पोरींनो,
अभ्यास करायची संधी मिळत असेल तर त्या संधींचं सोनं करा.. तुमच्या प्रयत्नांमध्ये तसुभरही कमतरता ठेवू नका.. तुम्हाला सगळ्याच गोष्टी मोजून मापून मिळत गेल्यात आजवर अगदी अभ्यासासाठी वेळही मिळला तो ही मोजून मापूनच.. आजवर झालेलं तुम्ही बदलू शकत नाहीत पण आज तुम्हाला संधी आहे पुढच्या आयुष्य भरासाठी कुणाकडून तरी प्रत्येक गोष्ट मोजून मापून मिळविण्यातून सुटका करून घेण्याची.. स्वतःचं अस्तित्व घडविण्याची.. या नोकऱ्या सगळं काही नसतात हे मी नेहमीच सांगत आलोय पण तुमच्यासाठी मात्र या नोकऱ्या म्हणजेच सर्व काही आहे असं स्वतःला ठामपणे सांगून मोठ्या जिद्दीने अभ्यास करा. जग लाख बदललं असेल पण गावाकडच्या बाईसाठी तरी ते जग अजूनही खूप दूर आहे. सगळं जग बदलायच तेव्हा बदलेल आज तुम्हाला संधी आहे स्वतःपुरतं जग बदलण्याची.. ती सोडू नका.. तुम्हाला अभ्यासासाठी "मिळालेल्या" काळात नोकरी मिळवणं हे स्वतः समोरचं सर्वात मोठ्ठं ध्येयं ठेवा..
त्यापेक्षा काहीच आणि कुणीच महत्त्वाचं नाही हे नेहमी लक्षात ठेवा.. माझा अभ्यास होत नाही किंवा अभ्यासात मन लागत नाही असं म्हणण्यापुर्वी शंभर वेळा विचार करा तुमच्या सोबत शिकणाऱ्या त्या मुलीचा जीला दहावी नंतर शिकताच आलं नाही किंवा बारावी नंतर.. किंवा तीचाही जी खूप हुशार होती, जीने मोठ्या जिद्दीने ग्रॅज्युएशन पुर्ण केलं पण नंतर मात्र पुढे शिकता आलं नाही किंवा नोकरी मिळण्यापुर्वीच अंगावर इतर जबाबदाऱ्या पडल्या.. खरंच त्या मुलींचा विचार करत चला अधूनमधून.. अमर्त्य सेन missing women बद्दल बोलतात ना.. हे तसंच आहे.. missing women officers वगैरेही म्हणता येईल.. UPSC मध्ये 300+ मुली पास झाल्या, पहिल्या चार ranks मुलींनीच मिळवलेत हे खूप कौतुकास्पद.. तुम्हीही करू शकता हे खरंतर तुम्हाला करावच लागेल तुमच्याकडे पर्यायच नाही.. आर्थिक स्वावलंबन आणि सक्षमीकरण हीच गोष्ट शाश्वत आहे.. बाकी सगळं अवलंबित्व आहे म्हणूनच तर म्हणतोय तुम्हाला पर्याय नाहीये.. मी स्वतः पाहिल्यात अशा missing women officers.. गावाकडे येतो तेव्हा दरवेळी दिसतात.. दरवेळी मनात प्रचंड कोलाहल होते.. अभ्यासाची संधी मिळालेल्या पोरींना ओरडून ओरडून सांगावसं वाटतं हे सगळं.. म्हणून हा सगळा लेखन प्रपंच.. पुन्हा एकदा सांगतो तुम्हाला नोकरी मिळवायचीच आहे.. ही इच्छा नाही तर गरज आहे.. एक नितांत महत्त्वाची गरज.. आणि हो, मोठी नोकरी मिळाल्यानंतर त्या पोरींसाठी जमेल ते, शक्य ते सर्व करा ज्यांना ही संधी मिळू शकली नाही🙏
~निरंजन🌿
#MissingWomenOfficersادامه مطلب ...