VILOYAT MAKTABGACHA VA MAKTAB TA’LIMI BOSHQARMASI BOSHLIGʻI YANGIQO‘RGʻON TUMANIDA YOSHLAR MUAMMOLARINI O‘RGANDI
O‘zbekiston Respublikasi Prezidenti raisligida joriy yilning 11 - aprel kuni yoshlar siyosati sohasidagi ishlar natijadorligini oshirish chora-tadbirlari yuzasidan o‘tkazilgan yig‘ilishda og‘ir toifaga kiruvchi yoshlarni rahbarlarga biriktirish orqali yashash sharoitlarini o‘rganish va muammolarini bartaraf etish bo‘yicha vazifalar belgilab berilgan.
Viloyat maktabgacha va maktab ta’limi boshqarmasi boshlig‘i Oybek Zokirov tomonidan o‘ziga biriktirilgan Yangiqo‘rg‘on tumanida yashovchi 55 nafar og‘ir toifadagi yoshlar muammolari o‘rganildi.
Boshqarma boshlig‘i yoshlarning xonadonlariga tashrif buyurib, ularning ota-onalari bilan muloqot o‘tkazdi. Uchrashuvlar davomida yoshlarning kelgusidagi rejalari, ularni qiynayotgan muammolar haqidagi taklif-mulohazalari batafsil tinglandi.
Jumladan, 17 nafari sohasi bo‘yicha anjomlar olib berilishini, 17 nafari bepul davolanish, 2 nafari axloq tuzatish ishlaridan ozod qilish, 7 nafari ish bilan ta’minlash, 2 nafari oliy ta’lim muassasalariga o‘qishga kirish, 3 nafari ishlagani boshqa davlatlarga ketganligi, 5 nafari uy va yer masalasida subsidiya ajratilishini so‘rab murojaat qilishdi.
Yoshlarni har tomonlama qo‘llab-quvvatlash, bildirilgan muammolarni bartaraf etish bo‘yicha chora-tadbirlar ishlab chiqilib, ularni ijobiy hal etish yuzasidan mas’ullarga ko‘rsatmalar berildi.
Namangan viloyati maktabgacha va maktab ta’limi boshqarmasi Axborot xizmati
Ko'proq ko'rsatish ...