idoraga borishi kerak bo‘ladi. Planshet orqali shaxsiga aniqlik kiritilishiga qarshilik qilsa ham idoraga olib ketishadi. ➡️ Xpress.uz

Rossiyada ikkita qiruvchi samolyot yuklangan An-124 qanday qulab tushgandi? 1997-yilda ikkita qiruvchi samolyot ortilgan An-124 yuk samolyoti Irkutsk aeroportidan parvoz qilayotib halokatga uchraydi va ko‘p qavatli uyga borib uriladi. Oqibatda samolyot bortida bo‘lgan 9 nafar ekipaj a’zosi va 14 nafar harbiylar hamda ko‘p qavatli uyda yashovchi 49 nafar odam halok bo‘ladi. 👉 VIDEONI KO'RING

Britaniyada o‘zbekistonlik ayol sanksiyaga uchradi. U Londonda 65 mln funtlik saroyning egasi ekani aytilmoqda ▪️BBC muxbiri Ibrat Safo Facebook'dagi sahifasida Londondagi eski tanishlaridan biri bo‘lgan o‘zbekistonlik ayol Britaniyada sanksiyaga uchraganini ma’lum qildi. 🌐 Xpress'ning e’tibor qaratishicha, Britaniya sanksiyasiga uchraganlar ro‘yxatida 1987-yil Toshkentda tug‘ilgan N.Z. ham bor. Rasmiy manbada u O‘zbekiston fuqarosi ekani, 2022-yil 2-mart kuni (Rossiya Ukrainaga bostirib kirganidan 6 kun o‘tib) rossiyalik milliarder Mixail Fridman o‘zining uchta kompaniyasini uning nomiga o‘tkazgani yozilgan. 🚫 Britaniya hukumati 15-martda tadbirkorning, 13-aprelda esa o‘zbekistonlik ayolning aktivlarini muzlatgan. 🏰 Yahudiy millatiga mansub 58 yoshli Fridman suratdagi Athlon House'ni 2016-yilda 65 mln funtga sotib olgan. Tadbirkor mart oyidayoq sanksiyalar uni xonavayron qilgani, ixtiyorida qolgan puli kamligidan hatto farrosh yoki haydovchi yollashga ham ikkilanayotganini aytgandi. ➡️ Xpress.uz

Diplom dublikatining narxi – 300 ming so‘m 📇 Maktab, kollej, litsey, texnikum yo oliygohni tugatganingizda olgan diplom (sertifikat)ingizni yo‘qotib qo‘ysangiz, yoki yaroqsiz holga kelsa, yoxud ism, familiya, otangizning ismi o‘zgarsa, diplom (sertifikat)ning dublikatini olishingiz mumkin. ✅ Dublikat asl nusxa bilan bir xil yuridik kuchga ega. Hukumatning kecha qabul qilingan qaroriga binoan, dublikatni berish bo‘yicha davlat xizmatining narxi 300 ming so‘m deb belgilandi. 📩 Arizani davlat xizmatlari markaziga borib yoki my.gov.uz portali orqali berish mumkin. Dublikat 10 kunda tayyor bo‘ladi. Uni olish uchun vakolatli organga borishni istamasangiz, pochta orqali olishingiz mumkin (pochta to‘lovini to‘lash kerak bo‘ladi). ➡️ Xpress.uz

Jamshid Qo‘chqorov: “Darslar sonini keskin qisqartirish kerak” 🗣 “Dunyoda buncha [ko‘p] dars o‘tadigan OTM ham, maktab ham yo‘q. Faqat O‘zbekiston darslar soni bo‘yicha dunyoda birinchi o‘rinda turadi”, dedi bosh vazir o‘rinbosari – iqtisodiyot vaziri Jamshid Qo‘chqorov. 🎒 Hukumat vakili sinflardagi o‘quvchilar soni ko‘pligi muammosi yuzasidan parlamentda berilgan savolga javoban shunday taklifni ilgari surdi. Qo‘chqorovning fikricha, maktablarda o‘quvchi o‘rni yetishmasligi va bitta sinfda 40ga yaqin o‘quvchi o‘qiyotgani muammosini darslarni kamaytirish orqali yechish mumkin. ➡️ Xpress.uz

Haydovchilik guvohnomasini yangisiga almashtirish masofaviy shaklga o‘tkazilishi mumkin 💳 Adliya vaziri Ruslanbek Davletovning parlamentda aytishicha, eski namunadagi haydovchilik guvohnomalarini yangisiga almashtirishni to‘liq masofaviy shaklga o‘tkazish reja qilinmoqda. Bunda fuqaro portal orqali ariza beradi, yangi guvohnoma unga pochta orqali yetkaziladi. ☝️ Eslatib o‘tamiz, shu paytgacha almashtirish muddati 3 marta uzaytirildi: har uchala safar ham dedlaynga yaqin navbatlar keskin ko‘payib ketdi. 2022-yil mart holatiga, 2,6 mln haydovchi yangi guvohnoma olgan, 3,1 mln kishi guvohnomasini hali almashtirmagan. ☑️ Amaldagi qoidaga ko‘ra: ➖ 2010-yilgacha berilgan guvohnomalarni 31.03.2023 gacha; ➖ 2010-2012-yillarda berilganlarni 30.06.2023 gacha; ➖ 2013-2015-yillarda berilganlarni 30.09.2023 gacha; ➖ 2015-yildan keyin berilganlarni 31.12.2023 gacha yangisiga almashtirish kerak. ➡️ Xpress.uz

Tanlovda g‘olib deb topilgan so‘mning belgisi yakuniy variant emas ▪️Belgi xorijiy mutaxassislarni jalb qilgan holda takomillashtiriladi, deya ma’lum qildi Markaziy bank raisining o‘rinbosari Botir Zohidov bugungi matbuot anjumanida. Uning so‘zlariga ko‘ra, so‘m belgisini joriy etish bir necha yil vaqt talab etishi mumkin. Markaziy bank raisi Mamarizo Nurmurodov ham belgi ustidagi ishlar davom etishi, bunga professionallar jalb etilishini aytdi. ➡️ Xpress.uz

Qoraqalpog‘istonda favqulodda holat tugatildi ▪️3-iyuldan 2-avgustgacha davom etishi belgilangan favqulodda holat rejimi muddatidan oldin, 21-iyul soat 05:00da tugatiladi. Prezident farmoniga ko‘ra, bu qarorga kelishda Jo‘qorg‘i Kengesining favqulodda holatni muddatidan avval tugatish to‘g‘risidagi murojaati va Qoraqalpog‘istonda jamoat tartibi tiklangani inobatga olingan. ➡️ Xpress.uz

Nikohni qayd etish huquqi notariuslarga ham berilishi mumkin ▪️Adliya vaziri Ruslanbek Davletovning parlamentda aytishicha, FHDY organlari soni 200 bo‘lsa, notariuslar soni mingta – ya’ni fuqarolarda nikohdan o‘tish uchun o‘ziga yaqin va qulay joyga borish imkoni tug‘ilishi mumkin. “Notariuslar ham kuchli yuristlar, hammasini tushunadi, ikki tomonning xohish-irodasini tasdiqlab shahodatlay oladi”, dedi vazir. Uning aytishicha, bu masala hozircha o‘rganib chiqilmoqda. ➡️ Xpress.uz

Qoraqalpog‘iston deputatlari prezidentga murojaat qildi ▪️Jo‘qorg‘i Kengesning bugungi majlisida deputatlar favqulodda holatni bekor qilish va ommaviy tartibsizliklarda gumonlangan aybsiz fuqarolarni afv etish yuzasidan Shavkat Mirziyoyevga murojaat qilishga qaror qildi. ➡️ Xpress.uz

❗️Ertaga Markaziy Osiyo uchun tarixiy hujjat imzolanishi mumkin ⚡️Markaziy Osiyo davlatlari rahbarlari ertaga, 21-iyul kuni Qirg‘izistonning Cho‘lponota shahrida, Issiqko‘l bo‘yida to‘rtinchi maslahat uchrashuviga yig‘iladi. Unda beshta davlat o‘rtasida do‘stlik, yaxshi qo‘shnichilik va hamkorlik to‘g‘risidagi shartnoma imzolanishi mumkin. 1️⃣ Shartnoma loyihasiga ko‘ra, uning 1-moddasida tomonlar o‘rtasidagi munosabatlar o‘zaro hurmat, tenglik, tushunish va bir-birining manfaatlarini har tomonlama hisobga olish asosida quriladi. 2️⃣ Loyihadagi 2-modda beshala davlat bir-birining hududiy yaxlitligi va chegaralarining buzilmasligini tan olishi, bir-birining ichki ishlariga aralashmasligi yozilgan. 3️⃣ 3-moddada tomonlar bir-birining tanlagan taraqqiyot yo‘lini hurmat qilishi qayd etilmoqda. 4️⃣ 4-moddada tomonlar davlat rahbarlarining maslahat uchrashuvlari samaradorligini oshirishga intilishi ta’kidlangan. 5️⃣ 5-moddaga asosan, tomonlar mustaqillik va hududiy yaxlitlikka tahdidlar yuzaga kelganida o‘zaro har tomonlama yordam ko‘rsatadi. 6️⃣ 6-modda bilan Markaziy Osiyo davlatlari o‘zaro munosabatlarda kuch ishlatishdan va kuch ishlatish bilan tahdid qilishdan tiyilishi, shartnoma ishtirokchilariga qarshi qaratilgan harbiy bloklarga va boshqa harakatlarga qo‘shilmasligini tasdiqlaydi. Bundan tashqari, tomonlar o‘z hududi, kommunikatsiya tarmoqlari va boshqa infratuzilmasidan bir-birining xavfsizligiga tahdid solishi mumkin bo‘lgan uchinchi tomonning kuchlari foydalanishiga yo‘l qo‘ymaydi. 7️⃣ 7-moddaga ko‘ra, tomonlar harbiy sohadagi hamkorlikni chuqurlashtiradi. Shartnomasi loyihasi 32 ta moddadan iborat. ➡️ Xpress.uz

Uy-joy sotib olish uchun subsidiya to‘lash tartibiga ayrim o‘zgarishlar kiritilmoqda ✅ Toshkent shahrida propiskada turadigan fuqarolar Toshkent viloyatidan uy olishda ham subsidiyaga da’vogarlik qilishi mumkin. Buning aksi uchun taqiq saqlanib qoladi. ✅ Fuqarolar endi faqat o‘zlari doimiy ro‘yxatdan o‘tgan tuman/shahar emas, balki shu viloyat (Qoraqalpog'iston respublikasi)ning boshqa tuman/shahrida qurilayotgan uylarni sotib olish uchun ham davlatdan subsidiya olishi mumkin. ➡️ Xpress.uz

O‘zbekiston va Burkina Fasoning pasportlari “teng kuchga ega” ekani ma’lum bo‘ldi ▪️Har ikkala mamlakat fuqarolari ham 59ta davlatga vizasiz kira oladi va ular Henley indeksida 88-o‘rinni bo‘lishib turibdi. 🇺🇿🇹🇲Reytingga ko‘ra, sobiq ittifoqning 15ta davlati orasida faqat Turkmaniston fuqarolari O‘zbekistondan ko‘ra kamroq davlatga (53ta) vizasiz bora oladi. Qolgan barcha 13ta mamlakatning pasporti O‘zbekistonnikidan “kuchliroq”. Masalan, Estoniya va Latviya pasportiga ega shaxslar viza olmasdan 181 ta davlatga kirib boraverishlari mumkin. Gruziya pasporti esa o‘z egasiga 116 ta mamlakat eshiklarini ochib beradi. 🇯🇵 Reytingni hamon Yaponiya boshqaryapti. Yaponlar 193ta mamlakatga (BMT a’zolari ham shuncha) oldindan viza olmasdan bora oladi. Singapur va Janubiy Koreya pasportlari 192ta, Germaniya va Ispaniya pasportlari 190ta davlatga vizasiz kirish huquqini beradi. ➡️ Xpress.uz

👍👎 Konstitutsiyani o‘zgartirish bo‘yicha referendum blankasida barcha takliflar uchun yagona umumiy “ha / yo‘q” kataklari bo‘ladimi yoki moddama-modda ovoz berish tashkil etiladimi – hozircha aniq emas. 🗣 “Hozir shu bo‘yicha bosh qotiryapmiz. Buni deputatlarimiz, xalqimiz bilan yana maslahatlashamiz”, dedi Konstitutsiyaviy komissiya a’zosi Jahongir Shirinov. ❓Referendum to‘g‘risidagi qonunda bu masalaga aniqlik kiritilmagan. Referendumdagi masala qabul qilingan deb hisoblash uchun unda qatnashgan fuqarolarning yarmidan ko‘pi yoqlab ovoz bergan bo‘lishi kifoya. ➡️ Xpress.uz

Sirdaryoning Oqoltin tumani hokimi o‘rinbosari 400 dollar bilan ushlandi ▪️U o‘z xizmat xonasida mahalliy MChJ ish yurituvchisidan 400 dollar olgan paytda ushlangan. DXX xabariga ko‘ra, hokim o‘rinbosari bu MChJni birja orqali un sotib olishiga to‘sqinlik qilish, imtiyozlar bermaslik va qora ro‘yxatga kiritish bilan qo‘rqitib, agar 500 dollar bersa, kelgusida MChJga rahnamolik qilishini bildirgan va shu maqsadda muqaddam 1 mln so‘m olgan. ➡️ Xpress.uz

Qoraqalpog‘iston voqealari qurbonlari soni 20dan oshdi ▪️Kasalxonaga yotqizilgan, ahvoli o‘ta og‘ir fuqarolardan yana 3 nafari vafot etdi, deya ma’lum qildi Bosh prokuratura. Avvalroq 18 kishi halok bo‘lgani, ulardan 4 nafar – harbiy xizmatchilar ekani aytilgandi. ➡️ Xpress.uz

Aksilmonopol qo‘mita gaz narxini oshirgan “gaz-zapravka”larga chora ko‘rish bilan tahdid qildi. Iqtisodchi qo‘mitaning kuchi “faqat shularga yetishi”ni aytdi ▪️ 15-iyuldan yuridik shaxslar uchun elektr va gaz tariflari oshishi belgilangan edi. AGTKSlar uchun gaz narxi 15 foizga oshishi kerak edi. 15-iyul kirib kelishiga 26 daqiqa qolganida narx oshmasligi e’lon qilindi. Narx oshishini kutgan ayrim shoxobchalar esa 15-iyuldan sotuv narxini ko‘tardi. Ertasiga Monopoliyaga qarshi kurashish qo‘mitasi narxni “sun’iy ravishda oshirgan” AGTKSlarga chora ko‘rishini aytib tahdid qildi. 🗯 Iqtisodchi Otabek Bakirov gaz shoxobchalari bozorida monopoliya yo‘qligi, ular bozor sharoitida ishlashini eslatdi. Uning fikricha, “qo‘mitaning kuchi faqat shularga yetadi”; aksilmonopol organ “barcha zanjirlarda mutlaqo monopollashtirilgan” dizel yoqilg‘isi narxi osmonga chiqib ketayotganiga qarshi “lom-mim demaydi, deya olmaydi”. ➡️ Xpress.uz

Zelenskiy Ukraina bosh prokurori va xavfsizlik xizmati boshlig‘ini lavozimidan chetlatdi 🇺🇦 Ukraina prezidentining aytishicha, ular lavozim majburiyatlarini lozim darajada bajarolmayapti. Huquq-tartibot organlari xodimlariga nisbatan davlatga xiyonat va dushman bilan hamkorlik qilish moddalari bo‘yicha ochilgan jinoyat ishlari soni 651 taga yetgan. 💬 “Milliy xavfsizlikka qarshi jinoyatlarning bu darajada ko‘pligi, Ukraina tuzilmalari xodimlari va Rossiya maxsus xizmatlari o‘rtasida qayd etilgan aloqalar tegishli rahbarlarga nisbatan juda jiddiy savollarni uyg‘otmoqda. Bu savollarning har biriga javob topiladi”, – dedi Zelenskiy. ⚠️ Uning qo‘shimcha qilishicha, prokuratura va UXXning 60 dan ortiq xodimi bosib olingan hududlarda qolib, Ukrainaga qarshi ishlamoqda. ☑️ Bosh prokuror Irina Venediktova va UXX rahbari Ivan Bakanov ishdan bo‘shatilmagan, hozircha lavozimidan chetlatilgan. Ishdan bo‘shatish haqidagi qaror xizmat tekshiruvidan keyin qabul qilinishi mumkin. Ma’lumot uchun, Bakanov – Zelenskiyning bolalikdan do‘sti, Venediktova esa bir necha yillik safdoshi. 🗣 Aprel oyida Zelenskiy “UXX xodimlari orasidagi xoinlar” haqida gapirgandi. O‘shanda u idoradagi bir qancha rahbarlarni, xususan generallarni unvonlaridan mahrum qilgandi. “Hozir hamma xoinlar bilan shug‘ullanishga vaqtim yo‘q. Lekin asta-sekin ular o‘z jazolarini oladi”, degandi o‘shanda ukrainlar yetakchisi. ➡️ Xpress.uz

UzAuto Motors Tracker-2023 modelini seriyali ishlab chiqarishni boshladi. Uning narxi Xitoydagidan qimmatroq bo‘ladi ▪️Bunga sabab – Asakada chiqadigan krossover 132 ot kuchiga ega bo‘ladi. Xitoyda ishlab chiqariladigan shu turdagi model esa 125 ot kuchiga ega dvigatel bilan jihozlangan. Tracker-2023 narxi hali ma’lum emas. Sotuv 30-avgustdan boshlanishi aytilyapti. Yiliga 80 mingta krossover ishlab chiqarilishi mo‘ljallangan. ➡️ Xpress.uz

Surishtiruv: Putin urush boshlab, o‘z harbiylaridan 4760 nafarining o‘limiga sabab bo‘ldi 🔍 “Mediazona” va BBC rus xizmati volontyorlar bilan birgalikda ochiq ma’lumotlar asosida o‘tkazgan o‘rganishlarga ko‘ra, 24-fevraldan 15-iyulgacha Ukrainada kamida 4760 nafar rus harbiysi halok bo‘lgan. 🇷🇺 RF Mudofaa vazirligi so‘nggi bor mart oyi oxirida 1351 qurbon berganini bildirgandi. 🇺🇦 Ayni paytda Ukraina armiyasining yo‘qotishlari Rossiyanikidan karrasiga ko‘pligi aytilmoqda. Ukraina bergan qurbonlar sanog‘ida tinch aholi va yuzlab bolalar ham bor. ➡️ Xpress.uz