audience statistics Юрист Хизмати | Расмий канал

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

2018 йилда сотилган уйдан солиқ тўлайманми? @Yurist_Xizmati 4502-савол: 2015-йили бир одамнинг номига Андижон шахрининг иккита жойидан Уй олинади, Уша уйлар 2018- сентябрь ойида сотиб юборилди. 2024-апрель ойида Уша одамнинг номига даромад солиги келди. Шу келган даромад солиги тугрими, шу нарсани батафсил тушинтириб беринг.Шу хакида бирорта Карор борми? ЮРИСТ ЖАВОБИ: Маълумки 2019-йилнинг 30-декабрида янги таҳрирдаги Солиқ кодекси қабул қилинди. Сизнинг ҳолатингизда солиқ қарздорлиги эски таҳрирдаги Солиқ кодекси амалда бўлган. Лекин мулкий даромад бўйича иккала кодексда ҳам бир хил қоида кетган. Янги кодекснинг 375-моддасига кўра солиқ солинадиган мулкий даромадлар қаторига солиқ тўловчига мулк ҳуқуқи асосида тегишли бўлган мол-мулкни реализация қилишдан олинган даромадлар киради. Мол-мулкни реализация қилишдан олинган даромадлар мазкур мол-мулкни реализация қилиш суммасининг ҳужжатлар билан тасдиқланган уни олиш қийматидан ошган қисми сифатида аниқланади. (Бу қоида экси таҳрирдаги кодексининг 176-моддасида келтирилган.). ✅ Шундай экан бу борада қарздорлик бўйича шубҳа йўқ. Солиқ солинадиган даромад уй-жойнинг сотиб олиш ва сотиб юбориш ўртасидаги харажатлардан ташқари бўлган даромаддан ҳисобланади. ➡️ Энди ушбу солиқни ундириш масаласига келсак. Бу борада тўлиқ янги таҳрирдаги Солиқ кодексига юзланишимиз мумкин. Кодекснинг 88-моддасига биноан солиқ органи ёки бошқа ваколатли орган солиқ текширувини ўтказишга, текширув натижалари бўйича солиқ тўловчига солиқ қарзини узиш тўғрисида талабнома юборишга ёки солиқ тўғрисидаги қонунчиликка мувофиқ тўланиши лозим бўлган солиқлар миқдорини қайта кўриб чиқишга ҳақли бўлган муддат солиқ мажбурияти бўйича даъво қилиш муддати ҳисобланади. Агар ушбу Кодексда бошқача қоида белгиланмаган бўлса, солиқ мажбурияти бўйича даъво қилиш муддати, натижаларига кўра солиқ мажбурияти аниқланадиган солиқ даври тугаганидан кейин уч йилни ташкил этади. Агар солиқ мажбуриятининг юзага келиши муайян воқеа ёки ҳаракат билан боғлиқ бўлса, агар ушбу Кодексда бошқача қоида белгиланмаган бўлса, солиқ мажбурияти бўйича даъво қилиш муддати шу воқеа ёки ҳаракат содир бўлган пайтдан эътиборан уч йилни ташкил этади. ❗️Агар сизларнинг ҳолатингиз бўйича уйлар нотариал тасдиқланган олди-сотди шартномаси бўйича 2018-йил сотилган бўлса, у ҳолда солиқни ундириш бўйича даъво муддати ўтиб кетган ҳисобланади. Шундай экан бу қарздорлик ундирувга қаратилмаслиги керак. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

#Ана_холос Охиригача ўқинг: Машина олдим деб хурсанд бўлган экан, аслида... 500 $ га 2 ой вариантга Тико олдим, ўзимни номимга ўтказиш шарти билан Идорага бордик, тўлови 5 млн экан, акалар, мен адашяпманми ёки улар нима дейсизлар? 500$ га машина олдим, номимга ўтказиш 400$ бўлди. Маҳаллага миниб келсам, махалладагилар қуллуқ бўлсинга битта чойхонага туширишди. Вариантга олган машинамга чойхона қилдик, дастурхони билан 100 $ кетди. Ҳаммасини ҳазм қилдим, лекин янги ойда болалар пули чиқмагани алам қилди, сабаби номимда машина бормиш... Машина олмоқчи бўлган танишларга юборамиз!

#Биласизми ❗️25 йиллик иш стажига эга ўқитувчиларнинг тоифаси сақланади Маълумки, Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисидаги низом 4-бандига кўра мажбурий аттестация 5 йилда ўтказилади. Ушбу низом кучга киргандан сўнг бир қатор педагог ходимлар аттестатсияга жалб этилмаган ҳолда тоифаси сақланишига оид қатор имтиёзлар белгиланган. Хусусан, низом 6-бандига асосан: • педагогик фаолият бўйича 25 йил ва ундан кўп иш стажига эга бўлган педагог ходимлар; • ёшга доир пенсияга чиқиши учун 5 йилдан кўп бўлмаган вақт қолган педагог ходимлар навбатдаги мажбурий аттестацияга жалб этилмайди. Бунда 8-банди Вазирлар Маҳкамасининг 2023 йил 29 декабрьдаги 692-сонли қарорига асосан «е» кичик банд билан тўлдирилган, унга кўра педагогик фаолият бўйича 25 йил ва ундан кўп иш стажига эга бўлган ҳамда ёшга доир пенсияга чиқиши учун 5 йилдан кўп бўлмаган вақт қолган педагог кадрларга — уларнинг амалдаги малака тоифаси (лавозими) берилади. Шунга кўра 25 йил ёки ундан кўп иш стажига эга педагогларнинг ҳамда пенсия ёшига чиқишига 5 йил ва ундан кам вақт қолганда педагогларнинг тоифаси сақланади. Уларга берилган сертификатнинг амал қилиш муддати тугайдиган вақтда низомнинг 32-бандига мувофиқ педагоглар ҳар йили 1 январьдан 31 декабрга қадар тўғридан-тўғри аттестациядан ўтказилмасдан малака тоифаси (лавозим) сертификатини олиш учун бевосита давлат хизматлари марказлари орқали ёки Ягона интерактив давлат хизматлари портали ёхуд ваколатли вазирликларнинг расмий веб-сайтида рўйхатдан ўтган ҳолда мурожаат қилишлари лозим. Бунда педагогларга тўғридан-тўғри аттестациядан ўтказилмасдан малака тоифаси (лавозим) сертификатини олиш бўйича сўровномаси 20 кун муддатда кўриб чиқилади ва ижобий қарор қабул қилинганда уларга ҚР-код қўйилган электрон шаклдаги сертификат берилади. Батафсил: Yuristpro.uz 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш Каналимизга уланинг                 👇👇 👉 @Yurist_Xizmati‌‌

ЎИБДЎ ҳар ой ўқитувчилардан ойлик ҳисоботларни сўраши мумкинми? @Yurist_Xizmati 4501-савол: Assolomu aleykum savolim bor edi. Man maktabda o‘qituvchi bo‘lib ishlayman savolim shuki maktabda maktab rahbariyatiga yani zauchga har oyda o‘qituvchilar ped yuklama bo‘icha qanday hujjat topshirishlari kerak. Maktab zauchi maktabda har oyda o‘qituvchilardan ped yuklama bo‘icha hujjat talab qiladi. O‘qituvchilar qonun bo‘icha maktab zauchiga har oyda ped yuklama bo‘icha hujjat topshirishlari kerakmi. Zauch ped yuklama bo‘icha o‘qituvchilardan hujjat talab qilishi qonunan to‘grimi ЮРИСТ ЖАВОБИ: Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларининг ўқув ишлари бўйича директор ўринбосарининг лавозим мажбуриятлари қаторида қуйидагилар: 👉 педагогик ходимга белгиланган иш юкламасини, жумладан, ўқув жараёни, ўқув жараёнининг методик таъминоти ва ташкилий-педагогик жараёнларга оид ишларни ўз вақтида бажарилишини назорат қилиш ва таъминлаш; 👉 ўқитувчилар фаолиятининг йиллик, чораклик ва ойлик режаларини тасдиқлаш ва бажарилишини назорат қилиш, ўқитувчилар фаолиятининг тасдиқланган режаларига мос равишда иш вақти ҳисобини олиб бориш белгиланган. ❗️Мана шу қоидага кўра сизлардаги ҳолатда ЎИБДЎ сизларда ойлик ҳисоботларни сўраши ҳуқуқий асосга эга. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

⚡️Энди электр энергияни тежаб ишлатмасак бўлмайди Юқоридаги жадвалдан ишлатадиган электр энергиянгиз сарфини тахминий ҳисоблаб кўринг 👉 @Yurist_Xizmati

❗️Ходимнинг аризасини мажбуран олиб, уни ишдан бўшатиш ноқонуний @Yurist_Xizmati 4500-савол: Assalomu alaykum. Men 2018- yildan buyon maktabda MMIBDO‘ bosari lavozimida ish olib boraman. Prezidentimiz Shavkat Miromovich tashabbusi bilan davomatni yo‘lga qo‘yish asosida Milliy givardiya xodimlari bilan birgalikda "Xavfsiz maktab" konsepsiyasini keng joriy etish,"Oila - mahalla-maktab" uzviy tizimi asosida voyaga etmaganlar bilan manzilli ishlashni yo‘lga qo‘yish  maqsadida 2024 yil 26 fevralda Maktabgacha va maktab ta‘limi vazirligi hamda Milliy givardiya o‘rtasida 4-k/k va 5-k/k sonli qo‘shma qarori imzolangan. Bu qarorga asosan 1336 ta o‘quvchidan 6 ta o‘quvchi darsga kelmagan. 4-sababli va 2-sababsiz ma‘lumot berganligim uchun M va MTB mudiri va maktab direktori bilan birgalikda majburlab ishdan bo‘shash haqida ariza yozdirib oldi. Ammo arizamni yarim soatda qaytarib oldim. Lekin M va MTB mudiri seni arizang telifonimda rasmi bor deb ta‘kidlayabdi. Menga shu masalada yordam berishingizni so‘rayan. ЮРИСТ ЖАВОБИ: 🙅‍♂ Ходимнинг аризасини мажбуран олиб, уни ишдан бўшатиш ноқонуний. Меҳнат кодексининг 160-моддасига асосан ходим номуайян муддатга тузилган меҳнат шартномасини, шунингдек муддати тугагунига қадар муддатли меҳнат шартномасини ўн тўрт календарь кун олдин бу ҳақда иш берувчини ёзма шаклда огоҳлантирган ҳолда бекор қилишга ҳақли. Бунда ходим ўзи берган аризани чақириб олишга ҳақлидир. ❗️Ходим аризани ўз ташаббуси билан (ўз хоҳиши билан) ёзади. Агар иш берувчи аризани бошқа ҳар қандай усулда олса, унда ходимда ишга тикланиш ҳуқуқи пайдо бўлади. Қаранг! Олий суди пленумининг 20.11.2023 йилдаги 26-сон “Судлар томонидан меҳнат шартномасини бекор қилишни тартибга солувчи қонунчиликни қўллаш амалиёти тўғрисида”ги қарори 11-бандига биноан меҳнат шартномасини бекор қилишга фақат ходимнинг ёзма аризаси асос бўлиб, у ҳақиқатдан унинг меҳнат муносабатларини бекор қилиш тўғрисидаги хоҳиш-истагини намоён этиши лозим. Бунда қарор 20-бандига кўра қонунда белгиланган ёки ходим ва иш берувчи келишувига кўра қисқартирилган огоҳлантириш муддати давомида ходим меҳнат шартномаси бекор қилинганлиги ҳақида буйруқ чиқарилган бўлишидан қатъий назар аризасини қайтариб олишга ҳақли. ✅ Шундай экан сизда аризани қайтариб олиш ҳуқуқи мавжуд. ❗️Ишдан бўшатиш ҳақида буйруқ чиқаришда эса иш берувчи телефондаги расмни эмас, аксинча аризанинг асл нусхасини олиши керак. Меҳнат шартномасини бекор қилишга ходим шу ташкилотдаги ишни ҳақиқатда ташлаб кетиш истагини билдирган ёзма аризасига биноан йўл қўйилади (Қарор 21-банди). Бунда судларнинг эътибори, ходимни ариза ёзишга нафақат мажбурлаш, босим ёки тазйиқ ўтказиш, балки ходимда меҳнат муносабатларини тугатиш истаги бўлмай туриб, иш берувчи томонидан уни ариза ёзишга фаол равишда ундаш ҳаракатлари ҳам қистов сифатида баҳоланиши лозимлигига қаратилган. ✅ Шунга кўра сиз бу вазиятда туман адлия бўлимига мурожаат қилишингиз лозим. Шуни ҳам айтиш керакки, мактабларда ўринбосарларини ишдан бўшатиш фақат иш берувчининг ваколатига тегишлидир. Ўзбекистон Республикаси Президентининг 26.05.2023 йилдаги ПФ-79-сон Фармонига кўра умумий ўрта таълим муассасалари директорларига ўз ўринбосарларини ишга қабул қилиш ва ишдан бўшатиш ҳуқуқи берилган. Яъни иш берувчи директор ҳисобланади. ❌ Шундай экан сизни ММТБ мудири ишдан бўшатиши яна бир асосга кўра ноқонунийдир. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Интернет ишламай қолгани учун қайта аттестациядан ўтиш мумкинми? @Yurist_Xizmati 4499-савол: Ассалаумалейкум, мен Қорақалпоғистон Республикаси Қунғирот туманига қарашли 54 мактабнинг қозоқ синфининг бошлангич синф укитувчисиман  19-апрель куни соат10:30да атестация тест синовига катинашдим Синов пайтида интернет алокаси учиб колди, 37дакикани курсатиб компьютерим котиб колди Интернет тикланган пайтида озгина дакика колди деган куркув булиб, саволларни чала укиб, нотугри белгиладим Бир тарафдан аудиторияда интернет ишламай колган пайтида дакикалари хисобланиб кетган укитувчилар шовкин чикаришди, тестни тугри мулохоза килишимга шовкин хам халкит юерди Тестлар козок тилига нотугри таржима килинган, купчилик тест мактабимизга хали етиб келмаган янги китоблардан олинган 19-апрель кунги топширилган тест синови буйича аппеляция ёзиб кетдим, лекин бу курилади ми йук ми ишончим комил эмас Бу холатда яна каерга мурожат килишим мумкин? Айнан 19-апрель куни 10:30да топширган узтозларнинг ахволларига юрагим ачиди Бу холатда тестни кайта топширишга хакким борми? ЮРИСТ ЖАВОБИ: ❗️Бу ҳолатда зудлик билан аттестация натижаси устидан апелляция беришингиз лозим. Вазирлар Маҳкамасининг 2021 йил 17 сентябрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом 55-бандига кўра аттестация натижаларидан норози бўлган педагог кадрлар натижалар эълон қилинган кундан бошлаб ўн кун мобайнида апелляция комиссиясига ёзма равишда ариза (шикоят) беришлари мумкин. Бунда ариза (шикоят) рўйхатга олинган кундан бошлаб ўн кун муддатда кўриб чиқилади. Низомнинг 59-бандига кўра апелляция комиссияси педагог кадрнинг аттестация жараёнларига оид мурожаатини кўриб чиқиб, қуйидаги қарорлардан бирини қабул қилади: 👉 педагог кадрнинг тўғри баҳоланганлиги, ўқув фани бўйича тест ва малака синови материалларида хато ва камчиликлар, шунингдек, синовларни ўтказиш жараёнида ташкилий-техник жиҳатдан камчиликлар аниқланмаган тақдирда, аттестация натижаларини ўзгартиришсиз қолдириш; 👉 педагог кадрнинг педагогик маҳорати ва психологик тайёргарлиги нотўғри баҳоланганлиги, ўқув фани бўйича тест ёки малака синови материалларида хато ва камчиликлар мавжудлиги аниқланган тақдирда, аттестация натижаларини ўзгартириш; 👉 ўқув фани бўйича тест ёки малака синовларини ўтказиш жараёнида ташкилий-техник жиҳатдан камчиликлар мавжудлиги аниқланган тақдирда, тест синовларининг қайтадан топширилишини ташкил этиш. ✅ Шунга кўра сиздаги ҳолатда техникум муаммолар аниқлаган тақдирда сизлар қайтадан аттестация синовларидан ўтишингиз мумкин бўлади. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Телеграм бот орқали фирибгарларга пулимни олдириб қўйдим, энди нима қилсам бўлади? @Yurist_Xizmati 4498-савол: Ассалому алайкум телеграм бот орқали кибер товламачига пулимни олдириб қўйдим бирор ёрдам бера оласизми? ЮРИСТ ЖАВОБИ: ❗️Ҳурматли фуқаро бу вазиятда зудлик билан туман прокуратурасига ариза беришингиз лозим. Бунда ўша шахсларга нисбатан Жиноят кодексининг 168-моддаси билан жиноят иши очилади. ❕Лекин бир нарсани эътиборга олиш керак. Прокуратура ёки бошқа органлар ўша шахсларни аниқлай олсагина жавобгарлик чораси қўлланилади. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

⚡️1 июлдан йўл бўйидаги мактаблар олдида махсус радарлар ўрнатилади Шунингдек, фото ва видео қайд этиш қурилмалари: ▪️камида тўрт тасмали йўллардаги пиёдалар ўтиш жойларида, ▪️кўп авария бўладиган жойларда, ▪️темир йўл кесишмаларида босқичма-босқич ўрнатилади.

Дарёдан шағал қазиб олиш тақиқландими? @Yurist_Xizmati 4497-савол: Assalom alaykum men yuk mashinasida ishtixon tumanidagi daryodan shaģal tosh yuklab chiqayotganimda meni pastdarģom ekologiya hodimlari ushlab jarima qulashi haqida ogohlantirishdi pastdarģom ekologiya hodimlari ishtixon tuman hudidda shtraf yozish huquqi bormi. ЮРИСТ ЖАВОБИ: Маъмурий жавобгарлик тўғрисидаги кодекс 197-6-моддасига асосан экология ва атроф-муҳитни муҳофаза қилиш органлари давлат инспекторининг қонуний фаолиятига тўсқинлик қилганлик, шу жумладан унинг текшириш ўтказишига тўсқинликларни юзага келтирганлик, хўжалик юритувчи субектларнинг ҳудудлари ва иншоотларини кўздан кечириш учун уларга киритишни рад этганлик, шунингдек экология ва атроф-муҳитни муҳофаза қилиш тўғрисидаги қонунчиликнинг бузилишларини бартараф этишга доир кўрсатмаларини бажармаслик, ➖ фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса — 3 бараваридан 5 бараваригача миқдорда жарима солишга сабаб бўлади. ☝️Мана шу қоидага кўра экология органи ходимининг ҳаракатлари ҳуқуқий асосга эга. 💁‍♂ Шуни ҳам айтиш керакки, Ўзбекистон Республикаси Президентининг 17.01.2024 йилдаги ПФ-14-сон “Сув ҳавзаларида норуда материалларни қазиб олишни тартибга солиш чора-тадбирлари тўғрисида”ги фармонига асосан 2024-йил 1-майдан бошлаб Чирчиқ, Сирдарё, Сангзор, Зарафшон, Норин, Қашқадарё ва Сурхондарё дарёлари ўзанларидаги норуда материалларни қазиб олишга муддатсиз мораторий жорий қилинди. ❌ Шунга кўра 1-майдан бошлаб дарёлардан қум-шағал қазиб олиш тақиқланади. ❗️Бунда мораторий даврида дарё ўзанлари, соҳил бўйи минтақалари ва сувни муҳофаза қилиш зоналаридан қум-шағал материалларини ноқонуний қазиб олиш натижасида табиатга етказилган зарар учун ундириш суммалари 10 бараварга оширилган ҳолда қўлланилади 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Сайёҳлик агентлиги очмоқчиман, мактаб ўқувчиларини экскурсияга олиб юриш тартиби қандай? @Yurist_Xizmati 4496-савол: Ассалому алейкум! Мен сайёхлик агентлиги очмокчиман. Фаолиятимиз мактаб укувчиларни маданий хордик жойларга олиб бориш( театирга, вилоятларга, заводларга). Биз купинча автобусда мактаб укувчиларни олиб юрамиз. Мактаб укувчиларни олиб юриш тартиб ва конунлари кандай(халк таълимига ёзиш, гаи ходимларидан рухсат, автобус техник курик)? ЮРИСТ ЖАВОБИ: Вазирлар Маҳкамасининг 2003-йил 4-ноябрдаги 482-сон қарорига 1-иловада тасдиқланган Автомобил транспортида йўловчилар ва багажни ташиш Қоидалари 93-бандига кўра болаларни ташишни ташкил этишга буюртманомалар ташувчилар томонидан гуруҳларни ўқитувчиларнинг ёки махсус белгиланган катта ёшдаги кишиларнинг (битта катта ёшдаги кишига 15 боладан кўп бўлмаган) кузатиб бориши шартлари бажарилганда қабул қилинади. ❗️Бунда мактаб ёшидаги болалар гуруҳларини ташишда уларга ҳамроҳлик қилиш учун тиббиёт ходимлари ажратилади. Демак, сиздаги вазиятда ҳам болаларни ташишда мазкур тартибда риоя қилиш лозим. Энди қаранг! Юқоридаги қарорга 2-иловада тасдиқланган Ўзбекистон Республикасида автобусларда йўловчилар ташиш хавфсизлигини таъминлашга доир Талаблари 40-бандига кўра таълим муассасаси маъмурияти (ташкилотчи) ташувчи билан шартнома тузилганидан кейин жўнаб кетиш санасигача уч иш кунидан кечикмай ҳаракатланиш санаси ва қатнов йўлини, шунингдек, барча йўловчилар рўйхатини, автобуслар тўғрисидаги (мансублилиги, маркаси, давлат рўйхатдан ўтказиш рақами белгиси) тўғрисидаги маълумотларни кўрсатган ҳолда ҳамроҳликни ташкил этиш учун буюртманомани Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизматига киритади. ☝️Мана шу қоидага кўра сиз билан шартнома тузгандан кейин мактаб раҳбарияти юқоридаги ҳаракатни амалга ошириши керак бўлади. Бунда Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати томонидан бориладиган қатнов йўлида об-ҳаво ёки йўл шароитларининг номувофиқлиги, шу жумладан, бориш пунктига ҳаракатланишда чекланишлар мавжудлиги, шунингдек, транспорт воситалари ва ҳайдовчилар малакасининг йўл ҳаракати хавфсизлиги талабларига номувофиқлиги ҳолатларида ҳамроҳлик қилиш рад этилиши ҳақида қарор қабул қилиниши мумкин. ✅ ДЙХХ ижобий хулоса берган тақдирда алоҳида кузатувчи ажратади. Шундан сўнг болаларни экскурсияга олиб бориш мумкин бўлади. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Бугунги хабар бўйича тушунтириш берилди Ички ишлар вазири ўринбосари Бекмурод Абдуллаевнинг маълум қилишича, 48 соат ҳақидаги талаб фото ёки видеокамералар ўрнатган субйектларга тааллуқли. Яъни камералар орқали қайд этилган қоидабузарликлар 48 соат ичида жарима ҳақида қарор чиқарадиган ваколатли органга, яъни ЙПХ марказига юборилиши керак. Агар тасвирлар ЙПХга 48 соатдан кечикиб келса, ўша ҳолат бўйича иш очилмайди. ❓Хўш, унда ҳайдовчига қанчада етиб келиши керак? ЙПХ маркази маълумот келиб тушгандан кейин 15 кундан кечиктирмай жарима солиш ҳақида қарор чиқариши керак. Ундан кечикса, ўша қарор қонуний ҳисобланмайди. Хулоса: 2 кун (48 соат) — фото ёки видеокамералардан ЙПХ марказига келиб тушиш муддати; 15 кун — ваколатли органнинг қарор қабул қилиш муддати. Жами 17 кун. ✅ Демак, маъмурий жавобгарликка тортиш ҳақидаги қарор қоидабузарлик содир этилгандан сўнг 17 кундан кечикиб чиқарилса, ҳайдовчиларга жарима солинмайди.

Ўриндош ва соатбай ўқитувчиларга ҳам сертификат учун устама тўланадими? @Yurist_Xizmati 4495-савол: Sertifikat uchun soatbay ya'ni oʻrindosh oʻqituvchilar uchun ham toʻlanishi haqidagi qaror kerak iltimos? ЮРИСТ ЖАВОБИ: Ўзбекистон Республикаси Президентининг 11.05.2022 йилдаги ПФ-134-сон Фармони 9-бандига кўра халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида ҳар ойлик қўшимча устама тўланиши белгиланган. Ушбу фармон ижросини таъминлаш мақсадида Мактабгача ва мактаб таълими вазирлиги ҳамда Иқтисодиёт ва молия вазирлигининг 2023 йил 28 июлда 25-сонли қўшма қарор ишлаб чиқилган ва бу қарор 1-августдан кучга кирди. Унга кўра С1 сертификат учун устама фақат фан ўқитувчиларига ўзлари дарс берадиган фан соатларидан келиб чиқиб тўланиши белгиланган. ✅ Ушбу қарорда устамалар ўриндошлик асосида ишлайдиганларга ҳамда соатбай дарс берадиган ўқитувчиларга ҳам тўланиши белгиланган. ❗️Шунга кўра сиздаги вазиятда соатбай асосдаги дарсларга ҳам устама тўланиши лозим деб ҳисоблаймиз. Бу вазиятда туман адлия бўлимига мурожаат қилиш лозим. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

❗️Фото ва видео-радар маълумотлари 48 соат ичида юборилмаган бўлса, ҳайдовчи жаримага тортилмайди Янги қонун лойиҳасида махсус автоматлаштирилган фото ва видео воситалари орқали қайд этилган йўл ҳаракати қоидалари бузилишига оид маълумотлар жарима солиш тўғрисида қарор чиқаришга ваколатли бўлган мансабдор шахсга 48 соат ичида юборилмаган бўлса ишни кўриб чиқишни тугатиш белгиланмоқда. Мажлисда қонун лойиҳаси депутатлар томонидан биринчи ўқишда қабул қилинди.

⚡️2024 йил 1 майдан Ёлғиз кексалар ва ногиронлиги бўлган шахсларга ҳар ойда моддий ёрдам юерилади Қонунчиликка мувофиқ, реестрга киритилган ёлғиз кексалар ва ногиронлиги бўлган шахсларга ҳар ойлик уй-жой коммунал хизматлар ҳақини тўлаш бўйича компенсация ҳамда озиқ-овқат маҳсулотлари ва шахсий гигиена товарлари учун ҳар ойда қўшимча пул тўловлари ўрнига ёлғиз кексалар ва ногиронлиги бўлган шахслар учун ҳар ойда минимал истеъмол харажатлари миқдорида моддий ёрдам жорий этилади.

Буйруқдаги санани хато киритгани учун кадрга интизомий жазо қўллаш мумкинми? @Yurist_Xizmati 4494-савол: Assalomu alaykum men sentyabrdan buyon maktabda kadrlar bo'yicha menejer bo'lib ishlayman.Bir xodimga xomiladorlik tug'ruq ta'tiliga ketish haqida buyruq chiqargan edim. Ayrim texnik sabablarga ko'ra buyruqqa xodimning ta'tilga chiqish kuni xato ketib qolibdi lekin buyruqni qolgan qismlari to'g'ri. Yuridik markaz xodimlari shuni muvofiqlashtirib qaytadan yuborsangiz bo'ladi Qaytsadan yuborsam Yuridik Markaz xodimi buyruq chiqargan xodimga nisbatan intizomiy jazo qo'llash buyruq chiqaring debdi  Shu to'g'rimi? ЮРИСТ ЖАВОБИ: ❗️Интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади. Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган. Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларига асосан Кадрлар бўйича инспектор (менежер)нинг асосий мажбурияти меҳнатга оид қонун ҳужжатларига мувофиқ ходимларнинг шахсий таркиби бўйича буйруқларни (ишга қабул қилиш, бошқа ишга ўтказиш, меҳнат шартномасини бекор қилиш, меҳнат таътили бериш ва ҳ.к.) расмийлаштириш ва уларнинг белгиланган тартибда сақланишини таъминлаш этиб белгиланган. ✅ Шунга кўра сизга бу мажбуриятни тўғри бажармаганингиз учун интизомий таъсир чораси қўллаш мумкин. Бунда Меҳнат кодексининг 312-моддасига мувофиқ меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли: 1) ҳайфсан; 2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин. 3) меҳнат шартномасини бекор қилиш. Ушбу қоиданинг мазмунига кўра ходим меҳнат интизомини бузганда унга юқоридаги таъсир чораларидан бири қўлланилади. Бунда ходим содир этган қилмиш учун фақат битта интизомий таъсир чораси қўллаши мумкин. Ходимга интизомий таъсир чораси қўллаш тартиби МК 313-моддасида белгилган. Ушбу нормага мувофиқ иш берувчи ходимдан интизомий жазо чораси қўлланилгунига қадар ёзма тушунтиришни талаб қилиши, шу жумладан, агар интизомий қилмиш хизмат текшируви натижаларига кўра аниқланган бўлса, талаб қилиши шарт. Ходимнинг ёзма тушунтириш тақдим этишни рад этганлиги интизомий жазо чораси қўлланилиши учун монелик қилмайди ва ҳозир бўлган гувоҳлар кўрсатилган ҳолда далолатнома билан расмийлаштирилади. Шунга кўра сиздаги ҳолатда тушунтириш хати ёзишдан бош тортиш ҳолати бўлганда иш берувчи далолатнома тузган ҳолда интизомий таъсир чорасини қўллаши мумкин. Шуни ҳам айтиш керакки, интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олинади. 💁‍♂ Шу қоидага кўра иш берувчи сиздаги вазиятни мазкур мезонлар асосида баҳолаши, шундан сўнггина интизомий таъсир чораси қўллаши ёки қўлламаслиги мумкин. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Аттестациядан ўтиш муддатини умра зиёрати сабабли кўчириш мумкинми? @Yurist_Xizmati 4493-савол: Assalomu alaykum, o'qituvchiman. Ona tili va adabiyot fanidan attestatsiya sinovi 23.04dan 26.04gacha bo'lar ekan. Biz 16.04 kuni Umra safariga ketmoqchi edik. Ma'lumki, uzrli sababga ko'ra (sog'ligi tufayli) qatnasholmagan o'qituvchilar, ma'lum muddatdan so'ng sinovdan o'tishadi. Savolim: Umra safari ham uzrli sababga kiradimi. Men ham attestatsiya o'tgach, sinovga qatnasha olamanmi ЮРИСТ ЖАВОБИ: Олдиндан режалаштирилган (аттестация муддати белгиланмасдан олдин фирма билан шартнома тузилган бўлса) ҳамда билетлар аттестация муддати аниқланмасдан олдин олинган бўлса, умра зиёрати узрли сабаб деб топилиши мумкин. Вазирлар Маҳкамасининг 2021 йил 17 сентабрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом 45-бандига кўра педагог кадрлар аттестацияда узрли сабабга (вақтинча меҳнатга қобилиятсизлиги, давлат ёки жамоат вазифаларини бажарганлиги, республика ва халқаро мусобақаларда иштирок этганлиги, вақтинча хорижий мамлакатда сафарда бўлганлиги, яқин қариндошининг вафоти, ваколатли давлат органи ёки таълим ташкилотлари раҳбарларининг маълумотномасида кўрсатилган бошқа асосларга) кўра келмаган бўлса, уларнинг аттестацияси бошқа муддатга кўчирилади. ☝️Эътибор берган бўлсангиз, ушбу сабаблар ичида “вақтинча хорижий мамлакатда сафарда бўлганлиги” сабаби ҳам келтирилган. ✅ Шунга кўра сиздаги вазиятда аттестациядан ўтиш муддатини бошқа санага кўчириш мумкин деб ҳисоблаймиз. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

#Биласизми ❗️2024 йил 1 май кунидан аҳоли учун белгиланган электр энергияси ва табиий газ тарифлари Батафсил инфографикада Каналга уланиш👇👇👇 https://t.me/huquqiyaxborot

Таянч докторантурада академик таътил олиш мумкинми? @Yurist_Xizmati 4492-савол: Assalomu aleykum men 1-kurs tayanch doktoranturada uzoq viloyatda o'qiyman. Sentyabr oyidan, ya'ni birinchi kursni tugatmasdan akademik ta'til olsam bo'ladimi? Shunda bir yil o'tib yana birinchi kursning boshidan o'qiymanmi? ЮРИСТ ЖАВОБИ: ❌ Таянч докторантурада академик таътил олиб бўлмайди. Лекин Вазирлар Маҳкамасининг 2017-йил 22-майдаги 304-сон қарорига 2-Илова Олий таълимдан кейинги таълим тўғрисидаги Низом 32-бандига кўра тегишли ҳужжатлар мавжуд бўлган тақдирда стажор-тадқиқотчилик, таянч докторантура ва докторантурада ўқиш муддати узоқ вақт касал бўлиш, ҳомиладорлик ва туғиш таътилида бўлиш даврига, шунингдек ҳарбий йиғинларга чақирилиш муносабати билан узайтирилиши мумкин. ✅ Шунга кўра сиздаги вазиятда ҳам ушбу ҳолатлардан бири мавжуд ва уни тасдиқлайдиган маълумотлар бўлганда ўқиш муддати узайтирилиши мумкин. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Қўшним уйимга сув ўтказмаяпти, нима қилсам бўлади? @Yurist_Xizmati 4491-савол: Ассалому алайкум бизга 1990 йилда асосан 6 сотхдан ер берилган бизда хозир сув муаммоси булябти биринчи ва иккинчи кушним уртасидан сув утадиган ташлама арикбор еди бу арикча юкори махалла кушниларни уйларини уртасидан утади биринчи Кушним шу арикни беркитиб 2017йилда кадастр хужжат килдирган екан. Бизга хозир сув бермаябди. Шу муаммони ечими топилмаябти улар килган кадастр хужжатини бекор килдириб чана арикчани. Очтиришни иложи борми биз икки кушни сувга кийналаябмиз илтимос ёрдам беринг. Шу муаммо буйича кадастрга хам учраганиз хал булмаган ЮРИСТ ЖАВОБИ: Бу вазиятда аввало, қўшнингиз билан маҳалла фаоллари ўртасида келишишга ҳаракат қилинг, агар бу натижа бермаса, фуқаролик судига сервитут белгилаш бўйича ариза беришингиз мумкин бўлади. Қаранг! Фуқаролик кодексининг 173-моддасида кўчмас мулк (ер участкаси, бошқа кўчмас мулк) эгаси қўшни ер участкасининг эгасидан, зарур ҳолларда эса — бошқа ер участкасининг эгасидан ҳам ўзганинг ер участкасидан чекланган тарзда фойдаланиш (сервитут) ҳуқуқини беришни талаб қилишга ҳақли эканлиги белгиланган. 💁‍♂ Яъни сиздаги вазиятда бўлгани каби қўшнилар бошқа қўшнига тегишли ер участкасидан чекланган миқдорда фойдаланиш ҳуқуқига эга. Бундай фойдаланиш ер участкасидан пиёда ва транспортда ўта олишни таъминлаш, электр узатгич, алоқа ва қувур линияларини ўтказиш ва улардан фойдаланиш, сув билан таъминлаш мақсадида бўлиши мумкин. ✅ Шундай экан, сиздаги вазиятда ҳам қўшнингизнинг еридан ариқ ўтказиш мақсадида фойдаланишингиз мумкин. ☝️Бунда юқорида айтилганидек, мазкур масала аввало тарафларнинг келишуви билан ҳал этилиши мумкин. Сервитутни белгилаш хусусида келиша олинмаса ёки унинг шартларида муросага келинмаса, баҳс сервитут белгилашни талаб қилаётган шахснинг даъвоси бўйича суд томонидан ҳал этилади. Мазкур ҳолатда қўшнингиз ушбу кодекс 173-3-моддасига кўра сиздан ер участкаларидан фойдаланганлик учун мутаносиб ҳақ талаб қилишга ҳақлидир. ✅ Хулоса қиладиган бўлсак, сизлардаги вазиятда низони келишув билан ҳал қилиб бўлмаса, фуқаролик судига қўшнингизнинг ер участкасига нисбатан сервитут белгилаш бўйича ариза беришингиз мумкин. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

#Диққат ❗️«Любой» текширувни қайтариб юбориш учун 1 та лайфхак Тадбиркорларга юбориб қўямиз Каналимизга уланинг                 👇👇 👉 @Yurist_Xizmati‌‌

📷📷📷📷 🌟 Kimyo fanidan Milliy sertifikat kitobimiz nashrdan chiqdi! 👁 Milliy sertifikat sizga nima beradi? 🤩 A va A+ darajadagi sertifikat abituriyentlar uchun yoʻnalishdan kelib chiqqan holda maksimal ball beradi. 🤩 Shu fandan dars beradigan ustozlarning oyliklariga qoʻshimcha tarzda 20% ustama beradi. ❓ Kitobda nimalar mujassam? 🤩 BMBA talablariga mos ravishda kimyoning umumiy kimyo, anorganik kimyo va organik kimyo boʻlimlaridan tuzilgan ochiq va yopiq test topshiriqlarini oʻz ichiga oladi. Kitobdan namuna 📞 Murojaat uchun: 998932477508 998970204222 ✍️ @unfluer1

#Диққат ❗️«Любой» текширувни қайтариб юбориш учун 1 та лайфхак Тадбирклрларга юбориб қўямиз

Ташкилот мурожаатимга жавоб бермаса, қандай чора кўрилади? @Yurist_Xizmati 4490-савол: U yoki bu tashkilotga murojaat qilinda , lekin tashkilot belgilangan muddat (15 yoki 30 kun ) ichida murojaatga rasman javob bermadi, tashkilot qanday javobgarlikka tortiladi? Бундай ҳолатда кимга мурожаат қилиш керак? ЮРИСТ ЖАВОБИ: ✅ Бундай ҳолатда ўша ташкилотнинг юқори турувчи органига ёки прокуратурага мурожаат қилиш лозим. Қаранг! Жисмоний ва юридик шахсларнинг мурожаатлари тўғрисидаги қонун 28-моддасига кўра ариза ёки шикоят масалани мазмунан ҳал этиши шарт бўлган давлат органига, ташкилотга ёки уларнинг мансабдор шахсига келиб тушган кундан эътиборан ўн беш кун ичида, қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда эса, бир ойгача бўлган муддатда кўриб чиқилади. ❗️Шундай экан, мурожаат кўпи билан 30 кун ичида кўриб чиқилиши керак. Қонуннинг 30-моддасида мурожаатлар тўғрисидаги қонунчиликни бузганлик жавобгарликка сабаб бўлиши белгиланган. Бунда Маъмурий жавобгарлик тўғрисидаги кодексининг 43-моддасига асосан жисмоний ва юридик шахсларнинг мурожаатларини кўриб чиқиш муддатларини узрли сабабларсиз бузиш, ёзма ёхуд электрон шаклда жавоб юбормаслик: 👉 мансабдор шахсларга базавий ҳисоблаш миқдорининг бир бараваридан уч бараваригача миқдорда жарима солишга сабаб бўлади. ☝️Мана шу қоидага кўра сиздаги вазиятда ҳам мурожаат қилинган органнинг шу мурожаат билан ишлашга масъул мансабдор шахсига юқоридаги жавобгарлик чораси қўлланилиши мумкин. ✅ Бунинг учун сиз юқорида айтилган органлардан бирига мурожаат қилишингиз лозим. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Йигит қизга қилган ҳаражатини қайтариб олиши мумкинми? @Yurist_Xizmati 4489-савол: Assalomu alaykum singlim unashtirilganiga 3 yil bo'ldi. Yaqinda to'y qilamiz deb zaksdan o'tgan edi. Endi to'y malum sabablar bilan to'xtatilyapti. Ikki tomon kelisholmay qolishdi. Yigit qilgan xarajatlarimni to'laysan deb turib olgan. Yani singlim o'qishga vaqti kartasiga pul tashlab turgan. Bundan tashqari qonuniy zaksdan ham o'tib bo'lishgan. Savolim bu vaziyatda pul qaytarib beriladimi va zaks xatini qanday bekor qilish mumkin endi ajrashgan hisoblanadimi? Iltimos tezroq javob bering juda zarur ЮРИСТ ЖАВОБИ: ❗️Бу вазиятда синглингиз пулни қайтармасликка ҳақли. Негаки ҳуқуқий жиҳатдан ўша йигит пулларни синглингизга ҳадя қилган. Фуқаролик кодексининг 502-моддасидаа ҳадя қилувчи ҳадя олувчига ашёни текинга мулк қилиб бериши ёки бериш мажбуриятини олиши ёхуд уни ўзи ёки учинчи шахс олдидаги мулкий мажбуриятдан озод қилиши ёинки озод қилиш мажбуриятини олиши ҳадя сифатида қайд этилган. Сизлардаги ҳолатда ҳам айнан ҳадянинг конструксияси қўлланилган. Яъни йигит маълум миқдордаги маблағни синглингизга ҳадя қилган. Ундан ташқари улар ўртасида қонуний никоҳ қайд этилгандан бошлаб уларнинг биргаликдаги олган даромадлари Оила кодексининг 23-моддасига асосан уларнинг умумий мулки ҳисобланади. Ушбу кодекс 24-моддасига асосан улар умумий мулкдан фойдаланишда, уларни тассаруф этишда (сарфлашда) тенг ҳуқуқлидир. 🙅‍♂ Юқоридаги қоидаларга кўра синглингиздан унга берилган пуллар қайтарилмайди. Уларнинг ҳар иккиси ҳеч қандай низосиз (бизнингча, улар ўртасида низо мавжуд. Пулларни қайтариш ҳақидаги масала ҳам низо) биргаликда ФҲДЁга ариза берган тақдирда Оила кодексининг 42-моддасига асосан ФҲДЁ улар ўртасидаги никоҳни бекор қилади. 💁‍♂ Соддароқ айтганда улар ЗАГС орқали ажрашишлари мумкин. Лекин бизнингча йигит пулни қайтариш ҳақида талаб билан қатъий туриб олса, ФҲДЁ улар ўртасида низо мавжудлиги сабабли никоҳни бекор қилмайди. Бундай ҳолатда никоҳ суд томонидан бекор қилинади. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Мижозининг сочини унинг хоҳишига зид равишда калга олиб ташлаган сартарош 10 суткага қамалди Жараённи видеога олган фуқарога эса маъмурий жарима жазоси қўлланилган.

Мижозининг сочини унинг хоҳишига зид равишда калга олиб ташлаган сартарош 10 суткага қамалди Жараённи видеога олган фуқарога эса маъмурий жарима жазоси қўлланилган.

Мижозни камситган "крутой" узр сўраб чиқди Асли касби сартарош бўлган шахс вилоятлик болани камситиб, сочини қиртишлаб қўполлик қилгани учун қонунда белгиланган жазога рози экани, мижоз ва унинг яқинларидан узр сўрашини билдирди.

Машинамга газ баллон ўрнатсам тех паспорт учун 2.7 млн тўлов қиламанми? @Yurist_Xizmati 4488-савол: Assalom alaykum  men 2023 yil noyabr oyida Damas mashinasini olib davlat ro'yxatidan o'tkazganman  endi 2024 yil aprel oyida gaz baloni o'rnatildi  qayta tex pasport uchun  2 million 700 ming to'lov qilamanmi? ЮРИСТ ЖАВОБИ: Ўзбекистон Республикаси ички ишлар вазирининг 2011 йил 23 ноябрдаги 174-сонли буйруғига иловада тасдиқланган Рўйхатдан ўтказиш давлат рақами белгиларини ва қатъий ҳисобдаги бланкаларни беришда, автомототранспорт воситалари, уларнинг тиркамалари (ярим тиркамалари)ни рўйхатдан ўтказишда, қайта рўйхатдан ўтказишда, мажбурий техник кўрикдан ўтказишда, шунингдек имтиҳонларни олишда ундириладиган тўловлар Ставкалари 7-1-бандига кўра электромобиллар, мототранспорт воситалари ва автотранспорт воситалари тиркамаларидан бошқа барча автотранспорт воситаларини рўйхатдан ўтказиш ва қайта рўйхатдан ўтказиш учун БҲМнинг 6,84 баравари  яъни 2 325 600 сўм тўлаш лозим. ❗️Шунга кўра сиз автотранспорт воситасига газ баллон ўрнатгандан кейин қайта рўйхатдан ўтказсангиз, унда БҲМ 6,84 баравари  яъни 2 325 600 сўм миқдорда тўлов тўлайсиз. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Истеъмолчи ҳар доим ҳақ! Ижтимоий тармоқларда тарқалган видеода сартарошнинг гаплари мутлақо асоссиз. Мижознинг адашгани сабабли сартарошнинг “Адашсанг айб менда эмас-ку. Нега сен адашасан-у, мен жавоб беришим керак?” қабиладиги гаплари ҳуқуқий мезонларга тўғри келмайди. Ўша йигит сартарашнинг “…кимга айтасан? “Участкавой”га айтасанми? Судга айтасанми? “Мелиса” келадими олдимга?” дегаган гаплари асосида, у айтгандек “Участкавой”га, Судга, “Мелиса”га бориши, шикоят қилиши керак. Аввало, шуни айтиш керакки, мазкур ҳолатда сартарошнинг ўз ҳуқуқбузарлигини тасвирга олиб, уни ижтимоий тармоқларда тарқатгани учун Маъмурий жавобгарлик тўғрисидаги кодекс 46-2-моддасига асосан (шахсга доир маълумотлар тўғрисидаги қонунчиликни бузиш) базавий ҳисоблаш миқдорининг уч бараваридан беш бараваригача миқдорда жарима солишга сабаб бўлиши белгиланган. Иккинчидан, ушбу кодекс 41-моддасига асосан шахснинг шаъни ва қадр-қимматини қасддан камситгани сабабли базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади. Сартарошга мазкур нормалар билан жавобгарлик чорасини қўллаш учун ўша йигит ИИБга ариза бериши етарли. Ҳуқуқбузарликни тасдиқловчи фактни эса сартарошнинг ўзи тақдим этмоқда. Учинчидан, ўша йигит ўзига етказилган зарарни ва маънавий зиённи ундириши мумкин. Фуқаролик кодексининг 985-моддасига мувофиқ ғайриқонуний ҳаракат (ҳаракатсизлик) туфайли фуқаронинг шахсига ёки мол-мулкига етказилган зарар, шунингдек юридик шахсга етказилган зарар, шу жумладан бой берилган фойда зарарни етказган шахс томонидан тўлиқ ҳажмда қопланиши лозим. Шунингдек, Фуқаролик кодексининг 1021-моддасига биноан маънавий зарар уни етказувчининг айби бўлган тақдирда, зарар етказувчи томонидан қопланади. Маънавий зарар деганда жабрланувчига қарши содир этилган ҳуқуқбузарлик ҳаракати (ҳаракатсизлик) оқибатида у бошидан кечирган (ўтказган) маънавий ва жисмоний (камситиш, жисмоний оғриқ, зарар кўриш, ноқулайлик ва бошқа) азоблар тушунилади (Олий Суд Пленумининг 2000-йил 28-апрелдаги 7-сон “Маънавий зарарни қоплаш ҳақидаги қонунларни қўллашнинг айрим масалалари тўғрисида”ги қарори). Бунда маънавий зарарни қоплаш миқдори жабрланувчига етказилган жисмоний ва маънавий азобларнинг хусусиятига, шунингдек айб товон тўлашга асос бўлган ҳолларда зарар етказувчининг айби даражасига қараб суд томонидан аниқланади (ФК 1022-м). Ҳуқуқ фаоллари, ҳуқуқни муҳофаза қилувчи органлар сартарошга шахсларга қонун борлигини, ишлашини ва фуқароларнинг ҳуқуқлари ҳимоя қилинишини кўрсатиб қўйиши керак.