"ҳоп", дейишимиз керак. Намоз ўқима, рўза тутма дейишса ҳам, "ҳоп", дейишимиз керак. Бизда ёшликдан болаларга шундай тарбия берилади. Доимо "ҳоп". "Йўқ", деган сўз китобларимизда йўқ. Шунинг учун ҳам ўз фикримизни айтолмайдиган, ҳар нарсадан ҳижолат бўладиган, бўлар бўлмасга андишаланаверадиган, ҳақни айтишдан кўра индамай ютиб кетадиган бўлиб вояга етамиз. Чунки гўдаклигимиздан "ҳоп"ни кашага аралаштириб, едириб юборишган. "Ҳоп", ичимизга сут билан кирган.
"Катта одам гапирганда "ҳоп", дейилади", деб ўстиришган. Шунинг учун ҳам автомат тарзда ҳоп деймиз.
Ота-она, Аллоҳга қарши нарсаларни фарзандларига ўргатишганда, бола "йўқ", деса гуноҳкор бўлмайди. Ота-она не деса ҳам, итоат қилинавермайди. Ота-она фарзандларини Аллоҳнинг динидан тўссалар, Унга қарши чиқсалар, фарзанд қабул қилмаса, оқ бўлиб қолмайди, ёки гуноҳкор бўлмайди. Энг аввал Аллоҳнинг буйруғи туради!
Бахтиёр онасига қамоқдаги маҳбуснинг ҳаётини айтиб берганда, онаси чўчиб: "Бахтиёр сенам жаа берилиб ўқима намозингни! Дўст бор, душман бор...Жумага чиқсанг етади болам. Худо кўриб турибди-ку...", деди, яна боласининг бошига иш келишидан қўрқиб.
Онасининг ҳавотирли саволларига Бахтиёр ўта босиқлик билан: "Она, биз бу дунёга ўйин-кулгу учун, кайфу-сафо учун келмаганмиз. Ажал доим биз билан бирга. Тўсатдан ўлим келиб қолса, нима қиламиз? Аллоҳнинг ёнига олиб борадиган нимамиз бор? Бир дунё гуноҳимиздан бошқа ҳеч вақойимиз йўқ-ку...Шу беш маҳал намозни ўқиб қўймасак, нима деган одаммиз она...Атийги беш маҳал намоз экан-ку. Ҳеч бўлмаганда шуни қойиллатайлик...!"
Онаси куюниб: "Жон болама, ота-она гапирганда "ҳоп", десанг нима бўладия? Бир жойинг камайиб қоладими? Сенга зарар етмасин деб, фойдангни ўйлаб гапиряпман-ку...".
Бахтиёр уйланса, бола-чақалик бўлса, балким муллалиги камайиб, оиласи билан оввора бўлиб қолармиди? Oта-она шундай фикрда, Бахтиёрга қиз қидиришга тушиб кетдилар.
Бахтиёр онасига Ҳулкарни эслатди.
"Она, агар ўша қиз турмушга чиқмаган бўлса, мен оламан. Совчи бўлиб, ўша қизга боринг! Уни ер билан яксон қилиб, шарманда қилгандим. Гуноҳимни, унга уйланиб, ювмоқчиман..."
Турган гапки Бахтиёрнинг бу таклифи на отага, на онага ёқмади.
"Эй, ўйлаб гапиряпсанми? Ҳаммадан қолган иркитни бошинга урасанми? Ёки қамоқдан чиққанга биров қизини бермайди, деб ўйлаяпсанми? Ҳавотир олма беришади. Отангни гапи, ҳали ерда қолмаган. Манаман, деганлар қизини беради. Кўр бўлмасанг, кар-соқов бўлмасанг...Уяладиган ниманг бор...?", деди отаси жаҳли чиқиб.
Бахтиёрни ниятидан қайтара олмадилар. У ўз фикрида туриб олди. Она-бола, қизнинг маҳалласини топиб, суриштиришганда қиз ҳали турмушга чиқмаганини, қайсидир шифохонада ҳамшира бўлиб ишлаётганини билдилар. Ва уйига, совчи бўлиб бордилар.
Ҳулкарнинг оиласидагилар, кутилмаган меҳмонларни кўриб, мазалари қочиб қолди. Аввалига қувиб солмоқчи бўлдилар. Бахтиёрнинг онаси, совчи бўлиб келганини айтиб, ёлвориб, илтимос қилганидан сўнг, уйга киритишди.
"Биламан, сизларни тушуниб турибман. Сизларга биздан кўра қийин бўлган, биздан кўра оғир. Қиз боланинг шаъни тўкилмасин экан...Ўғлим яқинда қамоқдан чиқди. Уйлантириш ниятида эдик. Лекин "Ҳулкарни оламан, гуноҳимни тозалашим керак" деб, туриб олди. Уйингизга Бахтиёрнинг зўри билан келдим. Ўзи ташқарида ўтирибди. Агар "майли", десангизлар, сизлардан қилган ишлари учун, узр сўрамоқчи...", деди, Бахтиёрнинг онаси бўйин эгиб.
Ҳулкарни отаси, Бахтиёрни ичкарига таклиф қилди. Бахтиёр салом-аликдан сўнг, чин кўнгилдан улардан кечирим сўраб, узр тилади. Ва Ҳулкарга уйланиш ниятида эканини айтди. Бу орада Ҳулкар ҳали ишдан қайтмаган эди. Маслаҳатлашадиган ишни ўзи бўлмаса ҳам, мезбонлар: "Маслаҳатлашиб жавобини айтамиз", дейишди.
Ҳулкарга ўша расво ишлардан кейин, совчи келмаган эди. Келса ҳам, суриштириб айниб кетаверишган эди. Сўнг бора-бора ҳеч ким сўрамай қўйган эди. Оиласи учун, Бахтиёрнинг сўраб келиши кутилмаган иш бўлди. Кўнгиллари равшан тортиб, маҳалла, қариндош-уруғ олдидаги обрўлари қайта тикланишини ўйлаб ва ниҳоят Ҳулкарнинг жойи чиққанига ҳурсанд эдилар. Ҳулкар ишдан қайтгач, онаси унга совчи келганини айтди. Лекин кимлигини айтишни истамади. Қизининг айниб қолишидан қўрқди.
Mostrar más ...