♻️
#عشرة_قواعد للتعامل مع
#حساسية المضادات الحيوية او اى حساسية
#Anaphylaxis
#القاعدة_الأولي:
لايوجد إختبار حساسية معتمد غير اختبار الحساسية للبنسلين .. فقط مركب Benzylpenicillin (Penicillin G) البنسلين المائي وليس طويل المفعول.
#القاعدة_الثانية:
اختبار حساسية البنسلين بيتم عن طريق إعطاء 4 حقن Intradermal
رقم 1 مركب Histamine ودا هو Indicator لل Positive
حقنة رقم 2 Normal saline ودا Indicator لل Negative
حقنة رقم 3 هو مركب Benzylpenicillin (Penicillin G) ودا لمعرفة هل هناك حساسية منه لان احنا بنعمل له اختبار الحساسية
حقنة رقم 4 مركب Benzylpenicilloyl Polylysine Penicillin (Pre-Pen) ودا لان البنسلين Penicillin G ممكن يطلع نتيجة False Negative.
#القاعدة_الثالثة: انسي القاعدة الثانية وريح نفسك والكلام دا مش موجود في مصر ومان البنسلين المائي كثير بيكون ناقص ومش بيتكتب، يبقى اى اختبار انت هتعمله في نسبه عاليه من False Negative.
#القاعدة_الرابعة:
الصيدلية ليست مكان للحقن، واللى انت بتعملة دا غلط وانى اكتب البوست دا برضوا غلط ولكن ممكن تكون سبب فى انقاذ طفل، ولو قررت تعطي حقن في الصيدلية نتيجة ضغوط المجتمع وتسهيل عليهم كما تحاول اقناع نفسك رغم ان المجتمع لن يغفر لك عن اى خطأ ترتكبة، فى الحالة دى تكون مستعد للتعامل مع الحساسية، اللى ممكن تحصل مع اى حقنة انت ممكن تتخيلها ليس فقط المضاد الحيوي ولكن ممكن تحصل مع فيتامين د او اى حقنة تتخيلها .. تفاعل الحساسية ملوش كبير ومهما بلغت من معلومات علمية او احترافية ومهارة برضو ال Anaphylaxis هتفضل ملهاش كبير .. عشان كدا التعامل معها فى المستشفى ممكن يحتاج اوكسجين او جلسات بخار ادرينالين Nebulizer .. وربنا يبعدكم عنها.
#القاعدة_الخامسة:
مش اى حساسية اسمها Anaphylaxis الحساسية درجات حسب خروج الهيستامين وكميتة لو خرج بكمية ضخمة في خلال 10 دقائق بيحصل تورم الوجه والعين والشفايف Angioedema الحالة قدامك مش هتقدر تشوف عينيها من ورم الجفون وشفايفه كبيرة جدا جدا ووشه منفوخ زى البالون او الكورة وفيه بقع حمراء في وشه وجسمة مع ظهور اختناق وضيق نفس وهبوط في الدورة الدموية .. لما يحصل الكلام دا بنسمية Anaphylaxis بيتلحق في خلال دقائق معدودة.
#القاعدة_السادسة:
فقط فقط فقط فقط الأدرينالين (الإيبينفرين) هو قبلة الحياة، ولا يوجد إختبار حساسية هيحميك وبدون الإعتماد عليه معدل الوفاه عاليه،
مضاد الهيستامين والكورتيزون ليس حل ولكن حل مساعد للأدرينالين .. كما ان الأدرينالين لوحدة قادر انه يتحكم في الحالة ولكن عشان تأثير في الجسم بيستغرق حوالى 15 دقيقة ممكن نحتاج نكرر جرعة الأدرينالين مرة واحدة فقط لو مفيش تحسن .. ولو حضرتك تعاملت قبل كدا بمضاد الهيستامين مع الكورتيزون فقط بدون ادرينالين دا بس عشان ربنا سترها معاك .. وممكن بدون ادوية ربنا يسترها لان الهيستامين بيتكسر فى الدم سريعا وممكن الحالة تتحسن لوحدها حسب شدتها ولكننا نبحاول نقلل من احتمالية الوفاة.
#القاعدة_السابعة:
الأدرينالين متوفر عندنا في مصر بتركيزين
تركيز امبول 1 مجم تركيز في 1 مللي حجم
وامبول 0.25 مجم تركيز في 1 مللي حجم ..
هات علبة الربع 0.25 فيها 25 امبولة ب 67 جنية سهلة معاك فى الحقن بدون تخفيف.
#القاعدة_الثامنة:
لو طفل تحت 30 كيلو هياخد امبول عضل من تركيز 0.25
اما لو كبير فوق ال 30 كيلو هياخد 2 امبول من تركيز ال 0.25 عضل.
لو الأمبول المركز 1 مجم فى 1 مللي هو المتوفر اسحبة كله فى سرنجة انسولين 100 وحدة واحقن SC اسهل لك
لو طفل تحت 30 كيلو هياخد من 10 وحدات الى 30 وحدة تحت الجلد.
اما لو كبير فوق ال 30 كيلو هياخد هياخد من 30 الى 50 وحدة تحت الجلد.
#القاعدة_التاسعة:
بنعطي بعدها الافيل مع كورتيزون ويفضل الهيدروكورتيزون ولكن عشان ناقص ممكن ديكساميثازون ..
والاثنين دول الأفيل والديكسا فقط عضل فقط عضل ..
كل كلامنا انهاردة حقن عضل ...
رغم اننا ممكن نعطي الادرينالين المركز عضل او (1:1000) تحت الجلد
والمخفف وريد ببطىء (فقط المخفف 1:10000)
لو اقل من سنتين بياخد ربع امبول الافيل مع ربع امبول الديكسا وممكن خلطهم لو طفل من سنتين الى 12 سنة نصف الامبول الافيل مع نصف امبول الديكسا .. لو اكبر من 12 سنة بنعطي الامبولين كاملين ولا يكرروا.
#القاعدة_العشرة:
لاتنسي القاعدة السادسة ولو مش هتعرف تتعامل مع Anaphylaxis بالأدرينالين يبقى بلاش تعطي حقن فى الصيدلية فقط المستشفى.
تحياتي
صيدلي/دهشان حسن دهشان
ادامه مطلب ...