НАМАНГАН вил. – “Ер берилган, аммо масъул ходим уй қуриш мумкин эмас деб сарсон қилмоқда”
ПОП. “Наманган вилояти Поп тумани Уйғур қишлоғидан ёзяпмиз. Попдан темирйўл ўтгач, қишлоғимиздаги кўп уйлар бузилди. Ниҳоят, 2020 йилга келиб аҳолига уй, томорқа берилди. Ер ўлчовчи ходим кадастр ва қарорга кўп харажат бўлади деб биздан каттагина пул олди. Орада ўлчовлар нотўғри бўлибди деб ўша ходим икки марта қайта ўлчаб, йўлларни тор қилиб, яна беш-олтита одамга участка қилиб сотди.
Энди у сабр қилинглар, кейин қурасизлар, ҳали қарор тайёрмас деб уч йилдан бери сарсон қилмоқда. Яқинда эса ер томорқага берилган, экин экиб юраверинглар, кейинчалик ишлар босди-босди бўлса, уй қурасизлар, деди.
Пулни қайтаринг, акс ҳолда прокурорга борамиз десак, пул берган ҳам, олган ҳам баравар жавобгар бўлади, қамалсам сизлар ҳам қамаласизлар деб қўрқитмоқда. Ҳолатни ўрганиб, адолатли қарор чиқаришларини илтимос қиламиз”.
t.me/sizdantelegram kanaliga obuna bo'ling!
Mostrar más ...