«Уруш бўлмасин. Бувижонларимиз, онажонларимиз қора кийишмасин».
(6-синф ўқувчисининг иншосидан)
Тунларнинг, тонгларнинг дарди тўкилди,
Оқ қоғознинг кўнгли тўлмади фақат.
Унинг соғинч тўла интиқ бағрини
Бугун сен тўлдириб қўйибсан, хайрият.
Излаганим топдим. Мен билан бирга
Шамоллар йиғлади шовуллаб дилхун.
Бир oғир азобдан ботдию терга,
Ўз рангидан тониб титраб кетди тун.
Ранглар тиз чўкдилар қаршимда бир-бир,
Кўзлари армондан толиққан ранглар.
Мен ҳамон тилсизман, руҳимда ахир
Сенинг тоза, жонбахш хитобинг
янграр.
Сен бугун рангларни танитдинг менга,
Покиза юрагинг - тиниқ осмонни.
Оппоқ кўйлакларда кўрмоқ истадинг
Муқаддас дунёни, Ўзбекистонни.
Сен ҳар кеч экранга боқасан чўчиб,
Жисмингга санчилар минг битта савол.
Титрайсан, қон томган тупроқни қучиб
Урушга лаънатлар айтганда аёл.
Улғайиб борасан соатма-соат,
Мунғайиб қолади қўғирчоқларинг.
Тунларга, тонгларга тилаб ҳаловат,
Ҳайратга тўлади қорачиқларинг.
Шу ҳайрат мангуга тарк этмас экан,
Ёниқ тилакларинг бир кун кулади.
Бу тонглар, бегумон, бизни, дунёни
Оппоқ ранглар билан севиб қолади.
Саҳарлар дуога қўл очар онанг,
Эзгулик ҳақида мен айтаман шеър,
Сен орзу қиласан бизга ҳамоҳанг,
Билки, қора кўйлак киймас она Ер!
Инобат РИЗАЕВА
https://t.me/ONA_TILIM_MILLAT_RUHI
Показати повністю ...
📚ONA TILI — MILLAT RUHI.🌿 O‘ZBEKISTON FILOLOGLARI🕊
Respublikamizda eng birinchilardan bo‘lgan kanalimizga xush kelibsiz!
Kanalimizda ona tili va adabiyot, o'zbek tiliga oid ma'lumotlar, ta'lim yangiliklari yoritiladi.
Biz bilan bir qadam oldindasiz!
🌹🌹
BOSH ADMIN: @Dilda_Ollohim
ADMINKA: @TEACHER_KR