Тошкентда ИҲТ саммити бошланди. Арипов Эрдўғон шарофати билан Тошкентга ёмғир ёққанини иддао қилди
Тошкентда 9 ноябрда Иқтисодий ҳамкорлик ташкилоти - ИҲТнинг 16-саммити бошланди.
Президент матбуот хизматининг билдиришича, саммитда Ўзбекистон, Озарбайжон, Эрон, Қирғизистон, Тожикистон, Туркманистон, Туркия президенлари, Қозоғистон бош вазири, Покистон муваққат ҳукумати раҳбари иштирок этмоқда.
Саммитда иштирок этиш учун делегациялар Тошкентга 8 ноябрда кела бошлаган эди. Айни пайтда ижтимоий тармоқларда бош вазир Абдулла Ариповнинг Туркия президенти Ражаб Тоййиб Эрдўғонни аэропортда кутиб олгани тўғрисидаги видео тарқалди.
Абдулла Арипов Эрдўғонга қарата “"Юртимизга барака олиб келдингиз, 8 ойдан бери ёғмаётган ёмғир ёғиб юборди” деган гапларни айтади.
“8 ойдан бери ёмғир ёғмаганини эшитган Эрдоған ва унинг рафиқаси ҳайратда қолди”,-деб киноя қилади “Халқ овози” телеграм канали.
🔴
https://t.me/ozodlikkanali kanaliga obuna bo'ling!
🔴 Bizga xabar yo'llash uchun 👉
@ozodnewsKo'proq ko'rsatish ...