✅
Бўлажак журналистлар Ўзбекистон парламенти фаолияти билан танишди
3 май – Жаҳон матбуот эркинлиги куни муносабати билан Сенатнинг Ахборот сиёсати ва давлат органларида очиқликни таъминлаш масалалари қўмитаси, АОКА ҳамда Ўзбекистон Миллий университети журналистика факултети ҳамкорлигида
“Янги Ўзбекистон журналистикаси: сўз эркинлиги ва қонунчилик амалиёти” мавзусида давра суҳбати ўтказилди.
Давра суҳбатида соҳа мутасаддилари ахборот сиёсати ва давлат органларида очиқликни таъминлаш, сўз ва матбуот эркинлиги масалалари, бу борада қонунчилик амалиёти, уни ҳаётга татбиқ этишнинг долзарб жиҳатлари юзасидан ўз мулоҳазаларини билдиришди.
Шунингдек, мулоқот давомида
хусусий медиа ва блоглар ҳаётимиздан кенг ўрин эгаллаб бораётгани, жамиятимиз ҳаётида йўл қўйилаётган камчилик ва муаммоларни дадил кўтариб чиқишда
муҳим омил бўлиб хизмат қилаётгани таъкидланди.
АОКА масъул ходими талабаларга
давлат органлари ва ташкилотларининг очиқликни таъминлаш борасида амалга ошираётган ишлари, бу борадаги самарадор натижалар ҳақида қисқача тўхталиб, ахборот хизматлари йўналишида таҳсил олаётганлар ўрганишлари лозим бўлган масалалар бўйича таклиф ва тавсияларини билдирди.
Учрашувда ўқувчи талабалар
парламент фаолияти билан яқиндан танишди. Қўмитада доимий асосда ишловчи сенатор М.Парпиев қўмиталар томонидан олиб борилаётган ишлар, шунингдек Сенат ялпи мажлислари, қонунлар муҳокамаси қай тарзда ўтиши, муҳокама ва мунозаралар тафсилоти ҳақида батафсил сўзлаб берди.
Талабалар
сўз эркинлиги, ахборот сиёсати, журналист ва блогер фаолиятига доир саволларга атрофлича жавоблар олишди. Мулоқот-учрашувда, шунингдек, талабалар томонидан
қатор ташаббуслар илгари сурилди.
Telegram | Youtube | Facebook | Instagram | Медиабанк | СайтShow more ...