Aybnoma
Behzod Fazliddinga aytib qoʻyinglar,
Bu tun ham uxlamay chiqdi otasi.
Uzun boʻlib ketdi, tilin qiyinglar,
Onasi koʻksida gʻamlar shodasi.
Qishlar kelib boʻldi, u gap tuzguncha,
Bir bor hovlisida qor kurab bersin.
Birovga yoqay deb gullar uzguncha,
Borib onasining dardini tersin.
Keyin gullayversin, koʻkarsin, mayli,
Otaning duosi boshlagay taxtga.
Nega toleyidan yoʻllari ayri,
Onasiz ham borish mumkinmi Baxtga?!
Ishiga ishq qoʻygan qanday farzandki,
Loaqal koʻnglini ochib ketmaydi.
Darvoqe, u kishim shunchalar bandki,
Oʻzidan boshqaga vaqti yetmaydi...
#Behzod Fazliddin
@alamiy_uzMostrar más ...