Муаммолар илдизи узоқдан изланмайди...
Ҳаммамизга маълумки, бугунги кунда мамлакатимизда муҳим сиёсий ва тарихий жараёнлар амалга оширилмоқда.
Яқинда конституциявий ислоҳотлар амалга оширилиб, референдум бўлиб ўтди. Эндиликда президентлик сайлови кампанияси бошланди.
Мен эътиборингизни бир қатор жиддий масалаларга қаратмоқчиман. Ижтимоий тармоқларни кўп кузатдим. Унда чиқиш қилаётган барча ҳолис ва ноҳолисларга эринмай қулоқ осдим, материалларини ўқиб чиқдим.
Кўпчилик сўз эркинлиги ҳақида гапиришади. Лекин унинг моҳиятини англамаслиги яққол кўриниб туради. Ҳўш сўз эркинлиги ўзи нима?
Бу саволга ҳазрат Алишер Навоий энг тўғри таъриф берган, қуйида шуни келтираман ва шу етарли деб ўйлайман:
Олдига келганини емоқ ҳайвоннинг иши,
Оғзига келганни демоқ нодоннинг...
Ўзбекистон ва унинг ҳукумати раҳбарлари ҳақида оғзига келган гапларни гапириб чиқаётганларга икки оғиз айтар сўзим бор.
Нега мамлакат ичида яшаётган ватандошлар сизларга ишониши керак? Нима учун тўла асосли бўлмаган, фактлар етарли бўлмаган материалларингизга “лаққа” учишимиз керак?
Мен ўзимнинг шахсий муаммоларимга нега давлатни, унинг раҳбарини айблашим керак деган дангал бир саволни ўртага ташлайман.
Ҳўш, менинг шахсий муаммоларим, уларнинг ечими давлат ва унинг раҳбарига боғлиқ бўлмаса ҳам уларни айблашим керакми?
Менда юзага келган муаммолар ўзимнинг илмсизлигим, дангасалигим ва юриш-туришим сабаб юзага келган бўлсаям, айбни кимдандир қидиришим керакми?
Ҳамма ёппасига мактабни, ўқитувчиларни айблашади. Лекин китоб ўқишни истамаётган ёшлар учун асосан ота ва онаси жавобгардир. Муаммонинг илдизи боласига умрида бирон марта китоб совға қилмаган ота, уйида ҳеч қачон ўзи китоб очиб ўқимаган ота ва онадан қидирилмайдими? ...
Обуначиларим орасидан кўп мурожаатлар тушиб туради. Орасида кўпчилиги у мавзуда ёз ёзинг, бу мавзуда ёзинг, -дея таклифлар беришади. Мен ўрганмаган ва билмаган мавзуларимда асоссиз бирон нарса ёзолмаслигимни айтиб жавоб берсам, дарров – қўрқасизми? , - дейишади.
Шу саволлардан биттаси қуйидагича:
Хидирназар Аллақулов янги партия очяпти, шу ҳақида холис муносабатингизни билдиринг...
Жавобим ўша. Мен у партияни мақсадларини билмайман. У одамни ҳам яхши танимайман. Унинг аъзолари кимлар, билмайман. Нимани ёзишим керак?
Янги партия тузилишига шахсан мени эътирозим йўқ. Мамлакат ривожига ҳисса қўшса, қўллаб-қувватлайман. Улар ҳозирча “Озодлик” радиоси материаллларига асосланиб чиқишлар қилишади. Давлат раҳбари ва унинг режими ҳақида асоссиз бир нималар гапиришади.
Давлат раҳбари, унинг шаъни ва қадр-қимматига зарар келтирадиган тухматларни кимдир ёғдирар экан, ўша қамалган экан, бунга мен нега эътироз билдирай? Нега уни Аллақулов қаҳрамон деса, мен ҳам -ҳа шундай, - дейишим керак? Асл ҳақиқат бошқачаку...
Журналист ва блогерларни қамаб, қатағон қилишяпти, -деса, мен аниқ билмасдан туриб нега уларга ишонишим керак?
Ўша қамалган блогер ва журналистларни яхши таниман. Блогерлиги ва журналист экани учун қамалган эмас улар.
Мана битта блогер - жудаям “шонтаж” эди, ижтимоий тармоқларда бунга асослар бор. Ҳокимларга тухматлар уюштириб, шахсий бизнеслари йўлида фойдаланган. Жанжалкашлиги ва тухматчилигидан қўрққан мулозимлар блогер хонимни кўнгли нима тусаса, шуни бажо келтириши керакмиди?
Ёки бўлмаса, бир нечта блогерлар, журналистлар ва давлат ташкилотларининг матбуот котиблари бирлашиб, телеграм канали очишган. Ким қайси сирдан хабар топса, ўртага ташлаб, “палончи ташкилот ва унинг раҳбари бизга яқинроқ келинг, сиз ҳақингизда бизнинг қўлимизга даҳшатли материаллар келиб тушди, бизни кузатиб туринг бир неча соатлардан кейин эълон қиламиз” , - дея анонс чиқаришади. Кейин ўша ташкилот матбуот хизмати уларга боғланади. Катта миқдорда маблағ талаб қилишади. Бир бора материалларни эълон қилмаслик учун битта ташкилот раҳбаридан катта маблағ сўрашади. У маблағни эшитиб, ҳайрон бўлган ва ўзига ишонган раҳбар “чиқараверишсин, мени уларга берадиган пулим йўқ”, -дейди.
Show more ...